[信不信由你] 青少年經歷: 20

等擺好晒之後我問:「老豆呢」
老母:「今晚做野呀嘛 食先啦 我陣間再煮」
跟住就開始食飯啦成晚食都食得唔安樂

老母:「阿影點解我之前睇阿腳既班相同旅行相都未見過你既」
肥影:「我轉校架因為我屋企人搬左黎呢邊住」
我:「話時話我都唔知你做乜轉過黎喎 因為你係之前畀人踢出校」
肥影:「係你先會唔問咋嘛 小莉都知啦」
老母:「一路食一路傾 唔食就好快凍架啦」
肥影:「好呀auntie你煮野食好好食呀 樓下餐廳無得比 我屋企人又掛住做野好少煮飯」




老母:「鍾意咪食多d囉」
我:「肥影你食屎啦咪係我媽面前扮晒野」

不過宅宅賓賓 我老母煮野食就真係唔錯

果晚食飯真係好唔舒服 因為肥影個仆街係咁呃鳩我老母
可以係呢度簡單講下肥影點解轉校
因為佢屋企係做生意既 所以成日都好忙唔得閒理佢 亦都因為咁佢成日搬屋
同埋佢以前都好多人追究竟係咪咁多人有被虐傾向





老母:「今晚d野你鍾唔鍾意食呀」
肥影:「鍾意呀好好食」
我:「你唔好再扮野啦肥影媽你信我啦」
老母:「做乜咁叫人呀阿影肉都唔多舊呀 仲有阿腳係學校係咪好衰架 成日畀人記野」
肥影:「唔係呀我第一個識既朋友就係佢 佢幾好人」
我:「錯係你一開口就用粗口罵我阿媽」
老母:「你用粗口罵人地阿媽咋掛你點講我都唔信阿影係講粗口 咁小莉又會唔會講粗口呀」
肥影:「auntie你又識小莉既」
老母:「上次佢上過黎溫書呀嘛 佢好斯文好乖 同你一樣」
我:「唔好玩啦根本兩個人」




肥影:「哦阿腳你無同我講既」

果陣佢對眼真係唔知點咁 係比平時咁仆街
平時係屌你老母 果次係屌你老母臭西呀仆街

我:「你都無問仲有點解你撐到隻眼咁大媽快d睇下 佢要露出真面目啦」
老母:「你食飯啦阿腳係咪成日恰你架」
肥影:「咁岩有塵入眼咋嘛一般啦 不過佢對我好粗聲粗氣囉 岩岩開學真係畀佢嚇親」
老母:「阿腳係咪想死呀 我由細到大都叫你斯文d 樣就似人啦 入面就十年如一日」
我:「無呀肥..阿影佢都係同我一樣架你信我啦」
老母:「你以後自己檢點d呀失禮死人 阿影你唔好介意呀 佢個人係咁」
肥影:「唔好罵佢呀auntie 阿腳佢係學校對我好好架」

我果下真係忍唔住企起身大聲講:「死肥影你食屎啦咪再呃我媽啦」
老母:「你坐返低呀叫左幾多次畀少少儀態出黎呀 成日屎屎尿尿」




肥影:「我慣左啦auntie阿腳佢食親飯都講既」
老母:「你真係對唔住阿影 你識得佢唔耐所以唔知佢係咁」
我:「唔駛同佢道歉 因為佢慣左都係因為佢係同一類人」
老母:「我信你就唔係人啦 快d食飯」

跟住老母同肥影係咁傾計 以我觀察老母應該中左肥影毒
我先係你個仔呀媽可惜老母已經畀肥影呃左
宅宅賁賁 肥影佢扮起野上黎又真係幾正既 樣同性格一致既話真係南極排隊排到北極
果一晚老母同肥影傾得好開心

食生果果陣肥影無啦啦問老母:「阿腳細個係咪都好鍾意飲熱維他奶架」
老母:「係呀 仲要唔買唔肯返學」
肥影:「唔怪得啦 佢而家都成日飲」

但係佢擰轉頭仲要用+既撚樣望住我....




媽....

肥影真係好撚假 不過我老母好鍾意佢 仲有小莉

果晚肥影個臭西係我屋企逗留左好耐
我老母猛咁叫佢留多陣呀 得閒上黎食飯呀 睇住我呀等等
真係屌那星成日都畀人呃....

老母:「阿腳你送阿影返屋企啦 女仔人家自己一個返屋企好危險」
我:「邊個敢搞佢呀大佬自己返得啦」
老母:「無所謂 今個禮拜無零用錢」
我--->

我:「阿影不如我送你返去啦」
肥西影:「好...好啦 你做乜扮斯文既」




我:「行啦」

佢果下亦都呆左呆 因為我極少咁細聲同佢講野
對上一次我諗係用雪糕整佢果次

一落到樓下斯文肥影即刻變返做普通肥影

佢:「你老母都幾好人喎 明明佢咁好又會教到你咁既」
我:「關你鳩事咩仆街 係度扮晒野」
佢:「唔通係你屋企人面前都要屌晒咀咩仆街」
我:「你老味真係想畀媽睇下你而家個死人樣」
佢:「唔好講呢筆住 小莉上你屋企溫書你做乜完全無提起既」
我:「乜撚呀佢上去溫書點解要同你講」
佢:「咁...咁...因為...」





佢果下塊面好紅好似有野想講
不過我都係無聽到我:「屌你你同小莉就黎合體啦仆街」
佢:「我怕佢畀你個仆街仔咸濕咋嘛你知你啦 上一次又特登摸我」
我:「屌你幾撚時有唔小心咋嘛 不過估唔到你仲記得」
佢:「梗係記得啦屌你我咁大個女第一次畀男仔掂到咋」
我:「我以為你畀人掂過好多次」
佢:「我先唔會蝕底畀人呀戇鳩你同小莉真係無野發生過」
我:「咪又係好似今晚咁食飯咋嘛 不過我同佢溫書果下唔小心掂到佢就真既幾驚佢返學校唱我」
佢:「你放一萬個心啦屌你 小莉就算你點整佢都唔會出聲啦屌」
我:「咁又係 佢咁細膽 十成十畀人摸都唔敢出聲」
佢:「屌你食屎啦個腦留左係上面呀 快d拎返落黎呀」

跟住就一路行一路傾啦
行行下果陣肥影無啦啦拎左一個幾靚下既袋仔出黎畀我

我:「乜撚黎」
佢:「畀你架柒頭情人節快樂」
我:「有乜快唔快樂又唔係咩特別日子 聽日又要返學」
佢:「你咁多廢話做乜撚野畀你咪要囉 講一大堆無聊野」
我:「屌你不過入面係上次既朱古力」
佢:「係呀你話好食呀嘛」
我:「你都算返個人啦今鋪 呃我老母呃到陀陀擰不過多謝」
佢:「得你一個有咋講聲情人節快樂啦仆街」
我:「屌你死肥影但係情人節快樂」
佢:「哈哈 唔駛」

跟住就送到佢返屋企門口鳥
送到肥影返門口果陣小莉無啦啦打黎

我:「點呀小莉姐 唔係屋企教唔到你數喎」
佢:「你...你係邊呀」
我:「岩岩同完肥西影食飯咋嘛你未講打黎做乜喎」
佢:「無...無乜野呀 你而家同佢一齊」
我:「送到佢返門口啦屌要唔要同佢講兩句」
佢:「唔..唔駛啦 咁你返到去打畀我啦 byebye」
我:「痴撚線唔知打黎做乜鳩」

肥影:「邊個黎架」
我:「你老母個表姨婆」
佢:「屌你邊撚個呀」
我:「小莉咋嘛唔知打黎做乜鳩」
佢:「你知唔知其實小莉佢....」
我:「小莉做乜」
佢:「我講多次你信唔信呀柒腳」
我:「有野就講啦屌你」
佢:「之前咪話過小莉鍾意你既 你究竟覺唔覺呀」
我:「點解連你條粉腸都要咁講就真明眼人一睇就知唔係啦 講笑咋嘛」
佢:「咁我再問多你一次你覺得小莉個人點呀」
我:「無乜野特別 普通女仔」
佢:「屌你你擰轉身食屎啦仆街」
我:「痴撚線無啦啦又可以屌人係咁啦 費撚事同你講」
佢:「屌 無野啦仆街多謝你餐飯byebye」
我:「係咁」

果晚我行返去諗左好耐
因為佢地講到似層層咁
所以果晚好奇心驅使下打左畀小莉

我:「小莉呀 你得唔得閒呀」
佢:「阿影走左啦咩做乜咁客氣呀我得閒呀」
我:「得閒就落黎食碗糖水啦」
佢:「做咩呀你好少呢個時間約我喎」
我:「屌你又話得閒又咁多嗲拿拿聲落黎啦」
佢:「等我問下媽畀唔畀先 陣間打畀你」
我:「咁係你樓下等你啦」

果下等左都有一陣條撚樣又遲到
佢一落到黎 我真係屌佢老味 駛唔駛又著到咁靚呀

我:「小莉 你落一落街咋喎 駛唔駛著到咁呀....」
佢:「我都講左係得呢d衫咋嘛食完快d返去啦 媽話唔准咁夜我先落得黎咋」
我:「梗係啦屌聽日仲要返學」

去到撚記糖水 (而家執撚左)

我:「楊枝甘露」
佢:「咁我食椰汁西米露啦」
我:「屌 又食呢個組合記唔記得聖誕party完左果下都係食呢個」
佢:「我以為你唔記得就真你今晚做咩搵我既」
我:「無呀 頭先同肥影食完飯佢無啦啦又講話你對我有野咁我咪問下你囉」

小莉--->--->---> 面紅mode

佢:「我...我...」
我:「得啦知啦」
佢:「你...你...你知咩呀」
我:「知你條柒頭畀人屈又唔敢出聲囉不過真係委屈你 陣間搞到你無人追就罪過啦屌」
佢:「又...又唔係既 其...其實」
我:「得啦屌聽日屌柒肥影先條仆街成日亂講野」

果陣我講完仲要一野拍左落佢背脊度

佢:「好痛呀」
我:「唔好意思大力左食野啦 陣間老母等你等遲左就屌鳩你」
佢:「好啦」
我:「好地地做乜要整呢d鳩樣」
佢:「無野啦快d食啦」

食完糖水我就同佢行返去佢屋企啦

我:「喂 你食唔食呀 肥西影出產」
佢:「就係你上次話好好食果粒」
我:「係呀整粒你食下」
佢:「佢將個袋整得好靚呀」
我:「晒時間 不如佢是但搵個袋仔入埋佢咪得囉」
佢:「你真係等我試下先」

食完佢覺得無我講到咁好食
因為佢鍾意食甜野 我就唔鍾意 所以我覺得好撚正

佢:「你唔覺好苦咩」
我:「好似你上次果粒咁甜就仆街啦佢整呢種真係唔錯」
佢:「咁...咁...」
我:「咁乜鳩」
佢:「又講粗口咁我得閒同阿影學下先」
我:「算啦你都唔鍾意食又點會整得好」
佢:「又睇死我下次一定整畀你睇」
我:「好好好 下次先」
佢:「不過我今日無朱古力畀你」
我:「其實邊撚個諗情人節一定要畀朱古力呢樣野咁低能」
佢:「咁我又唔知喎 不過由細到大呢日都係女仔畀朱古力男仔架啦」
我:「但係肥影今日又有咁多貢品既」
佢:「佢受歡迎嘛而家好多男仔都畀女仔」
我:「白痴特登晒錢走去買黎派通街」
佢:「一年一次咋嘛 今年情人節又過左lu」
我:「屌 見係你咋莉姐 整粒你嘆下啦」

我畀多左粒肥影牌畀佢

佢:「點解畀我既你唔係話好好食既咩 唔自己食」
我:「食咁多有益咩屌你不過見你今日唔知發乜癲整蛋牛治畀我 禮尚往來」

佢又口窒窒咁講:「多...多謝 不過...我無得畀你喎」
我:「都話甜果d你唔畀好過畀你當送左早餐畀我囉 再加多條血痕」
佢:「多謝 情人節快樂」
我:「我係學校果d都畀晒你你一粒講一次啦屌」
佢:「痴線到啦 你返去小心啦 byebye」
我:「bye」

我都唔知果陣原來咁做會令小莉誤會
不過小莉到而家每年情人節都會整下黑朱古力畀我
但係次次都失敗 總係有一種甜到窒息既甜味
最初女友都有發脾氣 到而家佢都慣左啦

題外話今晚諗住同女友出去食飯 sms問佢去邊食果陣又畀佢屌

我:「你想去邊食」
佢:「你想呢」
我:「打邊爐」
佢:「無所謂 你去邊我咪去邊囉」
我:「咁即係去邊」
佢:「咪講左囉」
我:「有咩你都無話好定唔好 咁即係好唔好」
佢:「妖 唔食啦」

真係痴撚線 無啦啦又可以發癲
佢呢下真係同肥影好似 話黎就黎
同埋佢話講左句sweet少少既野我又破壞左氣氛
屌你 咁我真係唔知呀嘛