[信不信由你] 青少年經歷: 24

等我講下今年聖誕前夕發生左d乜啦 
呢篇真係講你都唔會信 信就信唔信睇下就算啦 
對話方面唔講太多啦 因為你地會估到 

其實點解咁快就出結局呢 
第一係因為好忙 反正中五真係無乜特別 最精彩係中四 精彩已睇過 重複當次貨 
中五真係差唔多 至多試後活動同節日 仲有其他出街既趣事等 

第二係今篇既重點 
開始前可以同大家講返樣舊事先 事源係今個夏天我出左生活態度 




我身邊既人都知我唔係好識用呢d高科技產品 而「佢」當然知啦 (老西都唔講你知係邊個) 
有次同佢食飯畀佢見到我換左電話 就一手搶左黎睇 
佢一開safari就見到全香港至毒至變態又至多丁圖既高登討論區 
就問:「你平時有睇forum既咩」 
我:「無聊睇下咋嘛」 
佢:「你個名都好變態下喎 腳痴最愛美腿  」 
我  --->  --->  --->  
佢:「點解你個post咁長既 等我睇下先」 

經過左一輪既你爭我奪之後 




佢就講:「估唔到你將我地既野打上去喎死變態佬」 
我仁爾灰 皮爾修咁答:「因...因為呢個係我咁多年黎最精彩最開心既時候黎架嘛」 
佢:「等我返去又睇下你有無甩漏先」 
我:「有你都唔知啦柒頭 你會好記性過我咩」 
佢:「咁你就錯啦 如...如果我話你知我中學係有寫日記既習慣咁你又點睇呀」 
我  --->    x 2036 
佢:「做乜唔出聲呀 嚇親呢 一路都無同你提咋嘛」 
我:「無野啦 食飯啦」 
佢:「你唔好因為咁而唔出喎 一定要出晒佢」 
我:「知啦屌你」 





成件事就係咁 
所以你地話我gay呀 成日要相呀 仲有同佢地似既相佢全部都知   
佢見到你地話我gay笑到仆街 佢仲要覺得好撚正 成撚日問我係咪gay 

入正題啦 

今年聖誕都係比較忙 除左要準備陪女之外仲要乜乜柒柒咁 
你地都知我而家個女友係耶西 所以佢會去報街陰同唱下歌咁 
分分鐘我女友都有同你地講聖誕快樂呀屌   
而「佢」今年亦都有約我 慣左去凱講乘個位等我 一來食餐聖誕飯 二來陪下我揀禮物 
當然 我係例遲既 佢亦都好似平時咁買左支熱維他奶畀我 不過我去到果陣都變左做凍維他奶 
我到左果陣都遲左成四個字啦 真係

佢:「支野凍晒啦 晨早買左畀你又咁遲黎」 




我:「公司多野做呀嘛 咁岩有個客打黎咪遲左囉 (其實我係公司度趁無人打mph3 點知玩耐左)」 
佢:「是但啦 你想行邊呀」 
我:「黎凱講乘就梗係行呢度啦 唔通去行金字塔咩老友」 
佢:「遲到仲咁多野講 走先啦 byebye」 
我:「認真就輸了 你都有睇高登唔係唔明呢個道理呀」 
佢:「得啦得啦 死高登仔 要唔要我upload你張相上去等人起你底」 
我:「對唔住 我遲到 今晚餐飯我睇數」 
佢:「你話架 唔准反口借d意話未禁錢無散紙」 
我:「得啦 行啦」 

自從果次畀佢見到我上高登之後就夾硬逼我畀個id佢 
佢仲要用埋我部電話登出再登入睇下我有無吹水 
成撚日用起底呢招 不過我知佢唔會 
至多我又放佢張相 大家一拍兩散 





行街食飯呢d細節位唔講啦 講得太細緻你地會估到 

等我講最重要果部分啦 

我:「禮物買完 飯又請左你食 賺錢搵命博 財散人安樂」 
佢:「多謝多謝 飽晒」 
我:「有無地方想去 無就閃人」 
佢:「不如我地搭船去中環囉」 
我:「聽朝唔駛開工咩屌你 第日先啦」 
佢:「我知你把口硬咋嘛 拿拿聲搭完咪走得囉」 
我:「屌你 行啦」 

坐船果陣都幾大浪 拋到我成個人都暈暈地 
佢反而好撚興奮咁係船度影相呀 發癲呀 本地人仲成個遊客咁 一樣咁柒 乜撚都影   
我:「係...係咪痴撚左線 乜今晚咁拋既隻船」 




佢:「有無咁廢呀你 成條死屍攤係度做乜」 
我:「你係咪本地人黎 隔籬個鬼佬比你仲似本地人」 
佢:「好耐未搭過船呀嘛」 
我:「戇鳩」 

跟住就落船啦 

我同佢落左船之後其實都無特別野做 係鳩行鳩行同埋鳩行   
途中買左杯雪糕 凍冰冰我就問佢:「咁凍仲食乜撚雪糕」 
佢:「想食呀嘛 好耐未食過啦」 
我:「傻傻地 小心痾爛屎」 
佢:「你就係」 

細節位亦唔多講啦 都係同大家講下重點好過啦 





同佢去到一個環境都幾好既位 見到中環燈飾真係幾正 香港如果唔係競爭咁大都係一個好地方

我:「其實你黎都係想睇下燈飾咋嘛 駛乜特登又搭船又搞咁多野」 
佢:「幾醒喎 今年燈飾都唔錯」 
我:「香港地有邊年會柒先得架」 
佢:「其實點解你要係網上面打出黎呢...」 
我:「咪講左囉 我覺得中學畢業之後都無乜邊年係特別開心 唔經唔覺又一年 今年都係」 
佢:「你女朋友呢 同佢一齊唔開心咩」 
我:「痴撚線 關咩事呀大佬 中學果種開心你而家係社會搵唔搵得返先」 
佢:「咁又真係搵唔返既 日日返工都好累」 
我:「咪係囉 打出黎等自己回憶下都唔錯」 
佢:「睇你唔出喎 平時又唔見你咁」 
我:「可能做野太悶掛」 
佢:「知唔知點解我要黎呢度呀 」 
我:「鳩知咩  」 
佢:「前排有個親戚係度影婚紗相影得好靚呀 所以想同你去呢度睇下」 
我:「又唔係你 咁撚開心把撚」 
佢:「係唔係我又有乜緊要呢 今年聖誕又係一個人」 
我:「你唔要咋嘛 大把人爭住做大舌頭啦」 
佢:「大舌頭」 

跟住我上網開畀佢睇同講點解 
佢覺得好搞笑 點解高登仔咁都諗得出 

佢:「隻野好耐無見過 估唔到2010年都仲有人拎出黎講」 
我:「計我話就舊野好過新 而家既卡通柒下柒下 柒羊與色狼」 

佢靜左陣 就問:「咁人呢」 
我:「又想講咩呀....」 
佢:「無論係邊度過聖誕都好 我都係覺得中四果年聖誕係最開心」 
我:「算啦... 有好多野已經唔同左啦... 而家我都...」 
佢:「我明呀... 我真係明呀... 之不過果年真係我最開心既一年」 
我:「唉...」 
佢:「如果...如果你無拍拖... 你估我地又會唔會一齊呢...」 
我:「唔知呀 不過我有拍拖係事實 而家我同佢都相處得幾好」 

屌你佢已經喊左出黎 

我:「唔好喊啦... 你知有好多野都無如果...」 
佢:「其實我仲好鍾意你架... 你知嘛    」 
我:「唉... 我唔識點答你 只可以講而家既女朋友係我覺得可以結婚既對象囉」 

佢無出聲 

我:「不過我同你以前睇戲果陣都講過 通常最鍾意既都唔會一齊 呢句野我覺得係真」 

屌那媽佢喊得仲勁左    
整整下我都唔敢出聲.... 
等左佢好耐先出聲...

佢:「咁你係呢幾個鐘就當同我過聖誕啦 不過我想...我想做你女朋友喎」 
我:「痴撚左線 」 
佢:「你當豪一次畀我囉 反正我地都唔會一齊 其實好似而家咁係最好....」 
我:「好似唔係幾好 咁咪即係偷食」 
佢:「你就想」 
我:「好啦 我地係度行下睇下野算啦 費事畀人見到誤會」 
佢:「你真係無變到 同以前一模一樣」 
我:「你都係一樣咁麻撚煩」 
佢:「我當係度同你結左一次婚架啦」 
我:「痴撚線」 

雖然我係講痴撚線 不過我個心係 

最後我同佢好似中四果一年咁... 
拖住手 佢就好似女朋友咁又拖又圈住我隻右手 
無精彩節目 無特別既野做 大家只係鳩行 
不過真係搵返中四果年 好似停住左既時間咁... 

到我送到佢返樓下果陣佢無啦啦一野攬埋黎話:「聖誕快樂」 

如果以前可能我真係會嚇到咁--->    
不過而家係純粹當佢好似一個紅顏知己咁攬住佢:「聖誕快樂」 

唔駛五秒又聽到佢係度喊      

佢:「今...今...今個聖誕我好開心呀 」 
我:「我都係」 

到最後... 
我拎左買畀女朋友既鏈送左畀佢  
佢  --->       

我:「幫你戴起佢啦柒頭」 
佢:「你...你就係」 

我:「都幾襯你」 
佢:「我...我送返樣野畀你啦」 
我 --->  

佢一手遮住我隻眼就錫左落黎 

我:「你傻撚左咩」 
佢:「呢次係第一次 都係最後一次...」 
我:「呢句好娘 好柒 同你一撚樣」 

佢一野打左埋黎話:「食屎啦 對你好少少就咁 點都好 多謝你條鏈」 
我:「下次出黎陪我買過呀」 
佢:「得啦 byebye」 

跟住我就走左啦 

聖誕前夕就係發生左呢件事令到我唔想再打住 
因為我開始分唔清「佢」究竟係我好朋友定係..... 
順便同大家講下 可能每個人心入面都有一位關係好好既女性 
會好過你老母女友老婆表姨媽果種 
有陣時無左就係無左 無論小莉同肥影都好 
佢地永遠係我心目中都有番一席位 大家咁多年黎都無諗過係呢段關係上面行前一步 
我而家呢個女友都真係好好 但係你問我最鍾意係邊個既話 
就係「你」啦 知嘛