[惡搞無極限] 就係咁，我同幾個豬朋上左大陸獵金: ３５５　迷之少女

我無咁好氣再理呢個花木蘭，如果佢唔係同我講關於遺書既野，我就唔應佢。

就係咁，我望住濕晒既勞斯萊斯同怕羞既阿欣，見到都眼冤，所以行出房費事再望住呢個情景。

一行出房後，仲聽到好嘈既音樂聲，我諗係因為每一間房都傳出唔同既聲音而做成。

我沿住呢條路向前行，講真，我唔知自己想去邊度，只係ＫＥＥＰ住向前，但係我有一樣野實知，就係，我盪失左路……

明明我只係沿住條路真行，點解當我望返去後面果陣咁唔同既！？





唔通我比花木蘭迷左！？

我好大力咁拍左自己塊面幾下，因為我覺得咁樣自己可以清醒返，但係好似無咩作用。

死啦，頭先出黎果陣又唔記得房號，而家成條走廊有無人，我可以點樣返去呢？就當我正想轉頭返去果陣，我撞跌左一個人。

「哎呀～」一聲嬌嗲既叫聲，我望住比我撞跌既人，係一個少女，好靚……好靚……

「你做咩撞跌人地啊～」佢講完後伸左隻手係我面前，我不解咁望住佢，而佢就話：「仲唔扶起人地。」