[信不信由你] 青少年經歷: 15

我:「乜撚呀又成日咁夜先打黎」
佢:「你個仆街以後唔准咁對我呀你而家知我係好驚曱甴架啦」
我:「點敢有下次 而家先知你係咁唔玩得 仲以為你係我面前明明驚到仆街都會扮無野」
佢:「屌你啦 打黎係叫你聽日買早餐畀小莉食呀 你見唔見到佢今日好炆」
我:「佢又炆乜撚有禮物收喎 咁都炆」
佢:「全世界都見到係得你見唔到咋柒頭廢撚事你地面阻阻 聽日做返d野啦」
我:「既然係咁你做乜唔去買更何況我都無激嬲佢」
佢:「我叫你買就買啦咁撚多嗲畀你嚇到好累 訓先 byebye」
我:「係咁」





收左線果下我係度諗 係曱甴嚇你唔係我喎....

第二日我真係早左起身買早餐畀小莉 問我點解我都唔知....
我間學校好撚怪 而家籃球比賽 到暑假前係足球比賽
所以而家都係冬天戇鳩鳩

我都係買餐蛋治+熱維他奶 學生哥既早餐孖寶
去到佢樓下打畀佢

我:「喂 早餐 小姐你好似叫左份外賣喎 快撚d落黎拎」




佢靜左幾秒....

佢:「你...你做咩買早餐畀我...我食既」
我:「你唔係好撚炆咩快d落黎食啦 好撚凍呀」
佢:「得啦得啦 我而家著鞋」
跟住就聽到佢叫:「媽 我唔食早餐啦 今日要早d返學校呀」
我心諗個仆街都會有吹水昆人既一面 十成十畀肥影教壞

佢落到黎我就同佢講:「你都幾撚狗 老母煮埋早餐都唔食」
佢:「係囉我都覺得自己好衰 但你又買左....」




我:「算啦 賤野做左就係做左 你而家好狗」

佢果下真係畀我話到眼濕濕
搞到我又覺得自己好狗

我:「行啦 陣間遲到就麻撚煩 你一路行一路食啦」
佢:「你..你做乜買早餐畀我既... 你唔買就唔駛搞到我呃阿媽....」
我:「肥影話你嬲呀嘛 都唔知你嬲乜鳩 有禮物收都嬲」
佢:「我唔鍾意你夾硬要我收禮物咋嘛我都唔想要 你知唔知...」
我:「知乜我知就黎遲到就真」
佢:「唉...算啦 咁我地行快d啦 不過多謝你早餐」
我:「是但啦 你唔好發癲就得肥影真係好醒 知你嬲之餘又知你食完會唔嬲」
佢:「佢係醒同好好人 你估佢唔介意咩」
我:「佢又介意乜介意我唔請佢食早餐」
佢:「算啦算啦 行啦」





跟住我同小莉就快過小明咁走啦

我記得果日返到去係無遲到 不過都係差少少果隻
其中有少少位而家諗返覺得幾核突
就係佢支奶未飲晒 仲有成三分一支係度
咁我果陣又行到有d口渴 就一野拎左黎飲

佢就面紅問:「你...你做乜飲既...」
我:「口渴呀嘛唔通個肚好漲都仲飲咩柒頭做乜塊面咁撚紅 係咪行得急」
佢:「唔係呀... 咁...咁...咁你飲我口水尾唔覺得核突咩」
我:「你有性病」
佢:「又想亂講野好人好者點會有」
我:「點知你無就得啦 咁我行行下又點樣變支飲管出黎同埋個樽口比你個口應該乾淨d」
佢:「咁又係不過你好核突」




我:「如果調轉咁你飲唔飲」
佢:「都無所謂既你又無果d病」
我:「你又知我無不過你無機會飲 因為我會一啖飲晒佢」
佢:「死低b仔行快d啦遲到啦」

跟住就係學校門口前食同飲晒d野佢

排完隊上去之後肥影問我:「有無買早餐畀小莉呀pk」
我:「有呀 你有陣時個腦真係唔知諗乜 除左屌人仲識讀心 連小莉嬲同唔嬲都掌握到」
佢:「我講左好多次我都係女人你有無野買畀我食」
我:「你當我真係外賣仔咩屌你買完畀佢已經要打少兩鋪機 買埋畀你咪唔撚駛打」
佢:「仆你個街陣間陪我食牛丸仲有杯麵野飲你睇數」
我:「屌你又老屈你放過我畀我打下機啦屌 下個禮拜先飲」
佢:「你下個禮拜打咪得囉 就咁話」
我:「屌你 陣間我走入男廁 有種入黎捉我」




佢:「我叫鎚仔捉你你估你走得甩咩柒頭做到咁大家都無癮」
我:「屌你 你好似有底果d mk妹」
佢:「食屎啦你 佢地要畀人un我唔駛 第二係我有著底」

我聽完真係笑左出黎 條友永遠都係爆幾句戇鳩到暈既野出黎笑到你hihi
不過佢又要連累我

miss:「阿腳仲有阿影你地傾完未 唔怕嘈到小莉咩阿腳你落去拎粉刷上黎」
我:「對唔住咁阿影呢」
miss:「阿影陣間會幫我擦黑板 你唔駛驚」
我:「咁都好d 陣間得我一個畀人罰」

跟住聽到阿a個仆街講:「係咪男人黎咁都要拖人落水」
我心諗屌你老母 佢唔同我講野駛撚咁咩





廢up完之後就開始上班主任堂 其實諗呢堂出黎果條友都幾好 可以畀人休息下

miss好撚興奮咁同成班講:「我地班有人歌唱比賽入圍呀 阿影你好勁呀 幾時教我唱返兩咀」
西影:「邊係喎 咁岩咋嘛miss你唱歌一定好好聽」
我:「miss今日著麂皮鞋 擦得多會花呀肥影」

跟住佢係咁打我

miss就問:「話時話 阿腳同小莉你地好似唔參加呢d活動既 遲d畢業想玩下都無機會玩呀」
小莉:「因..因為我唔叻呀嘛」
我:「因為我都唔叻」
miss:「玩下咋嘛唔駛咁計較得失遲下有個串字比賽你地參加啦 好似打牌咁 砌下字又可以學多d字 特別係阿腳你」
我:「點解我係特別」
miss:「因為你今次英文麻麻地 係咪要我大聲讀你個分出黎」
我:「咁你同迫我參加無分別不過算啦 起碼有小莉陪葬」
miss:「你就梗係想小莉陪你葬啦 諗你都唔好諗呀 小莉高分過你」

小莉即時面都紅埋 我又係唔知佢紅乜鳩成個柒頭皮 鳩過廿四味

我:「個比賽幾時呀 等我準備下唔好出醜出得咁勁丟晒成班架」

跟住隔幾萬丈既仆街係度大叫:「你係咪都丟架啦腳哥 成日唔拉褲鏈」
我:「無計太大拉鏈都變形」
miss:「xxx唔准講變態野 係咪要我記下你缺點先識驚 成日都畀人投訴你講粗口 其他老師笑我唔係笑你咋」
我:「對唔住老師 下次唔敢」
肥影:「死白痴仔好撚柒呀屌」
小莉陰陰咀笑唔出聲

跟住係miss叫我地歌唱比賽病左都要黎支持阿影呀等等
又唔撚見佢叫人支持下我

講比賽之前我想講下一段小插曲
就係果日開始派卷

我英文完全係皮爾修miss仲要強調:「阿腳你畀心機串好d字下次拎高分d啦」
我果下係柒到唔敢出聲 肥影個陷家產成八十幾分
肥影:「阿腳我袋到d散銀都多過你個分呀你好叻架啦 加油」
佢個笑容我就算畀人踩賓周都記得 係笑到勁撚甜咁講

小莉聽到都笑出聲 跟住講:「阿腳你畀心機溫下英文啦 我數學都可能同你差唔多分」
我:「咁你即係用你數學同我英文比啦屌你我覺得你數學無咁高 應該係合格線以下 三十分有找」
小莉:「做咩喎鼓勵下你又發癲 唔講啦...」
肥影:「小莉你駛鬼鼓勵佢咩佢呢d人都係聽會考收皮啦」
我:「屌你死肥影肥撚死你呀仆街 陣間食杯麵睇住哽死」
肥影:「哽死都無所謂啦屌你反正你下世仲有下下世都唔會勁過我」
我:「屌你」

跟住就上數學堂啦

我無記錯我都有成七十幾八十分肥影同我差唔多
最撚驚奇係小莉竟然差兩分合格
我:「係咪阿sir改撚錯呀 無可能」
小莉:「係囉我做果下條條都唔識咁滯 幾乎全部都係亂寫架喎 好野」
肥影:「邊個三十分有找柒腳你收得皮」
我:「屌你等我check一次」

屌你真係無改錯果陣估唔到佢數學勁左咁多 平時係連底都無份墊....

小莉:「阿腳唔該你呀 你繼續教我啦 可能下次合格都未定」
我:「我要溫英文費事肥影姐散銀都多過我個分」
小莉:「阿影一齊溫咪得囉 你其實好識教人架 教果陣又唔悶又易明」
我:「但係我今鋪咩尊嚴都無埋點搞先小莉姐」
小莉:「我今晚請你食飯多謝你咪有尊嚴囉畀個面我一齊食好無」
阿影:「屌 今晚我要返屋企食 如果唔係可以一齊」
我:「屌你係咪想一齊黎踐踏我自信同尊嚴」
肥影:「你個人真係戇鳩鳩要踩你幾時都得 而家都得」

跟住就一野踩落黎

我:「肥影你幾時死不過你覺唔覺你呢排肥左好撚多 好似愈黎愈迫咁」
肥影:「屌你我呢排真係肥左呀 手手腳腳都好似粗左」
我:「死肥西影叫你唔好食咁多野啦」


跟住我畫左佢個全名 寫肥西影三個字係上面

肥影:「我一定會減肥架死柒腳你睇撚住」
小莉:「阿腳都幾留意你連你有無肥都知」
我:「日日對住點都知啦下話你唔係咁柒咁都唔知掛」
肥影:「有咩資格講呢句呀屌你 食屎啦小莉你今晚請佢食屎得啦 仲要係狗果d 人屎佢唔配食」
小莉:「好核突呀你今晚請佢食車仔麵啦 反正阿腳鍾意食」
我:「算你醒目今晚食完返去打機」
小莉:「得啦麻煩友成日打機唔厭咩」
我:「對住你地會厭d」
小莉:「真係架咁又係... 我又唔係好出聲 平時都係睇你同阿影玩」
肥影:「係咪好似人同狗/貓玩咁不過我覺得你好正喎 成個人好滑好舒服」
小莉:「邊係喎你就好 身材好又靚又叻... 好似你咁就好啦」
我:「如果有兩個肥西影就仆得街啦煩撚死」
肥影:「屌你都晒鳩氣 好多人想坐呢個位你知唔知 係你個仆街成日想調位咋」
小莉:「阿腳你係咪覺得我好煩呀」
我:「兩個都好煩不過坐慣左調唔調都無乜野既 屌那星分分鐘坐到暑假都唔出奇」
小莉:「咁咪好囉有你教又有阿影陪」
肥影:「最好唔好調啦 其他人無你咁傻西畀人任屌唔嬲」
我:「其實我好撚嬲你唔知咋仆街講你都唔會收咁不如唔好講」
肥影:「柒腳真係好人咁我得閒屌你多d等你無咁悶」
小莉:「哈 睇你地玩慢慢都慣 無左一定好悶」
我:「屌你」

跟住夜晚就同小莉食野啦

我放左學同佢行左一陣就去食麵 行都係書局同無聊野
途中亦都撞到同級同學 有幾個就行埋黎話:「阿腳 其他人講你同小莉好耐啦 其實你地有無野 不過你講無我都唔信」
我:「咁你問黎做乜鳩我講左無你又唔信 話有又唔可以食死貓 真係屌你老味」
小莉:「係...係囉 無...無野架」
同級同學:「小莉你口窒窒啦 咁都話無你地唔好意思就算啦 唔迫你」
我:「咁你收皮未條粉皮不嬲口齒不清 你恰佢有撚用咩」
小莉:「幾時有」
同級同學:「唔好耍花槍啦 篤眼篤鼻走先 bye」
我:「希望你聽日仆街返唔到學 bye」

走左之後小莉一野拍落黎:「你把口好衰呀 人地講下笑你又咒人」
我:「你做乜成日郁手郁腳變左肥影二號」
佢:「係阿影叫我唔可以咁就你架等我試下睇下你會唔會對我好d」
我:「唔會你死撚左條心都得」
小莉:「哼」

跟住再鳩行多一陣就食麵啦

我:「靚女 牛腩+貢丸+雞翼 幼麵」 我差唔多次次都係食呢幾樣因為唔知有乜好食
小莉:「生菜+墨丸+腸仔 都係幼麵」 仆街小莉都係永遠食清淡口味 好少見佢食重口味既野

可能有班讀心神探諗車仔麵點解會用叫而唔係寫 因為果個鳩野連紙都慳 佢寧願行埋黎落單都唔會畀你寫

食野過程無乜特別好講 有少少核突係我食左小莉條腸仔一半 (唔係撚) 仲要係佢咬過
因為我好鍾意食腸類既野 (唔係撚)

反而係食完野再行下果陣 我同佢搭lift上最上層行下果陣就
一入果陣 我同小莉行入去果陣都無野 係有班仆街成村人衝入黎

搞到我同小莉要一個角落仔咁企 仲要部老爺life又撚慢又撚耐
呢樣都未係問題 最撚大鑊係有條仆街有臭狐

搞到我差唔多窒息小莉都咳左幾下
佢地都係上最上層 所以同一層先出
佢地郁黎郁去 係咁迫 我懷疑係屬於客家既蝗蟲

我同小莉果下係面貼面咁攬住咁滯 佢塊面已經紅過月經
我係佢耳邊問:「你覺唔覺好撚臭」
佢陰陰咀笑同埋meet左我一下
我再問:「你聞唔到咩你鼻塞」
佢:「你細聲d啦畀人聽到就死」
我:「屌你 細聲你又聽唔到架啦」
佢:「大聲咪畀人聽到囉」
我:「算啦 好想快d出」

到臨出果陣 班人仲要向後郁讓前面既蝗蟲出先
果下真係柒到核爆我唔小心錫左小莉個額頭一下
因為佢係屬於麻麻地高果d 所以我企果陣因為迫到要彎一彎腰 所以個位岩岩好

到班人慢慢出果陣我先有位講野
我:「唔好意思我唔係特登 就好似上次撞到你個波咁 唔小心」
佢:「你...你好核突呀」
跟住係經期流量最多果幾日既紅

我:「真係唔小心你唔好嬲」
佢:「我知呀... 頭先佢地整到你呀嘛...」
我:「不過我都未同你計我成個咀都係你d面油」
佢:「唔駛諗住呃我我就算夏天最焗果幾日都無油 而家吹北風點會有」
我:「屌你果然個腦有進步」
佢:「哈 多謝」
我:「行多陣返屋企啦 好撚累」
佢:「得啦懶鬼不過....」
我:「不過乜撚」
佢:「都...都係無野啦 行啦」

跟住行多陣就返屋企啦
到而家搞到我同佢搭lift都唔敢企太埋 因為佢會著高爭鞋
錫到個咀就.....