[信不信由你] 青少年經歷: 22

我:「點呀肥西影 炒左幾鋪啦喎 想點罰法呀」 
肥影:「屌你 你地夾埋出老千」 
我:「仆街啦你 技不如人就咪撚沙塵」 
肥影:「輸埋呢鋪我就真係叫你聲腳哥呀 」 
我:「咁你用唱歌把聲叫都得啦仆街」 
肥影:「洗牌啦仆街」 
小莉:「點解阿腳你知阿影點出牌既」 
我:「贏埋呢鋪講你知」 
小莉:「好呀」 





跟住肥西影亦都係兵敗如山倒 認我做大佬 

我:「肥影 點睇呀 你又收撚左皮啦喎」 
肥影:「腳哥囉得未呀屌你 」 
我:「西影你真係好柒 邊有人話親事都出pair 出花出2 A K花先得架屌你」 
肥影:「屌你有無搞錯呀 死變態佬係度裝人出乜牌」 
我:「仲有今日你運都輸撚埋 見唔見到小莉件jacket係咩色」 
小莉:「紅色jacket關咩事」 
我:「紅色旺我大殺四方 肥影你乜都輸撚埋 落去捉條魚食下啦屌你」 
肥影:「巴屎閉 唔理你呀」 





跟住個仆街自己走去燒野食 
真係好撚小器 見到小莉坐我隔籬就咪撚玩啦 又要玩又要嬲 

我見肚餓都走埋去燒埋一份 
肥影個仆街就話:「燒塊牛扒畀我」 
我:「戇撚鳩 咁難燒就算燒完都自己食啦」 
小莉:「阿影我幫你燒啦」 
肥影:「你咁就佢做乜 佢真係唔識痾金畀你架」 
小莉:「佢燒都唔荒靚啦 我燒畀你好過 反正我鍾意燒唔係好鍾意食」 




我:「我要紅腸牛扒墨丸貢丸雞翼腸仔龍蝦丸豬扒」 
小莉:「得啦麻煩友 等陣啦」 
肥影:「燒元寶蠟燭畀佢啦小莉」 
我:「我唔獨食 燒埋畀肥影唔該 太多一個人用唔晒」 
小莉:「燒晒畀你兩個啦」 
肥影:「唔得 小莉過黎行下」 
我:「咁邊個燒野食」 
肥影:「自己燒啦仆街」 
小莉:「咁我轉頭返黎燒啦」 

跟住佢兩個就行開左一邊 

我:「屌你老味又要食自己 鎚仔過黎燒啦 肥影想食牛扒呀 
鎚仔:「哦 好呀」 





最後佢燒完肥影又未返到就畀我食撚左 

佢兩個果陣去左都幾耐下先返黎 
返到黎我同其他人都食左好撚多 就連麵包班仆街無買到牛油都唔燒照食

肥影返到黎問:「我既野食呢」 
我:「你問下鎚仔有無燒畀你囉 我就只會燒自己果份」 
小莉:「銀色果d咩黎」 
阿雞 (無關痛癢既人) :「好似係番薯金菇」 
肥影:「咁點解有個菠蘿係度」 
我:「有幾個傻西話要整乜鳩菠蘿焗飯 整到既做戴嘉落都得啦 唔駛係度同我地bbq     」 
小莉:「點整呀 入面係咪刮空左放左飯係入面呀 等我睇下先」 

果下肥影想拉住佢果陣都黎唔切 
小莉又係白撚痴 大佬佢放左個菠蘿係度燒緊自然熱到仆街啦 




所以佢果下隻手辣到紅晒 

小莉:「好熱呀」 
肥影:「梗係熱啦 想拉住你又黎唔切」 
阿雞:「阿腳你去睇下小莉點囉」 
我:「戇鳩 你想駛開我跟住食晒我既野咋嘛 你白痴都唔好當我戇鳩鳩先得架老友」 
肥影:「屌你老味 唔撚駛你睇 睇住陣間成個人燒著呀你老味」 
小莉:「無...無野呀 繼續燒野食啦 抖下就無野啦應該」 
我:「唉 痛就痛啦屌 去果d鋪仔買支凍d既水淋下佢啦」 
肥影:「咁你仲棟係度做乜鳩呀 仲唔快d去買」 
阿雞:「係囉 女朋友整親應該你去啦」 
我:「你唔咁講我都諗住去 你一咁撚樣講就老西都唔去」 
小莉:「咪...咪係囉 唔..唔好亂講啦...」 
肥影:「成班都無撚用 我去買 柒腳你睇住小莉呀」 





最後都係肥影買左 

搞掂完小莉之後都係燒下野食咁 
跟住佢地就去玩活動啦 

由於我唔係咁好排球之類既運動 所以我去左睇野同食 
小莉就無去玩 肥影就唔撚想同佢地玩所以無出去   
於是我問佢:「咁你唔想同佢地玩又黎托柒咩屌」 
佢:「我想黎燒野食咋嘛 幾時有話同佢地玩 成班人柒下柒下」 

個仆街真係自我中心到核爆  

果個時間都係我食野多 佢地兩個係咁傾計唔撚悶既咩 

到鎚仔佢地果班人返黎就問肥西影:「點解唔出去玩既」 




肥影:「唔撚想同你地玩」 
鎚仔:「下 點解既」 
我:「肥影戇鳩話淨係想黎燒野食咋嘛 都唔想同你地玩 成班人柒下柒下喎」 
小莉:「你唔好咁衰啦 成日都係咁」 
我:「係事實怕咩講出黎 係咪先肥影」 
肥影:「咁柒腳你又講得岩既」 
鎚仔個樣即刻  ->  ->  

睇佢咁樣屌鎚仔其實都係我娛樂之一 
不過鎚仔佢真係好有耐性咁同肥影講:「想燒野食就一齊燒囉 死仔腳肯定食唔少啦 你唔食好蝕底喎」 
肥影:「想食咪去燒囉 而家唔撚想食有乜計呀屌你」 
鎚仔:「咁你想食就黎燒啦」


我笑到仆街之餘連小莉都笑出聲 

到班人又開始食果陣我當然埋位啦屌你 
個乜鳩焗飯其實幾好食 整果幾個戇鳩仔強調係童子軍果度學返黎 

我果陣見小莉渣支叉好似渣碌鳩咁chok下chok下 
跟住再睇下佢隻手 原來已經起緊水泡 

我:「你起水泡就咪撚燒啦 拎支叉黎啦」 
小莉:「唔...唔該」 
鎚仔:「阿腳其實你同小莉係咪真係有野 咁關心佢既」 
小莉再次紅過經血咁話:「邊...邊有喎...你地唔..唔好亂講啦」 
我:「咁你班仆街燒啦屌 話無又唔得 話有又要硬哽 真係屌你老味」 

成班人擾攘左一陣先繼續燒  

燒燒下肥影無啦啦一野打埋黎話:「柒腳你陪我去買支冰紅茶啦」 
我:「好撚遠喎 自己去啦」 
肥影:「唔遠點會叫你黎呀仆街 就係怕危險」 
鎚仔一見到呢個樣就話:「一係我陪你去囉」 
肥影:「同你唔係好熟費事啦 柒腳陪我得啦」 
我笑到仆街 點解有人講野會咁鳩架 

一路行一路問佢:「其實鎚仔佢爭在未放隻手去燒下黎博你歡心咋喎 咁你都唔受」 
佢:「唔鍾意就唔鍾意 佢咁只會令我覺得佢好撚煩」 
我:「真係傻撚左 你咁性格如果唔係有個樣睇下我諗流浪狗都唔撚望你呀」 
佢:「咁又係 好彩你呢隻仆街食屎狗都有回頭望」 
我:「屌你啦 飲乜鳩呀 係咪屎水呀」 
佢:「咪話冰紅茶囉」 
我:「咁買三支啦 反正小莉個仆街應該都鍾意飲 甜到嘔」 
佢:「屌你老味如果我整親你應該畀多舊熱既碳我渣下 小莉你就會咁撚好服侍」 
我:「你都戇鳩 咁你而家無整親呀嘛」 
佢:「食撚屎啦你」 
我:「痴撚線 咁都有得發癲」 

行返去果陣我見到個幾靚幾白既.... 

貝殼 

我就執撚左佢 點知畀肥影見到 

佢:「送畀我」 
我:「點解 我執到唔係應該係我既咩」 
佢:「我都想要」 
我:「你擘得大我隻手咪畀囉」 

佢真係飲奶咁撚大力擘 最後個撚樣竟然一野咬撚左落黎 
我痛到連三支野飲都跌埋 

我:「你戇鳩架咬人 你今世都一定係狗 前世既習性未改到就咪撚投胎啦屌     」 
佢:「咁佢係我既 你無得要返」 

見到佢笑到咁開心真係..... 
成日都用呢d死人樣搞到人屈服

我:「是撚但 豪畀你」 
佢:「多謝」 
我:「痴撚線 頭先都唔明你嬲乜鳩而家又笑 究竟你係人唔係呀屌」 
佢:「關你咩事 因為呢舊野真係好靚呀」 
我:「屌你 快d行返去啦 畀人食晒實屌柒你」 
佢:「畀人食晒我燒畀你又點話呀柒腳 行啦」 
我:「一舊咁既爛鳩野就咁開心 好撚弱智呀你」 
佢:「因為係...」 
我:「係」 
佢:「係你個仆街欠左我」 
我:「屌你行啦」 

跟住我就同肥影行返去啦 
果次都真係幾好玩 野食又好食 bbq一定要多人先好玩 

同肥影返到去之後見到佢地好似餓狗搶屎咁  
我梗係唔執輸搶埋一份啦屌 

我:「喂 畀你」 
小莉  ->  

小莉:「做乜買畀我」 
我:「見你整親支野又凍凍地 你渣住應該會好少少」 
阿雞:「我都整親」 
我:「整親條撚」 
肥影:「咁柒腳你都睇住整親喎」 
小莉:「唔...唔該...」 
阿姦 (都係爾打鹿) :「阿腳你不如講下你對小莉有無野啦 趁全班同學係度」 
我:「我打算同miss提出轉班 你班仆街真係好撚煩 話無又唔得 都係果句點解你地係都要話我同柒莉有野呢」 
小莉:「做咩咁話我」 
鎚仔:「話無真係唔信 成日出雙入對」 
我:「其實我同肥影都好熟架喎 你地又點解唔話我同肥影有野呢 成班戇鳩鳩」 

我果下講完成場靜晒 
直頭成個氣氛係僵到仆街 到中五之後先知自己果陣講錯野 
我仲以為係班人幫鎚仔追肥影所以全部人都唔出聲  

我:「做乜唔撚出聲 係咪燒野食太熱氣 係就等我食晒佢」 
小莉:「係...係囉... 阿腳同阿影都...都好好朋友架... 唔...唔好亂講我地啦」 
鎚仔:「唔會啦 阿影成日咁罵你 佢應該好憎你個人至真」 
我:「我都覺 成日開口埋口你老豆佢老母 當正家人禾稈草  」 
肥影:「食屎啦你 淨係對住你咋」 
阿雞:「咁又係 上次阿腳抽阿影水 按道理阿影應該幾撚憎佢」 
我:「你班仆街又屈我啦 都話唔小心 點解記咁耐之餘仲要記錯我係抽水  」 

果陣我地成班人傾呢個問題傾左好耐 
而家大個睇返就真係講到好白既 唔知點解果陣完全唔知呢 
傾傾下小莉扯左下我衫尾 正一小學雞


我:「乜撚」 
小莉:「我開唔到呀 幫我開啦」 
我:「下次你幫我買隻珍珠雞上班房」 
小莉:「清遠走地雞都得 快d啦」 
我:「你真係好戇鳩 畀肥影條柒頭同化左 拿」 
肥影:「邊個係柒頭呀柒腳」 
我:「你呀」 
小莉:「唔該」 
我:「肥影果邊仲有無雞翼 整兩隻黎」 
肥影:「食屎啦你」 
我:「屌你係咪咁煩呀 叫你拎黎又唔係幫我篤 咁都有得發癲」 
小莉:「阿影你個貝殼好靚喎」 
我:「我都覺得好靚 原先係我點知畀條仆街搶左」 
肥影:「我都覺得幾靚 所以個柒頭一執到我即刻搶左」 
小莉:「原...原來係咁...」 
鎚仔:「借黎睇下得唔得呀 」 
肥影:「唔得」 

屌你我諗唔會有人仆街得過肥影 
點解會有人咁撚狗咁直接 明知人地係想同佢多d野傾都話唔得 真係好撚柒 

果次再玩多陣就走左 
不過搭車果陣係迫到仆街 
我地果陣行返出去搭果下真係多人到仆街 
仲要畀人屌鳩我地唔好撚嘈 
詳細情形真係唔係好記得 
不過有一樣野可以同大家講下 

就係搭車果陣我地成班迫撚左係車頭 當然有一部份柒頭係搭其他交通工具啦 
但係我同肥影同小莉都係搭巴士 無記錯仲有其他幾個仆街仔女 
可能你地覺得好最終幻想或者好老土 但係又發生左係我身上  

當一架車迫到仆街果陣 基本上你唔駛扶手都企得穩 
但係佢一剎車果陣就人浪式收皮  
其實係果陣搭巴士就係幾陰公 雞巴男早幾年出現就好 
膠野唔多講 睇文最撚爽 

我企係肥影右手邊 小莉企肥影左手邊 
原先我同其他仆街仔玩緊 好似研究邊個國家勁同傾打機野 
點知司機大佬無啦啦一個剎車 成架車都chok左下 
成班無位坐既人人浪式移動 坐係度既人就好撚爽皮咁睇住人仆街   
我因為無野扶住肥影膊頭 小莉直頭撞埋落其他人度 
但係因為咁扯到肥影露左bra帶出黎