[惡搞無極限] 就係咁，我同幾個豬朋上左大陸獵金: ３８４　白雪公主竟然係！？

前無去路，後有女巨人，結果當然係走唔到比個女巨人捉住左啦。

個女巨人真係幾勁下，佢得兩隻手都可以捉住我地三個人，仲好大力咁按左我地係牆，而且因為佢既高度，我地三個腳已經離地，而個女巨人一捉住我地，又係度話：「天下的男人都是負心漢！」

其實我都唔明佢咁既條件都有人做佢既負心漢，果個人真係唔怕死。

女巨人捉住我地條頭既位置，愈捉愈緊，慢慢地我已經感到呼吸有Ｄ困難，而我既腦入面只係諗緊，阿爸既遺書、阿妹、阿媽、仲有阿欣……

就係我以為就快斷氣之制，一個見個既身影出現係我既面前，點解？點解佢會係度既？





我見到佢用好高速衝過黎，愈黎愈近，本來有段距離我仲有少少懷疑，但係而家咁近見到，真係佢！果個係我每次迷路都出現既少女。

佢用自己嬌少既身體撞向左果女巨人，都唔知點解個女巨人咁巨大，都可以被佢撞到話，「好痛！」雙手一鬆，我地三個跌左落地。

「是誰……」女巨人都未問完，個少女有一腳踼落女巨人既下巴，而女巨人因為呢一踼，終於倒下。

「又係你既？你有盪失路啊？」聽住少女既問題，我慢慢順返條氣，「都……都算掛……」少女聽到我咁講後微笑左一下。

而阿倫都阿輝都慢慢企返起身，然後話：「比妳搵到添。」





「係啊，姐係我贏左，輪到你地捉我拿。」少女好開心咁話。

「喂！等等……」阿輝好似想阻止呢個少女，但係都黎唔切個少女就走左。

而我見到佢地兩個咁，就問佢：「你識果個女仔架？」

「係啊，佢未係白雪公主囉。」阿倫答我，而阿輝就成個怕羞仔咁。

下！！！咩野話！！！原來佢就係白雪公主！？