[惡搞無極限] 就係咁，我同幾個豬朋上左大陸獵金: ３５３ 三個考驗
「你係點樣識我阿爸架？」我問花木蘭，而佢就微笑咁答我：「唔係我識你阿爸，而係我阿媽識你阿爸，但係呢ｄ都唔重要，最重要既係果封遺書。」 係ｗｏ，而家係封遺書先係最重要，「咁而家妳都知道我係阿爸個仔，咁妳應該肯比封遺書我掛。」 花木蘭聽到後，搖一搖頭話：「我確定你係你阿爸個仔，但係我都要守承諾，只可以將呢封信交比你阿妹，不過……」花木蘭呢一個不過後，諗左一陣，「如果你可以通過我三個既考驗，我就比你啦。」 「三個考驗？」我不解咁問：「妳都話要我阿妹出現先會比遺書，點解我仲要通過三個考驗呢？」 「你條友仔又幾醒ｗｏ。」佢話：「咁如果真係通個三個考驗，我真係比封遺書你，你肯唔肯？」 我諗左一諗後，就話：「如果係真既話，好，係邊三個考驗？」