[惡搞無極限] 就係咁，我同幾個豬朋上左大陸獵金: ３８５　終於搵晒五個女人

姐係我其實已經見晒大寶要我搵既五個女人，只係有三個我仲未拎到佢地既遺書！

呢一個消息對我係幾咁興奮！！！

不過既係，呢一位白雪公主出現左一陣後，又消失左……

「白雪公主真係好可愛啊！！！」阿輝成個痴迷既樣出晒黎。

「呢個女仔又會無啦啦走左既？」我問佢地，而阿倫就答我：「佢係咁架，係一個好鍾意玩既女仔黎。」





好鍾意玩既女仔？點解佢呢一句咁熟既？我點解會有一個感同身受既感覺。

「計埋今次，我地已經同佢玩左五次捉依因。」阿倫好認真咁同我講。

「玩捉依因？」我問。

「係啊，少至一間房，大至一個省咁玩。」我聽完阿倫既回答後，Ｏ晒咀咁問佢：「點解你地又係同佢癲。」

「因為佢話只要陪佢互相玩三次，姐係計埋六次既捉依因，佢就會比你阿爸既遺書我地，所以我地未玩囉。」原來佢地係為左拎我阿爸既遺書，我聽到果一刻有少少感動。





「白雪公主玩遊戲果陣字係好可愛啊！」阿輝佢繼續痴迷，而我又問阿倫：「所以你地係同佢玩既期間，頭我阿妹失去左聯絡，所以就黎左呢度先搵阿妹？」

「係啊。」阿倫答我我好快，咁唔怪之得果陣我同阿欣佢地走散左，白雪公主會出現，原來係佢搵緊阿倫同阿輝。

「唔好講咁多拿，而家都走到出黎，快Ｄ對搵你阿妹先，然後再搵白雪公主啦。」阿倫講完後就一副準備走既動作。

但係，我先制止左佢，「我想係搵阿妹前，同阿欣佢地會合先。」

「佢地都黎左？」阿倫話。





「係，唔止得佢，仲有另一個我地要搵既女人花木蘭都係度。」我同阿倫講後，阿倫好驚訝咁話：「花木蘭！？佢都係度！？咁呢次仆街拿！唔可以比白雪公主撞到花木蘭啊！」

下？點解呢？