跑又點及飛既快呢,呢一句係我之前既諗法,但係而家呢一個諗法將會改寫,點解?就係因為當你見到阿欣可以突破人類既極限,到飛緊既飛伯鬥到難分難解果一刻,你先會知道,原來人類既極限係可以咁。

阿欣爆發佢既小宇宙,佢跑贏左飛伯,第一個推開木屋道門。

「我贏左啊!我贏左啊!阿賢我贏左啊!」我見到阿欣佢不停對住我好雀躍咁叫,其實我心情好矛盾。

開心係當然啦,但係我真係唔係好明阿欣佢係咩野構造,我同佢一齊其實我會唔會有危險架?

飛伯都落左地,遠看見到佢同阿欣好開心咁傾計,可能係讚緊阿欣掛,而我、勞斯萊斯同花木蘭都行到木屋前。





「妳真係勁。」呢一句係花木蘭講,佢係打從心底既讚美。

而勞斯萊斯仲喘緊氣,但係都可左個LIKE阿欣。

我地幾個行入去木屋,「嘩!原來入面係咁架!」阿欣既驚嘆,我既O咀,原來木屋入面既世界係咁大,因為呢個木屋係向下發展,姐係我而家靠住個欄杆無向下方,係一個深不見底既地下基地,而基地入面有好多形形式式既器械工作緊。

「點啊,係未大開眼界呢?」飛伯繼續用佢既飛行器係半空飛緊,「歡迎黎到我既工作坊,我可以話呢一度係國內數一數二既技術發明基地。」

究竟搞緊咩啊,我好似黎搵金咋,點解會見到D同個故仔都唔多關聯既野既……
已有 0 人追稿