[惡搞無極限] 就係咁，我同幾個豬朋上左大陸獵金: ３５９　無助

我扶左阿俊落樓，而落樓既期間，我都唔係好相信頭先電話上面所見既對話。

點解阿妹要咁做呢？邊個係迷之人？點解迷之人佢阿妹睇住我地？而佢地既目的係點呢？

而最大既問題係，阿妹而家又去左邊？點解阿俊拎住阿妹既電話？

充滿住疑問落到樓，阿欣見到阿俊咁就話：「佢做咩傷成咁架？」

我只係搖一搖頭，然後阿欣就繼續問：「阿妹呢？」





「唔見左。」我答，然後阿俊用佢半死既語氣講左幾個生字：「……暴走……微笑男……帶走左……」然後阿俊就暈左。

單憑呢Ｄ生字，我只可以估到微笑男出現過，然後令阿妹暴走襲擊呢度Ｄ人同破壞呢度Ｄ野，跟住微笑男帶走左佢。

呢個消息我一諗到後，心當堂涼左一下，第一係因為阿妹可能有危險，第二係因為阿妹暴走我地都有危險，第三係本身想叫阿妹一齊去搵阿爸既遺書，等Ｄ人見到阿妹後，就唔駛咁快可以直接拎到，但係而家……

救護車既聲音愈黎愈大聲，「阿賢，救護車黎拿。」阿欣企係我身後話，而我呢一刻只可以做既，只有點一點頭，然後跟住佢地去醫院。

心中感覺，好無助。