[信不信由你] 青少年經歷: 25

我係送既途中問佢:「小莉呀 我有野問你呀」 
佢:「唔」 
我:「你今日做乜著短褲既 」 

屌你我果下真係問唔出 
點會有人問人係咪鍾意自己架屌你 

佢:「熱呀嘛傻仔 咁你又著短袖衫 唔好睇咩」 
我:「無乜特別 其實...」 
佢:「其實咩野呀」 




我:「其實肥影寫左封信畀我 封信入面講話你...」 
佢成塊面紅晒咁問:「話...話...話我咩呀」 
我:「話你對我有野囉 佢都傻傻地」 

佢靜左無出聲... 

我:「你都覺得無奚呢 所以話...」 

我未講完佢一手掩住我個咀大聲話:「係呀 我係鍾意你呀」 
跟住d眼淚就係咁滴落黎 





我:「你認真 點解我完全唔覺既」 
佢:「係你傻....傻咋嘛 如...如果唔..唔係我點...點解要做咁多...多野喎  」 
我:「你又唔同我講」 
佢:「講...講有用咩... 次...次次想講果...果陣都打窒我    」 

我好少見佢咁激動咁大聲 嚇到我完全唔敢講野   

佢:「點...點解你要對我咁好喎  」 
我:「對你好」 




佢:「係呀 你...你對我真係好好呀 」 

佢果下係喊到失控  
成個人已經不停戚下戚下 

佢喊喊下自己係度講:「你...你鍾唔鍾意阿影呀」 
我:「點講呢... 你等我組織下先 成件事太突然」 
佢:「你...你今日一...一定要講清...講清楚呀...」 
我:「得 你收左聲先會好d 收嗲ok」 
佢:「唔...唔」 
我:「抹下眼淚啦 你見唔見到好撚多人行過都望你 陣間以為我老強你或者點呀屌」 
佢:「得...得啦」 

我果下都諗左好多野 綜合返晒發生左既野 
唔多唔少可能我畀左好多錯覺佢地 亦都可能好似你地咁講 




不知不覺鍾意左佢地掛 慣左有佢地係度嘈生晒 
慣左有一個人好細膽 但係覺得唔合理又會口窒窒咁反駁 又成日面紅既女仔係我側邊 
亦都唔捨得有一個成日屌鳩我又打柒我 但係有陣時好溫良又好可愛唱歌又好聽既女仔突然去咁遠地方... 
果種關係唔係男同女之間令人個心卜卜跳既感覺 而係你覺得好舒服 根本都唔想亦都唔會諗到係有友情之外既野係入面... 
所以我諗左陣先答小莉 

我:「小莉呀 其實...」 
佢:「點...點呀 」 
我:「我鍾意你」 
佢:「真...真係架... 咁...咁點解你...你又好似唔知咁既」 
我:「咁真係唔知呀嘛屌你 但係你聽埋我講」 
佢:「唔」 
我:「我都鍾意肥影」 
佢個樣即時變做  --->  





佢:「阿影走左啦」 
我:「我知呀 你明唔明其實我真係少少都唔知你地鍾意我...」 
佢:「咁又點呀 寧願你揀一個都唔好咁答啦大佬」 
我:「老實講 我真係當你地係好朋友 好似有兩個相反既人係我側邊又做到朋友真係好...好奇怪咁」 
佢:「咁之後呢」 
我:「你唔好喊住先 我可唔可以繼續同你地做好朋友呀」 

佢雖然聽左呢句 但係都係喊到仆街  

我:「因為你地真係我好朋友呀嘛係咪」 
佢:「係...係咪我有咩...咩唔好呀 我...我唔夠阿...阿影靚...又唔...唔識唱歌...  」 
我:「你好好呀 如果有男仔同你一齊佢會幾撚幸福 因為你好就得人」 
佢:「咁...咁點解...」 
我:「但係我個心入面有肥影條柒頭喎 你會忍受到咩」 





佢無出聲... 

我:「我唔識你果陣以為你好細膽唔出聲又瘦撚到好似條柴咁 識落先知你真係好撚細膽 不過見到你頭先咁大聲講野真係好野」 
佢:「又...又係你話既 覺得有必...必要果陣一...一定要出聲架嘛」 
我:「岩呀 你唔係以前既小莉啦 以前既小莉又點會敢咁樣同我講野」 
佢:「即...即係點呀」 
我:「無呀 覺得你好似掃馬布隆咁進化左咋嘛」 
佢:「痴...痴線 咁...咁我地仲有...仲有無機會呀」 
我:「第時既野邊個知呀 話唔定我同隔籬班果個間條芬有路呢  (全級數一數二既肥西)」 
佢:「咁...咁又係... 你...你係咪都鍾意阿...阿影呀」 
我:「幾啦 不過係朋友果種 同你一樣 今次佢走左都唔知幾時見得返」 
佢:「實...實有機會既...」 
我:「唔好喊啦 我鍾意睇你笑多d」 
佢:「唔..唔 我...我會笑...笑多d啦」 





佢呢個笑係好扭曲果種 
即係有眼淚又要夾硬笑 安已不 

最後我同佢傾左好耐先返屋企 真係 

至於點解肥影條友會死左返黎香港呢 
其實大家都知有一場金融海嘯 
唔少人既身家都賓周打狗唔見一截   
肥影老豆好唔好彩亦都中左招 當然佢都係生活無憂 不過供佢出去讀書會吃力左所以叫肥影返黎香港呢邊 
至於我地見返佢之後係點亦都係後話啦 

而呢篇青少年經歷亦都告一段落