【真人真事改編】《去年暑假，我在街上賣寬頻。》: 《去年暑假，我在街上賣寬頻。》（三十九）

　　七月十七日，我來到了大埔昌運中心，老實說不知道為什麼又會被派來大埔，明明說好不同環頭互換位置進行比賽的，不過聽上頭的指示就好了，畢竟有時候各區經理也可以交換一些更有利的位置讓手下工作。
 
　　昌運中心就在大埔超級城旁邊，先在大埔墟港鐵站轉乘Ｋ１２接駁巴士到八號花園總站，之後過條馬路再走三分鐘便可到達。昌運中心有個小型商場，地下有一家頗大的「Ｍ記」，我就在其門口外的行人道開壇。
 
　　因為這位置無鐵柱欄杆依附，所以開易拉架特別吃力，好不容易才將其固定，縱然有自攜的長旗桿支撐，但不免搖搖欲墜，一不留神便倒地了。
 
　　「嘩，偉仔，乜做咗成個月都唔識開壇啊？」一把熟悉的聲音從身後傳出，原來是「數記」的邦哥，令我大感驚訝。驚訝的不是重遇他，是因為他竟然下午兩點多鐘便來開工，我便笑問：「嘩，阿邦哥，你之前唔係話日日都下午四點先開工咩？點解今日咁早就嚟到啊？以你實力，唔會月中就開始急住追數啩？」
 
　　「平時我梗唔會咁早嚟到啦！我兩點半約咗兩個朋友去酒樓飲茶姐嘛……我估你今日都係第一次嚟昌運，喺呢度開壇需要特別技巧啊，睇我表演啦！」邦哥說罷便拿出三支易拉架，一字平排放在地上，先安上旗竿，但不立即掛上彩旗，反而再取出一條長竿，將其打橫用膠紙固定於三支直竿上，就像「搭棚」一般，然後再將壇身與棚架合體，最後再掛上彩旗，如此一來，其總重量便足以屹立不搖了！
 




　　邦哥於五分鐘內，便示範了開壇的建築美，顯出武林高手的功架，看得我目不轉睛！之後他便去喝茶了，還囑咐我如果有客問他身處何方，便幫他「Ｓｅｌｌ住先」，然後立即打聯絡，他會奔回來Ｓｅｌｌ客。
 
　　怎料，過了二十分鐘後，一個從Ｍ記出來並吃著雪糕的師奶問：「咦，個紅衫哥哥去咗邊？頭先食嘢嗰陣都仲見佢企喺度，而家唔見人嘅？」我便答道：「哦，佢去咗廁所姐嘛，係唔係想問電話上台嘢啊？我都可以答到你，有需要幫你打個電話畀佢啊！」原來，這師奶真的是想申請「數記」最便宜的「３Ｇ」服務，我便立即致電邦哥，再跟她簡單地介紹一下合約內容。
 
　　雖然我只是個賣寬頻的Ｓａｌｅｓ，但一個月以來與不同師兄交流後，總會對不同公司的服務計劃有一定了解，所謂知己知彼嘛！所以，在邦哥奔回來期間，我可以應對師奶的提問，他回來以後，不消五分鐘便簽下一張單！
 
　　「偉仔，今次唔該哂，今晚走嗰陣請你飲嘢！」邦哥給我舉了個大姆指後又回到酒樓喝茶了，哈，真是夠寫意的銷售生活哦！
 
【　我變做了鋼鐵　屹立茫茫戰地
 

　　〈鋼鐵是怎樣鍊成的〉　何韻詩　】
 
Facebook專頁: 大雞小事 ( https://www.facebook.com/bigchickenlittlethings )