睇住自己心愛既女仔，由女神變做一隻雞: 第六章 【回家】

好唔容易執返起個心情，返屋企。
 
一返到去，港女家姐就黎料啦，「喂！做咩咁遲先返？杯野飲呢？」
 
我黑住面咁遞杯野飲俾佢。佢一見杯野飲就破口大罵，「做咩撚野呀你？無野呀？杯野係沙冰黎架，依家變左水啦。」
 
本黎心情難得好返，果然返黎如我所料，港女不變。
 
「你咁勁咪你買囉仆街！無錢我俾埋錢你買啦！」我不甘示弱，「你有本事就係出面收兵，叫人幫你買啦。無本事正係識叫你細佬買。」
 


佢聽到之後，塊面紅曬，一時三刻唔知講咩好。
 
緊係啦，你實駁唔到架，因為我講既全部都係事實。正係識拎自己細佬黎出氣有鬼用咩？！
 
「叫你做小小野都做唔到，死廢柴。」佢仲係度死雞撐飯蓋，根本就係港女特色。
 
家姐拎完杯野飲就返入屋，錢都無諗住俾返我。算啦，我都已經習以為常。
 
我返入房，飲左一啖已經溶曬既朱古力，由凍變左唔凍。
 


一邊飲，就一邊諗起李sir同婷婷都係飲呢款，可能飲同一杯呢？
 
我份人就係咁，成日諗埋啲負面野…佢地買兩杯唔可以同時各一杯咩？但我就係假設左佢地係一齊飲同一杯。我都好憎自己咁既性格，想改又改唔到。
 
我飲完一啖，大大力放低杯唔凍既朱古力。溫既朱古力真係好難飲，與此同時用黎發洩自己心中既不滿。
 
之後就瞓上床，望住雪白既天花板，思緒凌亂，唔知點先可以平復自己既心情。
 
算啦，去打機啦。開部電腦，打陣機。
 


成個人的確係舒服左好多。我玩緊既，係當年既heat project，係旺角街頭係咁拎住支衝鋒槍沖出去。俾人殺都唔緊要，最緊要可以衝出去亂咁殺人。
 
我已經唔想用腦黎打機，只想單純咁享受殺戮既快感。
 
用黎麻醉自己既大腦，等我可以唔諗起佢一陣，一陣就好…