(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 13

Chapter 　１3
 
翌日，我收起了傷春悲秋，以笑臉回應一臉陽光的田中：「ohayo。」
 
田中如常地為我準備了早餐和飯盒，我想到如果有一天田中真的離開，那種失落與現在的幸福所造成的反差，我不禁掉淚。
 
田中看我突然落淚，怔了怔，她遞過紙巾給我：「邢…英…帥，奸爸爹。」
 
我道：「奸爸爹架！」
 




昨晚，我在一本記事薄上，寫上了一些簡單句子、食物和日用品的名稱，我和她再到街市，顯然她已變得挺受歡迎。
 
她嘗試拿著記事薄走到肉檔，她指著記事薄的其中一項，豬肉榮看到她所指的詞語，笑道：「妳想買豆腐，但我這裡是買豬肉，沒有豆腐賣。」
 
豬肉榮指向前，道：「妳買豆腐就找豆腐斯。」
 
我想如果不是田中，其他人到豬肉榮裡買豆腐，相信他已經唸起三字經。
 
田中以生澀的廣東話默唸記事薄的字：「豆…腐。」
 




看到她像小孩一樣牙牙學語，我不禁一笑。
 
結果在我沒有幫口的情況下，而她在其他舖主的協助下，獨個兒完成買賣，大家也對她很好，沒有欺負不懂廣東話的她。
 
我給了她一個讚：「田中，ＥＡＴ　滋班架！」
 
她羞赧地笑了笑。
 
送她回家後，我便上班。
 




我一邊以唧車落貨，一邊哼著Waltz。
 
「喂，阿帥，一陣出去食飯？」大舊道。
 
「唔去啦！帶咗飯。」
 
「又帶咗飯，你自己廚架，你話你媽返咗大陸架。」阿雄道。
 
「帶咗飯咪帶咗飯囉！你哋咁多問題架？」
 
阿雄向大舊打了下眼色，然後大舊箍住我條頸：「快Ｄ講，究竟發生咩事？你條友射完波返嚟就神神秘秘，無端端有愛心飯盒、做野時又咁好唱口、放工叫你去吹水又唔去，阿雄，係雪櫃攞過飯盒出嚟。」
 
阿雄打開飯盒：「嘩！大舊，個飯盒啲餸整得好精緻。」
 
我拼命掙扎：「唔好攪我個飯盒，當我怕咗你地，放開我，我同你地講。」




 
大舊道：「快Ｄ講，係咪包咗個北嫂？」
 
大舊的說話令我想起他推介的嘉欣，我道：「我先唔會好似你咁重口味。」
 
阿雄道：「究竟咩事嘖？」
 
我諗起小莉單野，依兩條撚樣守唔到秘密，道：「你地先發誓依單野你兩條好樣千祈唔可以爆出去，如果唔係生花柳、梅毒、芒果、椰菜花。」
 
阿雄即刻發誓；相反大舊就猶豫，始終他經常叫雞，攞依家野發誓，可大可小，但最後條友都係流住八婆嘅血，始終都發咗誓。
 
於是我神色凝重將我同田中的事除了那個夢與幻之第六作的事外全告訴兩人，兩人聽完後，對望了一眼，異口同聲道：「妖，吹水都吹得好啲，一覺醒來有個美女躺在床上，這只會在Ｈ漫中出現。」
 
驀然靈光一閃，我想到一個可解決銀根短缺的方法，道：「我無吹水，我有野證明，如果係真咁點？」
 




性格衝動的大舊道：「如果你說話係真，我切Ｊ，仲要打直切。」
 
大舊依Ｄ雞蟲竟然拿Ｊ來賭，可想而知，他以為是曼聯主場對修安聯咁贏硬，而且主勝有兩倍。
 
「咁又唔駛賭Ｊ，賭二千蚊，今個星期日大家都Day off，我攞證據俾你地睇。」
 
「嗱，二千蚊即磅，無得拖，如果唔係爛Ｊ。」
 
我唔明白啲人點解咁唔鍾意自己條Ｊ，係都要切咗佢。
 
我答應咗大舊，然後轉向阿雄：「阿雄，你呢？」
 
阿雄無大舊咁衝動，心思慎密得多，他見我胸有成竹嘅樣子，有啲猶豫，大舊在旁慫恿：「喂，贏硬架，條戅鳩仔難得送錢我地洗。」
 
「你啲證據係咩先？」




 
「成個嫩口版田中美佐楝係你地面前。」
 
「好，我賭五百，即磅，拖數爛Ｊ。」
 
又一個同自己條勁有仇的人，阿雄雖然唔似大舊咁以為我地嘅賭局係曼聯對修安聯，但亦認為他嘅贏面等於皇馬對皇蘇，買主勝好大機會收錢。
 
我道：「一言為定，星期日正午一點係旺角新之城等，阿雄你咁鍾意影相，個日帶埋你Ｄ單鏡反光出嚟。」
 
如是者，星期日將會有兩條傻仔送二千五給我，回到家中，把事情透過電腦告知田中　「我想妳這幾天一直困於屋內　也很納悶　星期日我們出外走走　介紹我兩位同事給妳認識　」
 
「好　其實在這裡　我也感到有些悶　可以出去走走　太好了　」
 
這兩天，大舊和阿雄不斷在我身邊好似喃嘸佬咁不斷唸唸有詞：
 




「賭局落實咗架啦！」
 
「無得反口，拖數爛Ｊ！」
 
「真係好，星期日就多二千，又可以上去玩。」
 
「你果日帶定二千五，我收錢之後，即刻上去。」
 
就是這樣，兩條傻的嗎，以為自己食硬我，依兩日不斷向我發出勝利宣言。
 
而這兩日，田中如常地為我準備了三餐，我儼如一位住家男人般，一放工即刻跑去巴士站，回家和田中吃飯、打機、看劇、打字。