點知到我睜眼時,發現自己係女生宿舍,而我入眼簾既係鬧鐘七點幾,同訓左係我旁邊既好姊妹小雅,我嘗試坐起身,但是頭有d疼而且手腳都有撞瘀,於是我推推小雅:「你做咩訓左係我隔離?」
剛剛訓醒記憶有d迷糊,無印象琴夜我做過咩黎,點知同我反應反差超大既小雅一下子撲低我:「太好啦!你沒事醒返就好,我擔心左你成晚!」
我被她抱緊動彈不得,過左一陣她先回神過來鬆開並催促我:「你快d打比阿條啦,唔係既話佢會衝入宿舍啊。」
「唔……究竟發現咩事?」
好似問左個不合理既問題,她張大嘴巴下巴都就快要跌到地下:「我話你……唔記得前一晚發生左咩事?」
我覺得係有d重要事忘記左,於是我嘗試回想返,甘啱轉身我膊頭同背脊有d痛,就係呢下痛楚,我諗起琴晚無啦啦被阿草綁走,但是……我暈左之後發生左咩事?
 
小雅見我一臉懵樣,叫我先打電話報平安再去刷牙洗臉,之後我地三人,我,小雅,阿條,黎到大草地聚集,阿條一見到我迫不及待緊緊抱著我,不停撫摸我既頭和耳朵,佢隻手我覺得好溫暖好舒服,不論係性格氣質行為動作都係我相熟既阿條,安全感一百分於是自然地靠在佢身上,因為恐懼而不自覺顫抖既身體也平穩落黎,我地就甘靜靜相擁十分鐘……唔係,無甘安靜,中間他吻左我數十次,仲要深吻我三四次……直到剛才小雅借故走遠左唔知搞咩依加慢條斯理走返黎果陣我地先分開,但是十指緊扣,因為佢死都唔願意放開我。 

應該可以問,而且我權利問下:「琴晚我暈左之後,發生左咩事?你地救左我,係咪?」




直覺話我知,呢兩個係唯一,記住係唯一,唯一,好重要既事需要講三次,知道後續既人。
「係鬼屋同失散後我即刻打比阿條,然後成班同學一齊四圍搵你,我抽住學生會長既衫領迫問佢捷徑係邊……」小雅最後都係搵左學生會長……
「之後我搵到你係電話大叫『寶藏一號』既盒,我手機內置有通話錄音功能,於是我播比學生會聽,原來呢份大禮物係一部手機,原本係會長藏好但是佢話中途掉左連自己都搵唔返,所以出現係甘奇怪既地方又誤打誤撞比你搵到……」

小雅遞出一部手機比我,竟然仲要係最新型號,就算轉手賣出去都淘到唔少金,我先多謝她幫我keep住然後自己袋穩,係喎,甘我部舊手機呢?
「我地話有個女仔唔見左,要大家幫手搵,但係學生會唔信,於是……」
「於是我地就自己去搵你,後來有個女仔執到你部手機話係上面一間雜物房掉落黎打到她,她開手機見到屏鎖就等她既熟人,即係我地接收,之後我地破門入去救你,果條友逃走果陣跣低咗碌落樓梯好似跌斷隻腳,不過見你暈左我就送左你返宿舍先,跟住你就訓到依加先起身。」
阿條最後補充哂成件事既來龍去脈,原來阿草斷左腳,雖然係可憐但是我唔會同情佢,因為成件事係佢一手策劃。

我一手摟住一個人:「多謝你地救我,出左宿舍我再請你地食飯!識到你地我太好運……」




後來我感動又放心甘大喊出來,畢竟發生左d甘既事,我有d情緒失控都好正常。喊夠之後我地就去飯堂食早餐,我輕快跑掉所以無聽到他倆既對話:「就甘解釋就好嗎?」
「呢件事,就我地兩個知好啦,琴日唔係都講好左咩?我唔希望她有太大心理陰影。」
小雅聽到阿條既話也只得輕輕點頭,她都明白事情再追究落去只會對小雪不安和害怕,雖然兩人都覺得唔打斷罪魁禍首既三條腿都唔願放過佢,但連當事人都失去記憶就唯有作罷,反正平安無事就好。 

小雅滿面笑容若無其事跑到我身邊一齊去食野,兩人把事件藏到心裏扯破嘴都唔會話我知。
已有 0 人追稿