呢條鏈,有我地全家最幸福既時刻係入面,我捉實條鏈,好努力咁忍住唔喊,但係出面既女人所講既野,不停痛擊我既心。

「過黎跪低。」我唔知媽媽又無咁做,我剩係知道過左一陣,個女人又話:「妳睇下妳,累到幾多人死,妳早d出黎未無事囉,妳睇下佢地而家點樣睇妳,佢地係用怨恨既眼神望妳啊,怨妳點解咁遲先出黎啊。」

唔好……唔好欺負我嫌媽媽……

「我而家是但捉過人問?就你啦,係未因為佢充遲出黎,先搞到你地咁啊?」

「係……係……」





唔好啊……

「如果佢一早出黎,就唔駛殺左你老婆啦,係未啊?」

「係……係……」

有邊個可以救我地啊……有邊個可以啊……

「你而家係未想殺左佢啊?」個女人呢一句重重打左係我心上面,唔得!我係唔可以比我媽媽有事架,正當我想衝出櫃門既果一刻,我聽到媽媽既大叫:「係我累到你地咁既!我死左就會咩事都無!係唔係?」媽媽妳點可以問d咁既野架,我係唔可以……「砰!!!」一聲槍聲後,我衝左出個櫃,見到既係有一個女人企左係媽媽面前,而媽媽已經訓左係地上面,媽媽手中仲半握住支槍。





原來頭先媽媽搶左其中一個人既槍,向自己既頭開左一槍。

媽媽佢頭部既血仲慢慢流緊,而個女人就微笑咁望住我,「原來仲有一個人匿埋左。」個女人,係著住一身紫色既衫。

有邊個可以救我地……有邊個可以救我地……有邊個可以度我地……我喊,但唔敢出聲,我驚,驚到只係緊緊抱住eeyore不停問:「有邊個可以救我地啊?」

突然,一把聲音係我腦入面傳出黎,「我可以救妳。」

「你係邊個?」我問。





「我係eeyore。」果把聲答我,然後,我就眼前一黑。
已有 0 人追稿