[信不信由你] 青少年經歷: 16

咁返學之後果幾日都無乜野 係間唔中佢地睇下打波同食下野咁
不如直接講肥影唱歌啦

果日係好凍好凍而且係凍撚到我郁都唔想郁既一日
咁我地係全日都歌唱比賽黎既 而且好撚遠所以我年年都唔去
果年都係打算唔去架啦 又唔係有咩特別
咁我就照舊同老母講我唔舒服啦

正當我起身睇戇鳩卡通片果陣 小莉就打黎
佢:「喂 阿腳 你做咩仲未到呀」




我:「我年年都唔到架喎做乜撚野打黎」
佢:「今日阿影唱歌喎 你唔黎支持」
我:「又唔係第一次聽佢唱 有乜好支持」
佢:「咁人地比賽點同平時呀你快d過黎啦 佢係中段時間唱呀」
我:「你都戇撚鳩咁凍都咁遠就係要聽佢唱歌 你個腦係咪爛撚左」
跟住佢電話就畀肥影搶撚左

肥影:「仆街仔快撚d死出黎呀你唔黎我嬲你十世呀仆街」
我:「慢慢我睇電視 係咁先」
跟住就cut佢線





過左陣又電話響果陣覺得佢好白痴 要人地山長水遠走去聽佢唱歌
今次係肥西影本人

佢:「你係咪唔黎呀 今鋪真係反面呀屌你」
我:「都請撚左假點黎呀黎咪畀人知我扮病」
佢:「我憎死你呀仆街xxx」
跟住就cut撚左我線

過多一兩個鐘就到小莉sms轟炸




我有一下直程熄撚左電話

不過無幾耐就開返成撚日衰心軟

見到好撚多sms 小莉盒仔肥兔果堆都有
不過小莉個sms最深刻
「你唔黎就算啦 無謂迫你 但係阿影都係想你黎咋 何必咁絕情」

我果陣諗左好撚耐 究竟去唔去好去就要飛的 唔去又好似.....
最後我都係揀左好戇鳩決定 都係去左
我好撚記得車錢係117.2未試過特登用舊幾水去聽人唱隻歌 仲貴過叫雞
不過去到都唔係即刻有得入 要等轉場
果陣都未到佢唱 都唔知佢咁撚認真做乜撚 畀你贏到最多咪有些少掌聲

入到去搵左好耐都搵唔到自己班坐邊




跟住就索性自己坐開左

一到肥影出場果下成班人都大叫阿影 阿影 好鬼勁之類
我就覺得miss真係幾大影響力 成班都咁撚撐佢

跟住就到佢唱啦

佢果陣其實都唱得唔錯既 不過....
佢把聲好沙就真
我果陣諗緊點解把聲咁沙既 唔通佢練歌練通頂

最撚仆街係成班都無人知我返左黎睇肥影唱

睇左好撚多人之後終於完啦
結果肥影係輸左梗係啦屌你 咁撚博做乜鳩 陣間啞左就無謂啦




到佢地開始散果陣 因為我坐得最近門口 所以我一早走左出去食風​

我見佢地都出得七七八八果下先搵返佢地
離遠見到我自己果班係度聚集
miss:「阿腳你做乜係度既你媽咪幫你請左假喎 雖然我知你詐病」
我:「咁勁又係你話病左都要支持肥影呀嘛 唔返黎點得 肥影呢唔見人既」
小莉:「你有無睇到阿影唱呀咁」
我:「有呀 不過佢今日失準喎把聲仲沙過我」
小莉:「你陣間講都唔好講呀 你知唔知....」

跟住肥影就行過黎

我:「喂 肥影 你今日唱得好差喎 做乜咁失策呀」
佢望都無望我就行開左
跟住到miss攬住佢講:「我覺得你拎第一喎 今日我請食野好無」




我:「好呀」
小莉:「喂...」
我:「喂乜」
小莉:「唉....」
我:「做乜呀輸左幾咁閒呀 又唔係賭錢 至多咪無面」

肥西影就行埋黎一腳踏落黎 我痛到係miss面前都爆粗:「屌你戇鳩架 好撚痛呀」
miss:「xxx 你作死呀係我面前都夠膽講 你死梗呀我話你聽 返學你就知死」
我:「但係...」

小莉先行埋黎同我講:「阿影頭先係廁所喊左好耐呀 喊到聲都沙你仲要咁樣....」
我:「鬼知佢咩係咪真係食懵左呀佢 成日打人」
肥影:「唔想見到你呀」

跟住佢就跑開左





講返點解咁都feel唔到先 其實無點解喎
可能佢真係當我朋友掛 明明講好黎又唔黎所以先咁撚炆
佢係轉校生唔知我習性都唔出奇 不過都唔駛咁撚樣呀
入正題

我問小莉:「佢係咪呢幾日唔撚方便做乜見人就吠咁仆街」
佢:「唔係呀...係阿影...」
我:「唉 等你講得黎蚊都食飽血仲死撚埋打畀佢睇下點啦 陣間miss又罵我」
佢:「好啦....」

我用小莉電話打因為怕見到我電話佢一開口就屌我老母

肥影:「做咩呀小莉」
我:「小條撚咩做乜咁興呀 輸咪輸囉 咁撚薄皮成日戇鳩鳩 因住無人溝」
跟住個臭西一野cut撚左我線

我:「佢今日食左屎黎喎好難溝通」
小莉:「唔係呀.... 你真係唔明....」
我:「明乜呀屌你打畀佢啦 頂佢唔順」
小莉:「我就真係頂你唔順呀如果你唔黎都好d呀」
我:「做乜連你都食埋屎」
小莉:「睇唔過眼唔好意思」
我:「兩個都柒下柒下搵左佢先啦」
小莉:「得啦 陣間唔好亂講野啦」

我果陣都未知佢做乜柒成日發人脾氣 無撚野呀
屌還屌 咪又撚係去搵佢
最後去到間餐廳見到佢仲要係好近我地 咁撚有性格就咪撚走咁近啦 返屋企呀嘛屌

小莉:「做乜咁悶一個人食野呀 一齊食啦」
我:「點解咁撚興呀贏你果條仆街我咒衰佢」
肥影:「咒衰你自己先啦仆街仔」
我:「我又做過乜野咁傷天害理呀屌」
肥影:「你話呢又話唔黎又做乜撚野黎呀屌你」
我:「唉 屌你我用左舊幾水搭車黎架屌你成撚日心軟 凍冰冰又走出黎 仲要畀你個仆街屌柒我」
肥影:「咁你又做乜扮型坐開一二邊呀屌坐返埋我地班唔得咩」
我:「你都戇鳩搵到就唔駛咁啦 我第二次黎咋屌你 黑媽媽咁撚好野搵到自己班咩 用下你個豬西腦啦」
肥影:「食屎啦你咁我唱得好無聽呀」
我:「一般今日真係失準」
小莉:「都話阿影係廁所....」
我:「喊呀嘛你條撚樣真係有情緒病 無啦啦又喊又發脾氣又屌鳩人又笑」
肥影:「幾時有」

佢果下真係好撚恐怖心情起伏可以咁撚大

同佢地食完野行左陣又走啦
估佢唔到發撚完咁大脾氣咁快無野
所以我同佢做朋友做到而家我肯定佢有情緒病
但係果陣小莉好撚奇怪咁話:「我...我返屋企先啦 有少少累同唔舒服 你地行下先啦」
我:「抵死啦屌你又要懶索又要唔著衫 快撚d去睇醫生啦咪撚惹到我」
肥影:「你收嗲啦仆街小莉你如果累就返去先啦 我地好快就走」
小莉:「好...好啦 拜拜...」

跟住佢就走鳥

我:「見你輸左咁撚慘 黎啦 去飲下野啦 不過唔准多過十蚊」
肥影:「屌你孤寒到你不如去尾角霧蜆落圓啦」

宅宅寶寶 其實我覺得呢間野真係好撚燒錢
唔明點解過左小學雞階段都有無數人會中伏
當然 懵撚係由細做到大 畀人搵笨柒好撚快
所以肥影講果下我都知仆得街啦....

肥影:「西腳 今日目標係要中左隻熊」
我:「你講細果隻定大果隻」
肥影:「廢話咪撚講好無細果隻睇都睇唔撚到 梗係大果隻啦」
我:「屌你換果隻起碼都要四五舊水 你不如去買好過啦屌你」
肥影:「你唔覺大既得意d咩」
我:「唔覺你拎返屋企果陣唔覺好似打完獵咩」
肥影:「你仆街啦你知唔知咩叫享受過程呀」
我:「屌我知咩叫畀人搵笨柒咋」
肥影:「我唔理今日一定要帶佢走」

我聲都無出過 因為講佢都唔會走
所以我都係係咁意唱左五十蚊算啦
屌你 可惜果日駛費又係大過元氣彈

唔知大家記唔記得有隻係射大板牙
肥影好撚鍾意玩 玩到唔肯走
我呢d梗係玩推銀 因為最有機會贏多d
不過佢真係大唔透 成撚日玩呢d低b野都可以好high
有一期佢好撚迷扭計骰 仲係咁叫我玩
佢玩果陣係十八歲某個角度睇佢其實都有d毒

玩既過程唔多講啦 都係果d
不過有兩樣野可以提一提

第一係我同佢玩推銀機
佢見到我有少少斬獲就死埋黎玩
我:「你埋黎做乜鳩呀 玩你既大板牙啦」
佢:「玩黎玩去都係得果幾張飛見你好似有d成績咪過黎睇下囉」
我:「你咪撚痴咁埋部機呀 陣間畀人屈鳩你拍機就仆街」
佢:「唔會啦屌你一齊玩」
我:「係至好講」

點知佢痴埋去既唔係部機而係我度
入面玩到好熱我一早除左件校褸 佢都除埋頸巾呀等等一切保暖物品
佢愈黎愈high 係咁睇邊度入好 (唔係屌西中出含撚深喉)
我都好聚精會神睇緊位
跟住佢睇睇下 想入錢果下唔小心一野仆左落黎
我:「好肥呀你肥影」
佢:「屌你咩講講講bonus無左啦仆街」
我:「你起返身先 真係好撚重」
佢先識起返身再怕怕醜醜講唔好意思
果下又係請左我食波餅

第二係玩到最尾玩掉彩虹
我同佢得返四五個幣就鳩掉啦
點知咁都畀我掉中左


係支筆

我:「正 唔駛買筆用」
佢:「畀我」
我:「膝頭對上就係髀 畀你(呢句雖然好撚耐同戇鳩 不過我好鍾意)」
佢:「好撚戇鳩拎黎」
我:「你筆袋好撚多 何必要勒索埋我呢支」
佢:「我係想要呢支 反正都換唔到隻公仔 咁你送呢支筆畀我啦」
我唔理佢放左入袋

點知佢又好似想喊又想發脾氣咁

我又心軟畀撚左佢 問佢:「你做乜撚又好似想喊咁一支筆我豪得起」
佢:「你係先好講不過多謝你」
跟住又傻笑 (唔係羊遷牙果隻) 搞到我果下好撚不安 未見過有人可以咁大差別

最後佢都聽左我講無換公仔 換左幾件文具咁

不過佢又開始發脾氣 點解呢
因為我提議不如畀支筆小莉果陣
佢:「你個仆街對小莉就咁好對我就....」
我:「我都有送筆畀你唔畀就算 唔好撚發癲唔該你拜下你至多我請你飲野」
佢:「好呀我要飲熱朱古力」
我:「得啦煩西」

跟住就同佢返去鳥

我唔係特登講小莉出黎
其實我果陣覺得有咁多支筆 分支畀人都唔怕死掛
反正小莉平時都好撚大方擺晒出黎任人用 點計都係一齊用
估唔到佢咁撚計較就真
有條數計 兩蚊個幣 當你一個贏到一張 都要成廿幾張飛先換到 (唔知有無記錯)
即係支筆要成四十蚊左右所以我果下諗佢可能呢個原因先唔畀 好撚小家

送完佢返去就終於到我返屋企
不過.....

老母:「你唔係請假既咩 做乜又走左出去」
我:「咁岩要返學校交埋d功課呀嘛再唔交畀人記缺點啦」
老母:「交完功課之後呢」
我:「同朋友行左陣就返黎啦」
老母:「有人同我講你同個女仔入左去d低b樂園玩喎」
我:「邊個呀又班師奶真係煩 無話題講咪返屋企囉 又要同你講返」
老母:「斷正咪認囉成日都係咁」
我:「我去玩 對唔住」

跟住就返房休息
老老賓賓 畀老母既朋友見到真係好撚煩 班人係咪真係咁撚寂寞

之後都係普普通通返學日子打機打波訓覺
不過無啦啦miss又講:「就黎串字比賽啦喎 阿腳你準備成點呀」
我:「無喎諗住去到第一round就出局」
miss:「小莉咁你呢」
小莉:「我..我一般啦 有睇下字既」
miss:「咁你快d同阿腳一齊記下啦」
肥影:「再唔係等我教你啦仆街」
我:「屌你」

果日放左學連機都無得打就要同小莉去記下字

肥影:「不如我留低一齊教你地記啦 柒腳個仆街一定好懶 無人屌佢一定唔郁」
我:「屌你食屎啦唔撚駛你咁好人 定係你真係咁悶咁撚寂寞唔想返屋企」
小莉:「唔好咁講阿影啦人地都係想教我地咋嘛」
我:「唔想條粉腸係咁奚落我所以西影你都係返去啦」
肥影:「屌你有寶咩食屎啦你」

跟住快過小明咁走左

我:「其實不如走啦係度好撚無聊」
佢:「唔好啦雖然我都唔想記....」
我:「咁係咁意睇下咪算囉 反正miss有畀範圍」
佢:「都好呀唔好咩都唔做」
我:「咁睇撚完就快閃」
跟住就一齊寫下記下咁

寫寫下 小莉見到我同肥影換返黎既戰利品就問:「咩黎架 幾靚喎」
我:「屌靚條鳩咩bad taste 你鍾意咪畀你囉」
小莉--->
我:「好出奇咩反正我覺得呢d筆好快無墨 到時問你拎好過」
佢:「點解畀我既」
我:「咁你想要呀嘛頭先都見撚到你雙眼發光心又慌咁睇住 不過我無筆用你識做啦」
佢:「得啦不過你地換左幾多枝呀」
我:「好似都有四五支支支都柒下柒下 唔明你同肥影係咩taste」
佢:「係囉都唔知咩taste」
我:「溫埋呢part走啦累到仆街」
佢:「好啦」

跟住再溫多陣就走啦 晒撚晒我d時間

點知出左學校無耐 老母打黎:「我今晚返大陸呀 你自己食飯啦」
我:「你又唔一早打黎講係咁啦」
小莉:「做咩呀」
我:「老母打黎話無飯食咋嘛 仲好 返去食完打機無人屌」
佢:「又話好累又打機不如我陪你食啦」
我:「唔駛我打陣機食飯仲好」
佢:「唔得我地行一陣今晚去食西餐啦」
我:「西餐」
佢:「係呀 不過行一陣先喎」
我:「是但你不過你應該好悶下 放學明明有飯食又唔返屋企」
佢:「咁你送支筆畀我嘛陪你食返餐飯囉」
我:「屌你咁唔爭在請埋我食啦」
佢:「成日都係咁 好煩呀你」

佢講呢句果下其實唔知佢想點又話煩又笑 戇鳩鳩似海鷗
跟住就同佢行一陣食飯啦
行果陣見到我一向最不屑既貼紙相機鋪
我:「呢d真係好柒白痴戇鳩到嘔 幾十蚊買埋d戇鳩野」
佢:「咁不如我地xx (即係戇鳩佢唔講粗口) 一次去影下囉」
我:「明知畀人搵笨柒都去你真係衰過笨柒唔識形容你」
佢:「黎啦黎啦」

跟住佢就圈住我隻手入去啦

我行到入去 揀左部最平既黎影
佢:「不如影果部啦 好似多公仔揀d」
我:「多幾隻柒野就要收我幾十蚊佢咪好撚過做雞」
佢:「你真係呀又唔係叫你日日影 難得一次都要咁掃興」
我:「其實你知唔知自己好戇鳩不過算啦 學你話齋戇鳩一次 你揀啦屌」
佢:「成日都係咁 其實你個心就好軟 永遠得把口硬」
我:「影就影啦屌你」
佢:「得啦 就呢個啦」

跟住就行左過去果幾十個大洋

影果d廢話唔講 不過有一張係我影影下佢痴太埋 跟住我打左個乞痴
個表情真係柒到不過佢就好鍾意果張
而家仲有keep住

影完佢畀左幾張我 我叫佢整左張果d好似卡咁既野
因為細細張好易跌
影完我地就去食野啦