[信不信由你] 青少年經歷: 18

我:「你係咪好撚多時間 你見唔見到起碼十個人」 
佢:「坐卡位舒服d喎 畀咁多錢梗係要坐得舒服d啦係咪呀柒腳」 
我:「有道理 不過真係好撚多人 有排等」 
佢:「等下啦 成日都無耐性」 
我:「其實你係咪肥影黎 做乜今晚咁撚奇怪 平時係屌屌聲 今晚嚇我一驚 點解要扮溫柔」 
佢:「好溫柔咩 本身我都係咁架喎 有咩唔同」 
我:「好唔同 但又講唔出 好似怪怪地咁」 
佢:「咁咪係囉 等下啦」 

等左好撚耐先入去 入到去我永遠淨係食一種 食乜就唔開啦 畀人見到就仆街 





我:「甜品而家上定點呀」 
佢:「而家啦柒腳」 
我:「得啦肥西影 成日食甜野唔肥就玩鳩我」 
佢:「叫你就叫啦咁撚多嗲」 

食完甜品到走果下肥影都怪怪地咁唔知做乜鳩 
最撚柒係有人捧住一大個鐵鍋果下佢好似唔識避咁 唔知諗乜鳩 
跟住我一野拉佢去埋邊 





我:「你傻撚左咩 成兜熱野淋落黎你就仆街啦 連少少姿色都無埋 性格又差就唔死都無用」 
佢  --->  
佢:「有你呀嘛 你個柒頭會拉返我入黎」 
我:「痴撚線 畀人罵都笑 你係咪咁戇鳩咁傻呀」 
佢:「我鍾意整咩表情關你鳩事咩 行啦仆街仔」 
我:「屌你 早知由得你個仆街畀熱野淋到你三級燒傷」 
佢:「你唔會既」 

跟住就返屋企啦 





送佢返屋企果陣 佢一路行一路好high咁唱歌 
我:「今晚做乜咁撚好唱口 你係咪中左六合彩先咁high」 
佢:「死白痴 未夠秤點買呀 個腦都叫你跟身架啦 成日留係屋企唔得架」 
我:「戇鳩 你盒野真係幾有用 等我用完買返一萬盒擺屋企就真」 
佢:「有用咪好囉 拿 醒你食」 

跟住見佢拎左粒好似糖既野出黎 

我:「屌你唔怪得話肥啦 有零食係袋仲要唔畀人食 想瘦都難啦肥影」 
佢:「咁多嗲做乜鳩 食就食啦」 
我:「點呀 今次呢粒未見過包裝紙既 鎚仔又係邊度買d靚野返黎」 
佢:「食就食啦仆街」 

跟住我就一啖食左佢





我:「咦 正野喎 鎚仔去邊撚度買返黎架 黑朱古力好好食喎」 
佢:「真係好食咩 你唔覺好苦咩」 
我:「唔覺 因為我唔食甜野 你可能唔知 不過小莉上次整左粒畀我屌到飛起 食一粒即刻變糖尿」 
佢:「幾時整畀你呀 又未聽你講過既」 
我:「好撚耐啦 果下都未識你」 
佢:「你覺得好好食咩柒腳」 
我:「你係咪唔舒服呀肥影 頭先凍到你懵左 做乜今晚咁撚婆媽既」 
佢:「答我啦仆街」 
我:「真係唔錯 鎚仔有無同你講係邊買 真係幾正 係咪幽姿涼品」 
佢:「做乜係咁講條仆街買呀 我自己整架屌你」 
我  --->  

我:「無可能 你條粉腸又想玩我 你無可能識整野食之餘仲要咁勁」 
佢:「屌你啦仆街仔 你條友其實係咪人黎 定係miss教果d單細胞生物」 
我:「關咩事 你咪又係細胞組成 真係難以置信 小莉唔識整你竟然識」 




佢:「小莉同我真係差好遠咩 其實...」 
我:「其實你正笨柒 我知」 
佢:「唉... 你覺得好食就得啦柒頭 畀晒你」 
我:「咁你自己唔駛留返幾粒咩肥影 夜晚無野食好慘喎」 
佢:「又開口埋口叫肥影 屌你老味」 
我:「奇奇怪怪 到啦 多謝你既朱古力 仲有萬獸累噸」 
佢:「唔駛 返去小心啦 byebye」 

我行返去果下諗到毛管戙 肥影今晚做咩呀... 
婆婆媽媽之餘又咁奇怪 以為同小莉出緊街呀屌 
睇唔慣佢明明係一個咁八咁巴渣咁撚煩咁戇鳩咁粗魯咁賤既人 
無啦啦會咁溫柔 

果次出完街之後真係對肥影另眼相看 
完全估佢唔到係識整野食 




中間都無乜野發生 除左同小莉個死人仆街串字比賽 

上堂果陣時miss問:「阿腳 你同小莉準備好未呀 今日比賽呀」 
我:「未 你都係希望我地輸得好好睇睇好d」 
miss:「搞錯呀 未開始就話輸 你真係無鬼用 小莉呢」 
小莉:「我...我都唔係好記得呀 不過我會盡力架」 
我:「盡乜鬼力呀 拿拿聲輸左佢返屋企休息下好過啦」 
小莉:「你好衰呀 你記性好都話輸 咁我呢」 
我:「咁你呢 咁你咪都係輸囉柒頭」 
小莉:「盡力啦」 

跟住放左學就開始啦 

肥影:「小莉加油呀 柒腳你咪撚累小莉輸」 
我:「戇鳩 大佬你見唔見到有幾個英文好撚勁既人係度呀」 




跟住佢就去左圖書館等我地 

果幾個人既英文算係國金頂樓 我最多係低到地底既小蟻民

小莉:「佢地勁唔勁又有咩關係呢 我地盡左力就得」 
我:「咁又係既 輸左又唔駛罰錢」 
小莉:「咁咪係囉 畀心機」 
跟住佢渣左我隻手一下 

個比賽既形式我覺得好撚怪 係黑板上面貼左個開頭字母 
跟住就有幾條橫線畀你寫野 用過既字無得再用咁 
所以同文法無關 純粹考你識幾多字咁 好撚白痴   

可以講下有個戇鳩位 
就係畀我見到F字頭後面有三條橫線 
我同小莉講:「我陣間係後面一定加埋uck落去」 
佢:「唔好呀 陣間你又畀人罰你就知死」 
我:「怕佢老母 陣間睇我表演」 

點知到我搶果個黎寫果陣 真係講就兇狠 做就碌撚 
最後我寫左rog 小莉陰陰咀係度笑住黎講:「傻人」 
我:「費事又驚動老母就唔係幾好 陣間佢以為我做乜咁衰當住老師面寫粗口」 
佢:「咁咪乖囉」 

成個比賽都無乜野 我同小莉都撐到一陣 
不過有個位我真的憤怒鳥 因為小莉畀個仆街仔撩同埋串鳩我 
我地係度輪流寫果陣 咁我暫時叫個仆街仔做P先 

P:「喂喂小莉 做乜你會同個傻仔 (即係我) 一齊參加既 你應該唔似鍾意呢d活動架喎」 
小莉:「下...下... 因為...」 
P:「好多人都話你同佢拍緊拖 成日出雙入對 其實佢都好普通呀 英文又差」 

我係側邊唔出聲 因為我一開聲就會屌鳩佢同埋佢好似低form同小莉同過班 咁應該係朋友黎 

小莉:「因..因為miss叫我地參加 咁我地咪..咪試下囉...」 
P:「哦 你低form果下無咁靚喎 點解而家唔同晒既 以前你成日戴眼鏡 你戴con都幾好睇」 

小莉:「係...係咩 多謝」 
P:「你msn係咩呀 我無你msn喎」 
小莉:「我唔係成日開架 所...所以有無都無所謂啦」 
P:「咁有都無所謂啦 係咩呀 講啦」 

我果下聽到心都煩 個仆街仔把聲又要懶斯文咁 屌 

小莉:「[email protected]呀...」 
P:「咁我今晚返去add你啦 你陣間去邊呀 去唔去食下午茶呀」 
小莉:「我...同阿腳同阿影食呀」 
P:「咁一齊好無呀 你幫我問下阿腳啦 (佢唔識我)」 

跟住小莉就走黎問我:「阿腳 阿P話一齊食下午茶呀 你覺得好無呀」 
我:「個仆街把聲好撚煩 聽撚見都食唔落 你同佢食啦 我同肥影食」 
小莉:「咁...咁我叫佢唔好啦 我想同你地食」 
我:「你鍾意」


跟住又到我寫字啦 
果下真係唔知點解無名火起三億丈 寫完返黎見個仆街仔一野扯左小莉條橡筋落黎 
我見到小莉把頭髮散晒出黎 個樣又好似好驚咁企埋一邊 
我就行返埋去睇下咩事 

我:「玩到扯橡筋咁激 小心畀人記名呀唔紮頭髮」 
小莉:「唔..唔係呀 係佢話咩放頭髮落黎...好...好...好睇d...」 
我:「十成十想溝你啦屌」 
小莉:「我...我...」 

跟住見到小莉問佢拎返佢又係唔畀 
小莉好似想喊咁企係度 我唔知點解果下就好撚炆 
對腳好撚自然行左埋去一野捉住佢隻手拎返 (我高過佢) 

P:「你做咩呀」 
我:「你盲撚左呀 見唔到小莉好驚好想要返條橡筋既咩」 
P:「咁又關你咩事呀 小莉都無話驚」 
我:「要人開到口你就玩過火啦仆街 我覺得同你玩仲好玩 而家仲玩唔玩」 
P:「你都痴線既 小莉話你地無野係朋友咋 你咁多事做乜」 
我:「我係鍾意多事關你鳩事呀 唔好咁撚多廢話 有種過黎拎返」 
P:「你都傻傻地」 

跟住佢就自己行埋一二邊等 
我就畀返條橡筋小莉 

我:「拿 你既」 
佢:「唔..唔該 你..你做乜捉住佢既」 
我:「你都幾笨柒 唔捉住佢點拎返呀 你以為我變出黎既咩」 
佢面都紅埋講:「唔..唔該晒」 
我:「唔駛 因為我睇唔過眼」 
佢:「睇唔過眼」 
我:「至憎呢種仆街 懶幽默之餘其實好撚柒」 
佢:「好彩無畀msn佢 如果唔係實煩死」 
我:「你唔係畀左佢咩」 
佢:「今次你要讚下我啦 我特登寫錯左兩個字畀佢 佢add一世都add唔到」 
我:「轉數高左喎 勁野」 
佢:「多謝」 

佢果刻真係笑得好甜好甜 有佢整果粒朱古力咁甜 

雖然我地到最後都係輸左 不過我預左 
完左就去搵肥影食野啦 

去到圖書館見到肥影好撚落力係度做功課 
我行埋去扮晒野咁問:「唔該呢位同學 請問你隔籬有無位呢」 
由於我變左聲同小莉去左廁所 佢又望都無望過黎 所以認唔到我 
佢:「我朋友陣間黎 你對眼有事定係唔識分檯凳 大把位唔好煩我」 

我真係畀佢既反應搞到我出唔到聲 估唔到佢對唔識既人係咁仆街 
仲要咁撚串 真係痴痴地


我:「屌你肥影 我唔識分呀 你教下我啦柒頭」 
佢:「你幾時係度架 頭先個仆街呢 小莉呢」 
我:「頭先個仆街咪我囉屌你 變下聲諗住玩下你 點知你咁撚串」 
佢:「好撚好玩咩屌你 因為我岩岩開學果陣又係有人咁煩我 所以我先咁串」 
我:「痴撚線 我諗你一定無乜朋友 除左我同小莉你係咪一個都識唔到咁滯」 
佢:「無聊人識唔識都罷 小莉呢屌你」 
我:「佢去廁所 你執野先啦」 

過左一陣小莉先入黎 

我:「做乜咁撚耐既 等到頸都長」 
小莉:「個頭亂左咪整返好佢囉」 
肥影:「串字串到頭都亂埋 咁有無贏到」 
小莉:「梗係無啦」 
我:「串字就梗係唔會頭都亂啦肥影 頭先小莉畀仔撩呀 雖然條友係柒咕碌」 
肥影:「完全唔明 你地講黎聽下」 

小莉就慢慢講畀佢聽 不過佢又無提我幫佢拎返 所以.... 

肥影:「如果佢試下整亂我個頭實一巴打到佢牙都甩」 
我:「你梗係啦 條撚樣十條命都唔夠死 你咁兇」 
小莉:「阿影你唔明啦 果下我真係好驚呀」 
肥影:「柒腳無幫你咩 無理由佢會睇得過眼呢種人架喎」 

我聽到果下真係呆左 條友點解隔咁遠都知我做乜 

我:「小莉都未撚講完 我最後一野捉撚住佢隻手拎返」 
肥影 --->  

肥影:「屌你 如果換轉係我你一定唔出手啦」 
我:「梗係啦 我知你一定唔會怕條仆街 我驚條友有事多d」 
小莉:「點...點會呢 阿腳佢一定幫你架」 
肥影:「哼 駛鬼佢幫 柒腳你收鳩皮啦」 
我  --->  

果下諗做乜無啦啦又畀人罵 肥影係咪真係心理唔平衡 
跟住佢照舊好撚大大大大大大力meet我一下就笑返 真係..... 

果下三條友都係去返學校附近既餐廳食野 
佢地兩個有好多野講 例如飲食習慣之類 肥影想白滑 小莉想身形靚 真係戇鳩 
所以我永遠係後面跟住算數 等佢地有野講先同我講 

坐低大家輪流叫野食 我好記得肥影叫左杯熱朱古力黎飲 

我:「肥影你呢排好鍾意朱古力喎 之前又整而家又飲」 
小莉:「咩整朱古力」 
肥影:「哦 無聊野咋嘛 咪...」 
我:「都唔無聊呀大佬 小莉佢真係難得一次做返少少似人既野」 
小莉--->

我:「有次同肥影出街 佢拎左粒未見過既包裝既朱古力出黎 我食完覺得好好食 以為鎚仔買 點知係肥影整」 
小莉:「下...咁...咁...」 
肥影:「我整完食唔晒未派畀個柒頭囉」 
我:「仲有d冷飯菜汁呀西影 唔介意接收」 
肥影:「屎你要唔要 食野就食野啦 咁撚多嗲」 
小莉:「.....」 
我:「做咩呀小莉姐 完全唔出聲又西口西面 唔舒服咩 定畀個柒頭嚇親」 
小莉:「無...無野呀 食野啦」 
我:「無野就得」 

跟住我地食完就返去啦 

佢地兩個都有送野畀我 
而最撚令我葡萄係盒仔佢既朱古力鋪到成檯都係 我無記錯係得少少 

果年既情人節係要返學 屌你放學見到一街都係狗男女就 
我朝早選擇睇埋珠珠先出門口係岩既 
不過臨出門口果陣 無啦啦小莉打黎 

我:「有乜貴幹」 
佢:「你...你出門口未呀」 
我:「差唔多 你無做功課咩」 
佢:「唔..唔係呀 咁返去見啦」 
我:「痴撚線 咁你打黎做乜」 

跟住就著鞋出門口 
就係搭"車立"果陣望一望錶 屌那媽 原來得返十分鐘 
所以一出"車立"就要起跑啦 
跑出大堂果下唔小心撞左個人落牆 但係趕時間我完全無撚理佢 
到佢叫我先知係小莉 

佢:「好痛呀」 
我:「點解你係度」 
佢:「諗住搵埋你一齊返學咋嘛 做乜咁趕呀」 
我:「你戇鳩咩 你係新生第一日返學唔知幾點上堂」 
佢:「唔..唔係呀 不過今日想搵你一齊返咋嘛」 
我:「做乜撚晨早流流講野就口窒窒」 
佢:「有..有咩... 你食左野未呀」 
我:「少少啦 一個麵包 做乜咁問」 

佢拎左個細膠袋仔出黎放係我面前 
遮晒我視線 

我:「咁係咩意思呀小莉姐」 
佢:「畀你食架」 
我:「撚有時間食咩 跑啦仆街」 
跟住就兩條友係咁跑係咁跑 

小莉條友其實好撚虛 第一次見到有人比我更虛 
佢係跑幾下停十幾五十下果種 都幾懷疑佢有無暗病 

跑到返學校附近已經聽到鐘聲 仲見到校工係度拉門 
我:「屌 又遲到」 
佢:「咁點...點算呀 我未試過呀...」 
我:「有無咁撚乖呀屌你 反正都遲到 不如飲杯野先」 
佢:「咁咪遲得仲多 拿拿聲返去好過啦」 
我:「你都幾笨柒 反正都遲 遲五分鐘同半個鐘都無分別 一個鐘就話嚴重遲到咋嘛」 
佢:「咁...咁...好啦」 
我:「真係生人唔生膽 等住畀人斬」 
佢無出聲理我 因為佢跑到塊面都紅晒 由其係佢皮薄又白 更加明顯