[惡搞無極限] 就係咁，我同幾個豬朋上左大陸獵金: ３８３　逃

我望住衝過黎既阿倫，屏息靜氣希望佢可以搶到把鎖匙，「這！？」女巨人叫左一聲，因為阿倫真係搶到，「為何每個男人都是這樣！！！」佢呢一叫好凄厲，唔好問我點解佢會叫成咁，我望住佢我都唔知點解。

但係知道既，係佢望住我地三個怒目而視。

「快ｄ開左道門佢啦。」我不停拍開緊門既阿倫。

「係啊，快ｄ啦，再唔快ｄ我地就會死係呢個女巨人既手上架拿。」阿輝好少有地正經咁話。

而阿倫就好忙咁將鎖匙放入去開門，但係開極都開唔到，「你地兩個未撚拍我啦，愈拍我愈手震啊，我都怕比呢個女巨人捉左然後先姦後殺。」





愈忙亂，愈開唔到，愈開唔到，女巨人就愈行愈近，但人可能就要有呢一種危機既壓迫，先可以放出自己既能力，到左最緊張既關頭，阿倫終於開左把鎖。

「快撚ｄ走啦仆街！！！」我地係一齊大聲叫左出黎然後一齊衝左出去。

不過，身後面既女巨人仲係不停咁追，就咁聽都聽到佢既憤怒係後面愈黎愈近，「天下所有男人都是負心漢！」

究竟發生左ｄ咩野，點解我要係度比一個咁撚高既女人追，而且仲要話我地係負心漢，我幾時負過佢既心ｗｏ，就算佢比我負我都唔想囉。

就當我地一直向前跑，阿倫發現左一件事，「前面無路拿仆街！」





「係邊撚過帶路架！」阿輝話，然後望向我。

「唔撚係我ｗｏ！我地平排一齊跑你地今次唔撚好又屈我ｗｏ！」我今次幾大都唔就範。

「唔好講咁多住先啦！諗左點應付後面個女巨人先啦！」我叫左出黎，因為我感覺到個女巨人已經係我身後面觸手可及既距離。