[信不信由你] 青少年經歷: 19

咁我同佢就去返上篇食下午茶果間野食野啦 

我:「常餐 飲凍檸茶」 
佢:「熱杏霜」 
我:「你唔覺熱杏霜有種怪味既咩 你口味好撚怪」 
佢:「我又唔覺喎 你食左我個野先啦」 
我心諗:「屌你做乜無啦啦又整野食 唔通我呢排得罪佢黎.... 陣間好似上次咁就....」 

我:「唔...唔駛啦小莉 你留返lunch食咪仲好」 
佢:「整畀你食架嘛 黎啦」 





屌你我一見到佢呢個樣就.... 

我:「咁..咁好啦」 屌你其實真係一億萬個唔願意 
佢笑到見牙唔見眼咁 都唔知做乜鳩 

我一打開 原來係鹹牛治個friend---蛋牛治 
屌你咁咪仲衰 熟唔熟都睇唔到喎.... 
算啦 屌你佢可能都係一時興起 大家一場朋友死就死 





我一啖食落去 ---> 

點解好食左咁多 屌你會唔會係出面買又當自己整呀 
我:「邊間餐廳買架」 
佢:「頭先咪話自己整囉 好無食呀」 
我:「就係幾好食所以先質疑係你自己買定整 你知唔知上次你整野食我腸胃炎痾到仆街」 
佢---> 
佢:「有咩 唔記得」 
我:「屌你 整完瀉藥好彩你今次都有少少進步 不過係幾好」 
佢:「好食咪好食囉 講咁多做乜」 




我:「串乜鳩 如果唔係見你上次隻手損晒都唔撚食 晒我醫藥費」 
佢:「你又知」 

其實你地屌我蠢 小莉有時都好撚蠢 

我:「雖然我四眼 唔代表我盲 你隻手好似紙咁白 屌你畀蟻咬都見到啦柒頭」 
佢:「其...其實你知唔..知...」 
我:「知唔知乜」 
佢:「我...我...」 

果陣見到佢面都紅埋 以為佢跑完未撚回氣 
所以我叫佢食完野抖下先講 費撚事斷氣 

到食完野之後我先見到佢左手有條明顯既痕 應該都幾深下 





我:「你左手條痕係今日整」 
佢:「係呀 切牛肉唔小心整親」 
我:「話時話 你仲未講點解你整野食畀我」 
佢:「頭先咪想講囉 你又唔畀 因...因為...」 
我:「因為」 
佢:「你記唔記得之前你送我返屋企 我地咪傾左陣計既」 
我:「好似有 內容唔記得 因為果晚我同盒仔佢地打左好耐機 唔係好記得講過咩」 
佢:「咁...咁...」 
我:「你今日做乜咁撚奇怪 好似有野講又唔敢講 想借錢」 
佢:「做乜無啦啦問你借錢喎 我....」 
我:「唔駛我 你都係返學先講啦 拎隻手黎 幫你貼塊膠布先」 

跟住我就幫佢貼啦 唔知點解見到佢整親就覺得好撚痛 
可能因為佢細粒+瘦+蠢+身子虛 所以我覺得唔痛既佢應該覺得好撚痛





我:「搞掂 其實條痕無乜野 不過你應該覺得幾撚痛」 
佢面紅紅咁講:「唔...唔該 你點..點解有膠布係身既」 
我:「屌你講起就炆 有次打波畀鴨蛋個仆街一野撞我落地搞到隻手損左 所以我日日都有係身」 
佢:「哦... 不..不如返學囉 而家好晏啦...」 
我:「我仲諗住坐多陣 不過你怕死就算啦 行啦」 

咁我地就起身返學啦 

我同小莉返左學校後就去左訓導室度報遲到 
小莉佢驚到郁都唔敢郁 而我就由佢屌到悶為止 

我:「其實有無必要驚到呢個地步 佢又唔會用刀斬柒你」 
佢:「咁驚呀嘛... 我第一次遲到咋....」 
我:「你係咪未試過記野或者畀佢傳紙仔去訓導處果度」 
佢:「梗係無啦 似你咩 成日畀人捉」 




我:「佢地戇鳩咋 都唔明頭髮長少少同讀書有咩關係」 
佢:「成日都講呢句 畀我做佢地都費事理佢」 
我:「屌你」 

跟住返到班房 又係我最憎既英文堂 

miss:「做乜咁遲」 
我:「肚痛呀嘛 痾到企都企唔直」 
miss:「咁小莉呢 阿腳唔駛問都知佢吹水」 
小莉:「我..我...訓晏左」 
miss:「我唔係想罵你兩個 而係就算今日都唔應該咁早拍拖拍到學都唔返」 

跟住成班仆街仔係度歡呼 

我:「miss你唔好老屈喎 我同佢係普通朋友」 




miss:「你地唔駛唔認啦 最初我聽其他老師同同學講都唔信 小莉咁乖點會揀你 而家我信啦」 
小莉耷低頭唔敢出聲 果陣真係心諗屌你好心你畀人屈就反抗下啦仆街 
我:「miss都話唔係囉 點講你先信」 
miss:「一係你幫我擦黑板咁我就信啦」 
我:「not busy so easy 幫你打埋蠟都得」 
miss:「諗諗下都係唔好 我地有值日生架嘛 所以你都係認左佢啦」 
我:「咁你講黎做乜 你點都要屈我無辦法」 
miss:「小莉唔駛怕醜喎 究竟有無呀」 
小莉面又再次紅過我張成績表咁講:「我...我...」 
miss:「得啦得啦 唔迫你 玩完啦 返埋位啦 唔好再遲啦」 
我:「咁點解你又要迫我同屈我」 
miss:「你玩得呀嘛 玩完啦快d聽書」 

返到去見到肥影粒聲唔出坐左係度 仲有張檯有n咁多粒朱古力 

我:「死肥影今日做乜咁多人進貢 今日咩日子呀」 
肥影:「關你鳩事咩 咪撚嘈我聽書」 
我:「食左屎黎咩屌你 一早就屌晒咀」 
肥影:「收嗲啦」 

跟住又一野meet左落黎 唔撚痛既咩屌你 果陣我隻手成日都有少少瘀

小莉靠埋黎問我:「你唔知今日咩日子咩」 
我:「禮拜二呀嘛 點會唔知」 
小莉:「蠢人 今日情人節呀 你唔見阿影好多朱古力既咩」 
我:「見到咪問佢做乜今日咁多貢品囉 點知條撚頭咁串」 
小莉:「你真係蠢到無人有」 
我:「痴撚線 咁情人節咪又係普通返學日子 唔通學校放日假畀你咩」 
小莉:「所以頭先miss先講笑咋嘛 咁你都聽唔出」 
我:「屌你」 

跟住就開始麻煩既情人節啦 

果朝肥影成日好似食左屎黎咁 我都唔係好敢惹佢 
所以我就自己一個玩手機果d戇鳩game 
小莉就睇佢果d白痴小說 (即係男主角永遠係高登仔果d 180cm 撚30inch 貌似潘安......) 
肥影就嬲爆爆咁上堂 有陣時覺得佢發脾氣果陣對眼好得人驚 好似想食人咁 

上左兩堂都無乜野 係小息果陣先.... 

肥影:「落去食野囉」 
我:「你係咪精神分裂 明明今朝食完屎而家又咁開心 我頭先食左唔想食喎」 
肥影:「頭先食左」 
我:「見遲到咪的埋小莉一齊去食野囉 反正都要畀人屌」 
肥影:「咁落去食多次囉 當陪我食啦屌你」 
我:「是撚但 不過我唔食 你都幾撚傻 咁多朱古力食完你飯都唔駛食啦 晒錢」 
肥影:「我想食鹹野得唔得呀屌你 落你就落啦咁多嗲」 
我:「小莉你去唔去呀 咪撚成日睇埋d戇鳩野啦 睇得多人都傻」 
小莉:「唔..唔去啦」 
我:「咁又係你食左野 唔去算數 落去啦肥影」 

係我同佢行到出走廊附近果陣見到盒仔佢地 

盒仔:「去邊呀腳哥 1 on 1既」 
我:「肥影條友話食野咋嘛 一唔一齊呀」 
盒仔:「唔啦 今日情人節喎 放左學去邊」 
我:「返屋企囉 今日跑完返黎好撚累」 
盒仔:「遲d傾啦 唔阻你」 
我:「係咁啦」 

其實我唔知果下佢笑乜撚 條友好似食撚錯野咁 
肥影果陣叫左好多野食 當然而家唔記得佢叫咩食啦 
淨係記得佢果日好好胃口

我:「你無食野咩 好似餓左幾年」 
佢:「肚餓呀嘛 今朝做乜遲既」 
我:「今朝掛住睇珠珠 跟住小莉條粉腸唔知做乜係樓下等我又整晒野食咁 最後遲左咪食個早餐先囉」 
佢:「今日情人節呀嘛 不過睇你柒頭柒腦咁都唔知架啦」 
我:「其實你點解可以咁撚勁知道晒我諗乜同做乜」 
佢:「你個人係點唔通唔知咩 陣間放學有邊去呀」 
我:「你聽唔到我話返屋企訓咩 真係戇鳩鳩」 
佢:「咪返啦屌 話時話今日應該係我畀朱古力人 反而有好多人畀我」 
我:「我諗佢地唔知你係100% bitch 百分百臭西咋掛」 
佢:「屌你呀仆街 唔知有無人畀你呢」 
我:「最好唔好畀 因為我唔撚食甜 反而你果次果粒真係唔錯 忍唔住讚多次」 
佢面紅咁講:「鍾..鍾意食就得啦」 
我:「做乜口窒窒 痴得小莉多你都變埋種」 
佢:「可能係啦 今日你有無時間陪我行街呀」 
我:「行街 好地地行咩街」 
佢:「唔好問 陣間放學你唔出就仆街」 
我:「戇鳩 你陣間問埋小莉去唔去囉」 

講到肥影究竟會唔會問呢 梗係會啦屌你 佢兩個真係幾好朋友架 

肥影返到班房之後問小莉:「陣間去唔去行下街呀小莉」 
小莉:「我...我...行一陣啦 你地會唔會食飯呀」 
我:「唔撚知佢 你唔想食」 
小莉:「你想我一齊食」 
我:「無乜話想唔想 食就食 唔食唔通你唔食我唔食咩」 
小莉:「咁...咁我返屋企食得啦」 
肥影:「真係唔食 一齊食啦」 
小莉:「唔駛啦 你同阿腳食咪得囉 今朝都...」 
我:「今朝」 
小莉:「無野呀 今朝我跑到好累想返屋企抖下咋嘛」 
我:「哦 你真係好撚虛 返去叫你老母整幾條蔘你食下啦 後生細仔就咁」 
小莉:「咁你呢」 
我:「梗係唔駛啦 咁大隻」 

廢話左一輪先開始上堂啦 

上堂細節唔駛講啦 不過食飯果陣鎚仔走埋黎問肥影:「阿影你今日得唔得閒呀」 
肥影:「得又點唔得又點」 
鎚仔:「諗住問下你睇唔睇戲咋嘛 同埋你食唔食朱古力呀 我有好多喎」 
肥影:「約左柒腳食飯」 
鎚仔問我:「你唔係同小莉過情人節既咩 係人都知你地拍緊拖啦」 
我:「講無你地唔撚信 都唔明你地問黎做乜鳩」 
跟住... 我好記得見到小莉皺左下眉頭 跟住 -->  --->  不停重複

我:「小莉你做乜撚呀 成日係度玩表情唔厭既咩 miss屈你唔敢出聲我明 而家又有人屈你喎」 
小莉:「人地講乜咪又得人囉 似你成日咁鍾意罵人咩」 
鎚仔:「阿腳好似唔得喎 阿影一係我同你去睇戲啦」 
肥影:「其實你條仆街都幾撚煩 我推左你十億次都約 係咪真係咁撚得閒呀」 

我笑到仆街  因為鎚仔佢真係約十次十一次都畀肥影屌到仆街 
我果日係返左屋企食lunch 因為駛左好多錢啦屌 

到放學都無乜野講 係將我少量既朱古力畀晒小莉 
點解呢 因為小莉都算食得幾甜同佢咁瘦食多幾粒都無野啦屌 肥影就難講d 

走果陣盒仔打畀我問:「今日去唔去打機呀 好齊人喎」 
我:「應該唔得啦屌 肥影條友迫我同佢行街」 
盒仔:「咁小莉呢」 
我:「佢最初都好似行 但係放學話好累就返左屋企」 
盒仔:「屌你 真係...佢兩個有無畀朱古力你呀」 
我:「屌你係咪晒命呀仆街仔 小莉畀我都唔敢食啦 肥影都無」 
盒仔:「咁得啦 慢慢行」 

跟住我就同肥影去行街啦 

去到商場真係屌你老味 成街都係狗男女 
睇見都打冷震 

我:「肥影你睇下 成街都係狗男女」 
佢:「你都戇鳩 情人節就梗係咁架啦 唔通七月十四先黎一對對咩屌」 
我:「白撚痴 係度攬攬錫錫有乜撚好睇」 
佢:「其實咁都幾好呀....」 
我:「幾好」 
佢:「你唔覺同鍾意既人一齊過情人節好開心咩」 
我:「有拍拖可能係既 無既同普通日子有乜撚分別 無假放」 
佢:「你條友真係唔死都無撚用 行啦行啦」 

跟住就行佢果d無聊野啦 
點知竟然畀佢撞到我老母 
老母一見到我同佢就問:「呢個邊個黎」 
我:「同學囉」 
肥影:「auntie你好 我叫阿影呀 係佢同班同學」 

我  --->  
屌你死肥影又扮人類 佢條撚樣好鍾意係陌生人面前扮撚晒野 
好撚變態

老母:「點解今晚唔返黎食飯既 以為你有咩做所以唔返黎食」 
我:「無乜野做既 不過佢條友話屋企無人煮飯所以迫我陪佢食」 
肥影:「邊係迫喎 你唔出無人迫到你」 
老母細細聲咁問我:「小莉呢」 
我:「你想搵佢我畀佢電話你 你問我做乜」 
老母:「呢個女仔都幾靚 同小莉差唔多 不過佢好似活潑d」 
我大聲講:「點止活潑 仲有過度活躍同十分潑辣 對得佢多人都死」 
老母:「佢又講得岩喎 你唔出邊個迫到你」 
我:「佢又講到成家死晒咁慘咁 盒仔班人叫我打機都無去呀」 
老母:「咁我寧願你同呢個女仔食飯啦 成日打機就打到傻啦」 

跟住我老母就問肥影:「阿影你想唔想上黎食飯呀 反正今日應該都無乜位食飯」 
我:「咁去茶餐廳咪得囉 無謂叫佢上黎阻住」 
老母:「問你咩 阿影你想唔想呀」 
肥影:「無所謂 但係我怕打擾你地喎...」 
我:「你唔駛怕 而係你一定會打擾到我地 不如你自己食算啦」 
老母:「你痴線架 人地女仔黎架 加多雙筷咋嘛 唔駛諗快d上黎」 
我:「咁你就咪問啦」 
肥影:「唔該auntie」 

我老母好撚好客 無論係邊個只要見到都會問佢上唔上去食飯 
所以細個果下都唔係幾鍾意係屋企附近行街或者玩 唔係畀人見到就係咁 
小莉又係咁肥影又係咁盒仔班人又係咁 
有陣時都幾撚憎佢咁好客 
至緊要係肥影係我屋企人面前扮撚晒野 係度講野細細聲 不過唔係小莉果隻 
佢把聲如果係咁都幾好聽既 不過佢成日屌我老母 果晚見到又唔屌 正仆街 
果晚既經過真係好撚戇鳩 

我坐左係度等食飯 肥影就一齊坐係梳化睇電視 
我老母一叫我執檯果下條撚樣懶好人咁去執 平時叫佢上完堂幫我掃下擦膠碎都唔肯呀屌 

老母見到佢執就講:「你仲坐係度成碌木咁做乜呀 阿影客人黎架你咁都唔幫手」 
我:「佢平時唔係咁架.... 你畀佢呃左啦」 
老母:「無可能 阿影咁斯文 睇佢對眼都知佢唔會講大話啦」 
我果下真係屌你   

條臭西影果晚仲要同我老母講:「有無野幫到你手呀」 
老母:「你幫我拎呢個出去啦 阿腳你真係無鬼用架 淨係識坐係度」 
肥影:「阿腳佢上左成日堂好累啦 由佢休息下啦」 
老母:「你咪又係上左成日堂 成日都係咁 打機打到夜一夜」 
我:「媽你真係畀佢呃左啦」 
老母:「我就畀你呃左啦」 

跟住死肥影仲要用一個同咁望住我