[惡搞無極限] 就係咁，我同幾個豬朋上左大陸獵金: ３６９　關條鏈事

我望一望花木蘭，問佢：「妳話帶我黎呢度就可以搵到阿妹，我而家唔係好明係點解？」

花木蘭見到我個樣咁迷茫就話：「你唔駛咁既，總之一陣你就信我講既野架拿。」

飛伯慢慢向下飛，我地都搵緊路跟住佢既步伐，一直向下行，一直望住果個深不見底既黑，「呢度究竟有幾高啊？」我問。

而飛伯就答我：「我都答唔到你，我一直咁向下發展，到而家有時得閒都會繼續發展落去，所以有幾高我就真係唔知。」

「咁我地要行幾耐先到底架？」我問，而飛伯用一個奇怪既目光望住我講：「點解你覺得要去到底呢？我都無話要去到底。」





你咁講就安樂晒，好彩唔駛去到底，唔係真係唔知要行到幾時。

但係阿欣聽到唔落底，佢就，「下……唔到底架……我好想知道下面有ｄ咩ＷＯ。」

飛伯見到阿欣咁有興穀，就話：「妳下次黎果陣，我就帶黎去啦，今次有緊要野做，就先處理左先啦。」

「緊要野？」我問，而飛伯就答我：「你地係你搵你阿妹，呢件咁緊要既事點可以遲。」

飛伯講完後又飛向我身前，指一指我所戴住既鏈話：「好彩你一直都帶住呢條鏈，只要你阿妹都帶住另一條既話，就可以搵到佢既地點。」





「真係？」我望一望我條鏈，一條咁平平無奇既鏈竟然可以做到呢ｄ野？等等！點解飛伯又會知道呢條鏈可以做到呢ｄ野既？

「飛伯，點解你會知……」我條問題都未問完，飛伯就答：「緊係啦，呢條鏈係當年你阿爸叫我整架。」

咩話？原來呢兩條鏈係飛伯整既？仲要係阿爸叫佢整？