[信不信由你] 青少年經歷: 23
我果下仲大大聲講:「對唔住呀肥影 搞到你走光
不過你都無所謂啦 畀人睇慣
」 肥影:「我屌你老母呀仆街陷家產 一次又係咁兩次又係咁想點撚樣呀
」 阿西:「搞錯呀你阿腳 日日抽阿影水 真係我都睇唔過眼
」 阿雞:「屌你好撚狗 死咸濕仔
」 小莉:「你...你地唔好咁講啦
」 肥影:「講真我又唔介意既 而家好多人都咁著 唔撚明一條帶有乜好睇
」 我:「如果有人老強你你會唔會咁同佢講
」 肥影:「你收皮啦仆街 再係咁真係無女仔咁同你接近呀」
我:「小莉佢一定知我唔係咁既人 你條仆街唔駛晒咁多口水唱黑我
」 小莉:「醒目喎 我真係知你唔會 不過可能我無魅力掛
」 我:「咁又唔好咁講 認真講句你都係人樣 肥影係羚羊」
羚羊之前已經講過點解 唔多作解釋
肥影:「你老味呀仆街 食屎啦
」 我:「好撚煩呀
」 點知無啦啦司機同我地成堆人講:「唔好意思可唔可以靜少少 見唔到請勿騷擾行車咩
」 我:「對唔住呀司機大佬 我會克制下班人
」 肥影:「克制你隻畜牲就差唔多呀屌
」 小莉:「靜少少啦 畀人罵啦
」 跟住我地就返去啦
係呢度我大概交代下我地之後點啦
其實我之前都講過 中五之後都無乜野發生
大家都係好努力溫書考試
其餘都係好似中四咁拉下拖下....
其實點解我一開頭都話係爛尾呢
因為事實上之前亦都講過 我係無同佢地兩個一齊到
不過大家依然係好好朋友 無論講咩都得
而詳細情形我都記得好多 所以大家可以當我係不定期更新
而家就講下我中五之後點啦
屌你唔撚駛問我同小莉都係皮爾修啦仆你個臭街屌你老母考評局
所以我就走去讀外語 小莉佢就係引火自焚 唔知佢做乜撚野走左去讀會計
不過佢都好撚好彩個天好好人畀佢畢業 雖然而家做一份濕鳩出納 但係佢都叫有工開
而肥影...
佢係會考真係成績唔錯 有十七分 係我間野雞臭西中學黎講算係咁啦
我同小莉諗住同佢食飯慶祝果下點知佢發老脾唔去
我就叫小莉唔好撚理佢 由佢自己食啦 仲以為佢考到中六好巴撚閉唔同我地食
點知去到夜晚佢無啦啦打畀我叫我落去
咁我就諗住好好醜醜都同佢食個糖水當慶祝下啦 因為我成日衰心軟
點知佢果晚好似怪怪地咁
我:「好撚勁喎死肥影
升到中六再著校服」 佢:「又講廢話 今晚想去食菜心粟子炆臭西
」 佢好鍾意食呢味野
我:「屌你戇鳩架 要特登搭車出去食架 老母煮撚左我飯 係咁
」 佢:「陪我食啦 今日真係好想食
」 我:「你老味呀 下次先啦
」 佢:「咁我自己出去食啦仆街
」 我:「你好撚麻煩呀 唔係見你升到中六真係老西都唔撚睬你
」 佢:「哈哈哈 估到你啦仆街 講咁多咪又係要出 晒我時間
」 我:「食撚屎啦你 行啦」
食飯都係同平時差唔多 不過佢好似怪怪地咁
成程係咁傻笑
我:「笑撚完未 不過今日真係有人歡喜有人愁
」 佢:「邊個歡喜邊個愁你都唔撚知啦...」
我:「屌你我咪愁囉 都唔知讀乜好
」 佢:「你記性好就搵專少少既野讀啦 你條仆街咁溫法都畀你科科合格你執到啦
」 我:「仆街啦 我開晒夜車你唔知咋
」 佢:「你條仆街死記咋嘛 慌你會識咩」
我:「咁你又錯唔晒既 你覺得讀乜好
」 佢:「唔... 讀外語都唔錯 我親戚個仔又係讀完外語無大學都搵得皮幾野一個月
」 我:「你親戚個仔係咪我先得架屌
我會考慮下 你有陣時眼光都幾準」 佢:「一時時啦 有陣時...」
我:「有陣時
」 佢:「問黎做乜喎 遲d你咪知囉
」 我:「無啦啦發乜姣 成撚日講d唔講d
」 佢:「飯就食完 去邊度好呀」
我:「返去啦 四周圍又熱又焗 係度食塵咩
」 佢:「是但啦 反正都無野行 今晚不如搭地鐵返去啦
」 我:「耐好多喎屌你 搭小巴啦
」 佢:「今晚我想搭地鐵呀 陪我啦
」 我:「你今晚係咪high大左呀 升到都唔駛咁架
」 佢:「我升到你都未送野畀我呀柒腳
」 我:「送份星島畀你囉
行啦 反正聽日都無野做」 佢:「有呢份禮物就夠啦
」 我:「估唔到你真係咁慘 想搵人陪你搭地鐵都難 叫你平時做人唔好咁仆街架啦」
佢:「屌 畀兩分薄面你就咁串 咁唔爭在我地影張相啦
」 我:「好地地影乜相 你就死
」 佢:「唔係呀... 不過想同你影張相咋嘛
」 我:「成晚都傻下傻下 你無野呀
」 佢:「我地企係站名下面影啦
」 我:「你等我叫個人幫手渣機先影到架柒頭」
佢:「你有無柒d呀 自拍咪得囉
」 我:「最撚憎人玩呢d野 畀人見到有乜好睇 兩個傻西係度做戇鳩野
」 佢:「你就傻西 企埋黎啦
」 我:「真係只此一次 永遠唔會有下次
」跟住佢就挨係我度影啦 雖然咁講 不過之後都係有同佢自拍過
影完之後就特登兜個大圈返屋企啦
坐地鐵果陣條友直頭眼訓到挨左係我度訓
見佢訓到扯鼻寒都費撚事叫醒佢
到站之後我就拍佢個頭話:「喂 埋站啦
起身啦」 佢:「好累呀對腳唔想郁呀
坐多兩個站先啦」 我:「坐多兩個咪又撚要返屋企
拿拿聲同我起身」 佢:「都話唔撚起囉
靜靜地同我坐係度」 屌你跟住我真係成碌柒咁唔郁坐左係度
最後話就話兩個站 原來搭撚到去總站 仲要晒時間搭回程車
佢條撚樣仲想坐多陣
坐佢老味老西都唔畀佢坐 佢起身行果下講:「舒服晒
放榜前一晚真係緊張到訓唔著」 我:「戇鳩
得同唔得一早知架啦」 佢:「我...我而家真係知啦
平時你送我返去多 今晚不如我送你返去啦」 我:「今晚做乜咁好死呀肥影
你係咪痴撚左線呀」 佢:「未想返去咋嘛
行啦」 同佢行返去果陣都係好似平時咁玩 例如我會係佢行前面果陣踢佢隻腳
又或者佢會好撚變態咁叫我唔好郁畀佢推我行
返到我屋企樓下果陣佢好突然咁一野攬埋黎
我果下真係唔識畀反應佢 嚇到我呆左咁企係度
我:「你做乜撚呀
」 佢:「無野呀 識你咁耐好似都無攬過你 咪試下囉
」 我:「你咁對鎚仔佢應該會跪低奶你隻腳都得
」 佢:「你估我人人都會呀
好啦 大家畀心機讀書啦 你要搵我呀知嘛 
byebye」 我:「仲有幾個月先開學呀柒頭
玩下先啦 係咁啦」 跟住我同佢頭都無回就走左....
果下我以為佢係唔捨得我同小莉無人畀佢屌先會咁
以當時既我對肥影既認識 佢係口裡說不果種人
明明怕悶又要懶無野 明明怕寂寞又要懶清高咁
我果下都無做d乜野 又唔撚係以後唔見 點解要咁做呢...
點知過左兩日 係我起身食飯果陣老母話有封信畀我
我果下心諗邊個仆街又玩野寄不幸信呀屌你老母
接過黎一睇 原來係肥影寫既
相信大家都估到係寫乜
詳細唔寫咁多啦 因為好嘔心
都係果d肉麻骨痹野 不過佢寫果陣可能有喊啦 有幾滴水跡係度
原來佢屋企一路都想送佢去大不列顛帝國度讀書 升唔升到都一樣照送
佢都有同屋企爭取過升到就唔過 不過佢老豆一早已經安排好晒 真係好撚有霸氣
一百幾十萬都照拎出黎 如果肥影走撚左佢咪蝕水
而家同你地講返可能你地覺得我點解咁冷靜
其實我果下真係嚇到呆左完全唔識畀反應 因為無諗過肥影會咁重視同我呢段關係...
果下真係再蠢再柒都明啦 佢仲要數埋幾次明示幾次暗示 真係
最尾佢都不忘提下小莉對我有野 叫我要對佢好同珍惜佢 我去到果下都覺得自己真係太蠢啦 傷得佢太緊要
佢最尾果句係寫 「感情唔會變 第日會再見
」 真係無佢修 去到最尾都要咁...
之後我都唔敢搵小莉住 因為...
其間小莉都搵下我出去既 不過我都無出
等到我再搵小莉果陣成件事都變得好複雜
因為我同佢去行街睇戲食飯 其中都無乜特別
不過係返屋企果陣佢就問我:「你知唔知阿影去左英國讀書呀
」 我:「知呀 佢寫左封信畀我 原來條撚樣一早就要去英國
」 佢:「係...係咩 都唔明點解佢唔同我地講 可能佢都唔捨得掛
」 我:「屌 懶型咁走 佢有種以後都唔好返黎啦
」 佢:「人地走左把口都仲咁樣 成日都係咁
」 我:「你報左野讀未呀」
佢:「仲諗緊讀乜好呀 好多都好似讀完無乜用咁」
我:「至緊要搵自己興趣囉 其餘乜都假 唔想讀就算畀你讀中六都無撚用啦」
佢:「都係既 咁你呢」
我:「應該讀外語掛 出路都好似唔錯 而且好似幾岩我
」 佢:「岩你咪好囉 我支持你
」 我:「頭先食完好似唔夠飽 不如去食糖水囉
」 佢:「好呀
」 去到糖水鋪我叫左當時最型最潮既芒椰奶西
小莉又係叫返平時食果d
我:「你悶唔悶呀莉姐 成撚日食同一樣野唔悶咩
」 佢:「有陣時鍾意食一樣野又點會悶呢 因為你鍾意食呀嘛
」 我:「咁都會想食下其他架嘛 不過都係你食 唔關我事
」 佢:「咁你又問
」 正係大家傾緊計果陣 由於果度既仆街地方十分之窄 有班阿叔行過果陣唔小心一野撞落我度
我成杯野倒左大半杯落小莉大髀度 佢果陣著短褲 所以我唔知點解好自然就拎紙巾幫佢抹
佢即刻禁住我隻手大叫:「呀!!
」 我:「叫乜撚春
」 佢:「你...你做乜野呀」
我:「幫你抹囉 可以做乜呀」
佢:「咁...咁你係...係男仔... 我係..女仔黎架嘛」
我:「咪又係腳一隻 不過你隻白同埋滑咋嘛
」 佢:「你覺得滑咩
」 我:「ok啦 點睇你塊面乜都無 唔會隻腳好多腳毛好撚粗掛
」 佢:「你傻架 我又唔係男人
」 我:「乾未呀莉姐
」 佢:「乾啦 不過好痴立立」
我:「杯野好撚甜 叫左唔好晒
」 條柒友亦都好自然咁拎黎飲左啖話:「係咩 麻麻地啦
」 我:「成撚日食糖 好快變秦煌」
佢:「邊個係秦煌
」 我:「屌你
有無睇電視架 成日扮有錢人或者主角老豆果個呀」 佢:「點樣架
」 我:「起碼二百磅 對眼好細好高好大隻果個
」 佢load左一陣就知 跟住就話:「就算變左佢你都要同我食野喎」
我果下真係心諗小莉究竟係講笑定講真呀...
而肥影又有無吹水呀屌你...
所以我果下決定問多次...