佢既要求我隔左半秒先有回應,我伸左手去捉實呢個女仔,佢隻手好滑,滑到好似如果唔用力捉佢既話都會跣出黎。

扶起左佢後,佢對我微笑左一下,呢一下微笑真係好似天使一搬既微笑,而佢問我:「係呢,點解你係呢條走廊度走黎走去啊?」

我聽到後就答佢:「我都走黎走去啊,我只係一直行,行下行下就黎左呢度,然後就唔記得點樣行返去……」

「你盪失路~哈……」呢個女仔既笑,係純真,「呢度間間房都有個房號,你唔記得自己既房號咩?」

「我頭先出黎果陣無留意。」我答佢,然後佢就諗左諗後又問:「知唔知邊個招呼你啊?」





「花木蘭。」我呢一個回答,個女仔怔一怔後話:「我可以帶你返去,不過,我唔想比花木蘭見到我。」

「點解既?」我問。

「無得解,咁你想唔想我帶你返去?」個女仔又問。

「緊係想啦。」我回答。

唔通呢個女仔同花木蘭唔妥又或者佢唔想見到花木蘭?但係個女仔好似唔多想答既話,就無謂再問佢。





就係咁,我跟住呢個女仔轉左好多個彎,又上又落咁去返我自己既房前面,一路行我就一路話頭先都唔覺咁樣行既,而個女仔就一直笑。

係房前面,個女仔微笑話:「係呢度拿。」佢有好肯定既語氣話。

「妳又知?」我唔係幾信咁問,而果女仔就答我:「都行到黎呢度,你而家只可以選擇相信我。」

咁佢講得有幾有道理,「咁好啦,我信妳。」個女仔聽到我咁講後又露出左天使般既笑容。

我用手推開門之際,「係呢,妳叫咩野名?」問完後望向頭先果個女仔所企既位置,先知道個女仔已經走左,但係,佢把聲依然答我:「等下次見面果陣話你知啦。」
已有 0 人追稿