[惡搞無極限] 就係咁，我同幾個豬朋上左大陸獵金: ３５８　阿俊既堅持

返到去，見到既係一片狼籍，好似經歷過大戰咁，所有野被破壞過。

「……究竟發生咩野事？」勞斯萊斯問左一句後，就不停係呢個被破壞既地方不停搵，直到佢搵到佢想要既野，ＭＡＮ姐。

ＭＡＮ姐係昏迷狀態，勞斯萊斯一見到佢咁都唔太敢郁佢，只係同我地講左句：「要快Ｄ送佢去醫院。」

好少見到勞斯萊斯咁認真，睇黎事態都好嚴重……等等！？阿妹同阿俊呢？

「阿欣，你去打電話叫車黎先，我要去睇睇阿妹點。」講完呢句後我就衝左上去阿妹既房，有一個好消息，一個壞消息。





壞消息係呢間房被破壞得比頭先所見既更加嚴重，而好消息係搵左好耐都唔見阿妹……呢個其實都唔知算唔算係好消息。

而當我要去阿俊間房果陣，我見到佢已經係走廊上半坐係度，佢喘晒氣，身上面流左好多血，見到咁樣既佢我即刻衝左過去，「阿俊！發生左Ｄ咩野事！」

阿俊半死咁望住我，佢本身已經受左傷，而家仲傷成咁，真係敬佩佢既忍耐力，「……你……你……」佢想講野，但係又講唔到。

「我咩野啊？我咩野啊？」我不停咁問佢，直到我見到佢手中拎住阿妹既電話，見到電話係開左一個對話聊天室，係一個不明既電話號碼。

而我見到其中幾個ＭＳＧ係咁。





時興隆：佢地已經出發去搵剩低果Ｄ遺書
迷之人：係！？
迷之人：咁我地都唔可以慢落黎
時興隆：無錯
迷之人：妳繼續睇住佢地
迷之人：我呢邊都就快有眉目

呢一刻，我望住阿俊，佢雖然講唔到野，但係佢既眼神中已經話左我知，「都話你阿妹有問題架啦。」