睇住自己心愛既女仔，由女神變做一隻雞: 第七章 【別人口中的女神】

正當我係房到大殺特殺既時候，房門傳黎「唃、唃、唃」既聲音。
 
「食飯啦喂！」老母把聲係出面傳入黎。
 
「得啦，等陣。」我隻手無停落黎。
 
「我入黎啦。」話口未完，就自行開左門入黎。因為我慣左唔會鎖門，所以入黎講聲就得。中一既時候真係連打飛機都唔識，無咩好唔俾得人知，我係再大啲既時候，有需要先會鎖門。
 
老母坐係床邊，睇住我打機，睇到我全身都唔自在，於是我開口問，「咩事呀媽？」
 


老媽子用嚴肅既語氣同我講，「下次你唔好再蝦你家姐啦，佢只不過係要你做小小野姐，咁既態度邊度啱架？」
 
我聽完之後更加嬲！做咩野要幫住佢姐。
 
「我…頭先…」我僅僅吐出幾隻字，老母就話，「你好好反省啦，唔好掛住打機啦，出黎食飯啦。」然後就起身走左出去，留低啞口無言既我。
 
我滿腦問號，唔理是非黑白？咁樣寵法都得既？
 
我已經無心情打機，我按住alt+f4，登出完就出去食飯。
 


家姐佢今年中三，聽講仲未拍拖，有仔肯要佢既話，真係為人民服務呀。
 
一出到黎，佢地已經食緊飯，無等到我。算啦，我都習以為常。
 
老豆成日都要開工，屋企就得返我，家姐同埋老母，女權當道。
 
係一片死寂既狀態下食完餐飯，就算佢地傾計都係傾啲女人野，我完全搭唔到爹，同埋無興趣去理佢地。
 
食完飯之後就返去做功課瞓教。
 


第二日返學，班上啲男仔已經係班房度傾婷婷，我好奇就行埋去，「傾緊咩呀？」
 
小小明就細細聲咁講，「隔黎A班女神婷婷好似同李sir有路喎。」
 
我扮曬唔知咁俾反應，「下？！真係架？」我裝出一個驚訝既表情，「我仲以為係啲靚仔師兄會溝到佢添。
 
「你有所不知啦，佢呢排成日都同李sir行得好埋，又細聲講大聲笑咁樣。」呀輝又加把嘴落黎。
 
小小明份人咸咸濕濕咁，一早已經睇上左婷婷架啦，但自知條件唔夠好，所以都無好似其他人咁明目張膽行動姐。
 
但聽聞佢私底下有寫信放係佢櫃桶呀，我一聽都覺得呢條橋好老啦。可能佢覺得橋越老，佢越受呢。