[惡搞無極限] 就係咁，我同幾個豬朋上左大陸獵金: ３８６　有阿妹既房間

阿倫既說話，令我更想知道白雪公主同花木蘭之間有Ｄ咩野事發生，「點解唔可以比佢地兩個見到？」

阿倫聽到我既問題後，只係答我：「我剩係知白雪公主講過，佢呢一生人入面，最慢既野就係比花木蘭捉住叫佢比返Ｄ野佢。」

「比返Ｄ野佢？比返Ｄ咩野佢？」我問。

「唔知，佢無話我知。」阿倫答完後就話：「快Ｄ離開呢度先啦，你仲要話搵返阿欣佢地。」

阿倫咁講，唯有先慢Ｄ搵返阿欣佢地先啦，而我一直都想知道點解唔可以比佢地兩個撞見，但係白雪公主住度出現，佢地好有可能會見到架ＷＯ！？





我地用左唔係好多既時間就會合返阿欣佢地，阿欣同勞斯萊斯見到阿倫同阿輝，都不知幾咁開心，而且勞斯萊斯仲想咀佢地兩個添，當然比佢地兩個極力爭扎下咀唔到啦。

而當佢地兩個見到花木蘭後，就流露左一副敵意，知情識趣既花木蘭見到就笑住話：「你呢兩位朋友好似唔多鍾意我咁ＷＯ。」

唔駛講，就咁睇都知啦。

阿倫同阿輝無將佢地知道白雪公主既事情話比佢地知，不過就將佢同阿妹一直係背後做既事情講左出黎，勞斯萊斯聽到都大話佢地好有義氣，而阿欣就話佢地有好野玩唔預埋佢，不過花木蘭就覺得佢地有少少唔對路，緦有Ｄ野瞞住佢地。

唔理咁多，點都算會合左，係我唔見左既期間，花木蘭話佢已經搵到一間可以見到阿妹既房間，知道呢個消息後我本身係好開心，但後黎就有一個問題，點解花木蘭每次都有方法可以搵到一Ｄ我地搵唔到既野，但佢搵到又唔自己去解決，要返黎先話我地知後再去既？





望住花木蘭呢個人，其實都好深不可測，究就佢係一個點樣既人，而白雪公主有點解話唔可以比花木蘭見到佢呢？