[惡搞無極限] 就係咁，我同幾個豬朋上左大陸獵金: ３９４　碇司令的收留

我唔想記返呢一段回憶啊，究竟有無人可以將我救返出黎啊，點解碇司令要搵呢個人黎一次又一次帶返我入黎呢度，我唔想再見到媽媽死係我面前，更加唔想知道我另一個人格將果陣其他生還既人一個又一個咁殺死。

我果陣仲係個細路仔黎，點解我會殺人架！？點解當我醒返果陣，我隻手已姮佈滿血，你地知唔知果陣我好驚啊，驚到剩係識攬住果隻染滿晒血既ｅｅｙｏｒｅ啊！

但當我一拎起隻ｅｅｙｏｒｅ，我又聽到果一把聲音，「唔駛怕，以後有我睇住妳，我唔會比人傷害我既朋友。」

點解？點解我想像中既ｅｅｙｏｒｅ同呢個ｅｅｙｏｒｅ有咁大出入架，我想像中果個ｅｅｙｏｒｅ唔係咁架，佢好可愛架。

「妳……竟然……」原來果個女人仲未死得晒，佢慢慢爬到我身邊話：「妳竟然……可以殺到我……妳呢個人格……碇司令一定好鍾意……」





「邊個係碇司令啊！我好驚啊ｅｅｙｏｒｅ！」我呢一叫後，又眼前一黑，有邊個可以救我？有邊個好以幫我？我而家已經一個親人都無……唔係！？我仲有爺爺，仲有爸爸！

所以，我唔可以死！

張開眼，我已經係床上面，眼前係一個天花，然而，有兩個男人坐左係我旁邊，「妳醒拿？」果男人冷語說。

而我望一望佢好，好自然既抗拒動作，我成個人彈開左，而另一個人就話：「碇司令，就係呢個女仔殺左初號機。」個男仔拎住左我隻ｅｅｙｏｒｅ，佢已經將隻ｅｅｙｏｒｅ洗好。

碇司令望一望我，然後拎起左隻ｅｅｙｏｒｅ後同我講：「我知道妳係邊個，但係我而家唔想殺妳住，不過如果妳唔聽我話既，都會死，所以，如果妳唔想死既話，以後就聽聽話話。」





呢個時候，我無得選擇，只可以不停咁點頭。

碇司令見到我點頭後，將隻ｅｅｙｏｒｅ比返我，「夢魔，我諗你知道點做，我要你搵出點樣控制佢既方法。」

「知道。」另一個男人答我。

而我，除左緊抱住ｅｅｙｏｒｅ，仲有同時緊握坐我條鏈。