【校園】【微甜】三日兩夜生前死後的宿營: 生前(18): 變態黏線佬

黑漆漆咩都睇唔到，訓著既地方又硬又冷，無被又無枕頭，最緊要係我頭好暈好唔舒服，稍微有D知覺之後發現兩手被人用手銬反銬住，唔清楚整爛個手銬有幾難但是依加我一D力都用唔上，想坐直成個人都做唔到。

 ......唔？頭先我明明記得跟住小雅一齊入鬼屋玩，依加咩狀況？個頭吱吱叫，唔得！一諗野個頭就好暈好想嘔，雖然好暈我都迫自己快d諗起，因為直覺話我知呢刻好唔得了。
 ……一開始我記得同小雅入鬼屋……然後我被鬼嚇親……同小雅分開左……有學生會帶我離開……搵到寶藏……學生會想搶走寶藏我逃跑……然後係我同阿草……

 我記得啦！！有人整暈我然後把我放係度，諗起所有事之後頭腦清晰好多亦都無甘頭暈，我張開眼睛嘗試坐直身子，之後發現唔知自己係邊。
或者我先講我附近有咩，我身處既成間房沒燈，透過窗外照入黎既月光可以睇到周圍有好多雜物整齊放著但是灰塵都好多，可想而知呢間房唔係成日用，而且窗口好細又高不過勉強我都可以係窗口逃離，畢竟我唔係好高大，另外手機自然唔係我身邊。

可能我醒來引起一d聲音，係對面弄擺自己部手機，果個整暈我既人聽到雜音聲後放低手機走到我面前蹲下來望我：「第一次用d藥無諗過你會暈左成個鐘，我等到你唔耐煩。」
我個口被佢用膠紙黏住無法開口，手又被佢扣住無法揮拳，如果眼神可以當武器，我想自己已經殺死佢。





呢個係我身邊冤魂不散既大無賴，阿草佢冷冷地望住我，佢點解要帶我走又扣住我，我一點都唔想知，我只係希望擺脫手扣然後揍暈佢走人，我無興趣知來龍去脈但是佢就興致勃勃開始講：「一開始見到我就覺得你會我既終身情人，無諗過你竟然有男朋友，而且仲係同我一模一樣，果刻我都知道你一定係搞錯人，因為你又同我傾計同我一齊玩遊戲，仲會關心我，我見你有危險甚至捨身救你，明明你已經決定要做我女朋友，點知去到後來你就成日都對我不理不睬，最後仲話要同我分手，你知道我好傷心嗎？因為我甘鍾意你，你無理由唔知，而且我地又甘天生一對，竟然要我同你分離，而且又係為左d甘既男仔，我一定會對你好好，唔好離開我吧。」

 ……我完全聽到一頭霧水，呢條友究竟黏左邊條根先會有以上既想法和結論，老實講成件事只係佢妄想症，然而我要無辜地被扯落水，成件事真係太過份！關我條毛事！仲要一邊講一邊摸住我既頭髮，我忍無可忍手掌貼著地上，確定可以撐起自己之後深呼吸，全力兩腳伸前踢向佢肚臍踢開佢，「嘿呀！」

反抗同時我自己都仆低膊頭落地，痛！不過阿草應該仲痛，「砰」一聲撞向雜物堆，雜物連人一齊倒下壓住佢，呢段時間我撐起身並且踩上另一堆雜物想爬近窗口，不過一d都唔順利，無雙手既幫助唔使講，本來雜物堆凹凸不平無一個正常位可以踩上去我自己都跌左兩次，打算再試多次點知後面「沙沙」聲，阿草推開d雜物扯住我隻腳拉我落去。

「唔！」因為無法出聲所以怪叫一下摔低屁股著地，好痛！最痛唔係呢點，而且果個黏線佬扯住我既頭髮，佢成個人坐係我雙腳上面搞到我動不到，佢憤怒話：「你地一個兩個攞哂d著數就想走左去，老虎唔發威就當我係病貓，利用完就扔，我最恨你地唔去珍惜既女仔！」

佢一邊講一邊扯走我嘴上既膠紙，係我大叫救命之前，我儲起兩口（雖然好噁心）濃痰吐向佢塊臉：「放開你隻污糟手！你自己做唔好唔得人了解有病有問題就去睇醫生，唔好係度怨天怨地仲要拉我落水！！」





呢個人真係黏線！我管佢之前受過咩傷害，關我X事？佢被我罵完之後好似發瘋按住我係地板唔比我亂動，我扣住手銬既手被壓到刺痛，佢突然攞d灌我迫飲落去，我噴出黎不停咳，都唔知佢比我飲咩，好快我就力不從心，眼睛亦不聽從我指示要閉上，暈死過去。