聽到花木蘭話搵到個地址,我地當然係第一時間去啦,跟住佢地三個身後面左穿右插,我不其然諗起頭先同跟住少女後方,究竟果位少女同花木蘭有咩關係呢?

就當我仲未到佢地有咩關係,我就已經到左花木蘭所講既地方,「就係呢度。」

我望一望上面顯示既地址,再對一對手中拎住果個,「係呢度。」我面前果間係一間雜貨店。

正當我想行入去之際,花木蘭拉住左我,「你就咁行入去?話晒呢度都係碇司令既地方,你唔睇定D先入去?」

花木蘭又講得好有道理,但係呢D道理下次可唔可以早D講,因為……





「阿賢,呢度好黑啊,我入去搵個燈制開左燈你地先入黎啦。」因為阿欣佢一早已經入左去。

花木蘭聽到阿欣把聲後,佢望一望做左個疑問既表情,而我只係答左一句:「妳慢慢就慣架拿。」

都好既,又阿欣入左去探路,見佢真係搵到個燈制開燈,而佢又可以平安無事咁出返黎,姐係入面都唔會有咩野危險啦。

於是我地幾個就行左入去,但係入到去望左一陣,呢度除左係一間雜貨店外,就無咩野特別。

阿妹真係會係呢d地方?





「無理由會咁架WO,地址明明就係呢度。」花木蘭不停念念有詞,而我地幾個就不停咁搵有咩野暗格或者機關。

直到勞斯萊斯既大叫:「你地快d過黎睇下。」

我地聞聲即刻跑左過去,「有咩野發現啊?」我問佢,但係勞斯萊斯無答我,只係指住左個方向,我地望一望佢所指既野……

我地見到既係一對恐怖陶瓷娃娃。
已有 0 人追稿