(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 40

Chapter 40
 
 
載著我的列車駛到青衣，我的手機再到唱出胡夏的那些年，這次我先看看來電顯示，致電給我的是Jude。
 
「喂，阿帥，點啊！搵到田中未啊？」
 
「唉！阿姐，我頭先去過迪士尼，但係搵唔到田中，阿姐，妳知唔知田中會去邊？」
 
「吓！我都唔知田中去咗邊，究竟你地發生咗咩事？」




 
我把一切都開誠佈公對Jude說了，還以為把事情向別人傾訴，內心裡的痛苦和鬱結能夠得到宣泄，但實際的情況是並沒有半點作用。
 
Jude嘆了一口氣，道：「唉！阿帥，我知道依個時候唔應該咁講，但係你真係太蠢、太鈍，我同小莉都知道田中係鍾意你嘅，我知道你天生淆底，嗰晚聖誕，大舊佢地見到你同田中 卿卿我我，我都示意佢地扮睇唔到，但你居然係田中做主動嘅情況下，都唔把握機會，你知唔知田中係一個非常好非常好嘅女仔？以你咁嘅條件同性格，日後一定遇唔返咁好嘅女仔，究竟你係咪鍾意田中？」
 
我急道：「阿姐，我當然係好鍾意田中，亦知道田中質素高到令我高攀唔起，我只係一條一事無成嘅毒撚？點襯得起佢？」
 
「唏！同你講嘢，真係火都嚟埋，你成日話自己一事無成，話高攀唔起，咁你有冇試過高攀？有冇試過為佢努力發奮先？有冇試過為佢改變先？變成一個可以匹配佢、
保護佢、能夠給予佢幸福嘅人？事實上你係無啊！」
 




我腦海轟然一震，宛如一個霹靂打在我身上，Jude的話恍如暮鼓晨鐘般，令我忽然從沉睡中甦醒過來；我想起了田中經常對我說：「邢英帥，奸爸爹。」
 
原來天使早已明示，只是我這凡人在天使離開後，才能參透箇中玄機。
 
「阿姐，妳鬧得我好啱，我成日覺得自己配唔起田中，但我無去為佢努力；佢一直係我身邊鼓勵我，但係我都當成耳邊風；我以為永遠唔可以逾越嘅鴻溝，原來只要我去努力，就可以越過；我以為永遠都解唔開嘅難題，原來答案係好簡單，只不過我一直鑽牛角尖。」
 
「唉！阿帥，你明就好啦！不往我講到口都乾，我地依家收工，同你一齊去搵田中返嚟。」
 
於是我們作出約定，我獨個兒先去尋找田中，Jude會和大舊等人晚些到達，加入尋回田中的行動。
 




對於田中身在何方，我真的茫無頭緒，香港雖然是一個彈丸之地，可是要找出一個存心躲起來的人，並不是一件容易的事。
 
我決定先到旺角去碰碰運氣，還記得在個多月前，我和大舊與阿雄打賭，有一位絕色少女寄居我家，兩人不信，結果給我贏了二千五百元，在這段彈指間的光陰裡，實在發生了太多的事情。
 
我一邊想著往事，一邊向四處打量，希望能從四周過濾出田中的身影。
 
此時，我經過一個路牌，我抬頭一看，那是彌敦道的路牌，彌敦道這三字，令我想起了聖誕夜、想起了那個夢，那個夢出現了山林道的路牌，結果我真的在山林道找到了田中。
 
我忽發奇想，這次我會不會在山林道附近找到田中？
 
於是我沿著彌敦道向尖沙咀方向走，由我從公司到家裡；從迪士尼到旺角；再由彌敦道走到山林道，手錶已標示出現在的時間是晚上八時十五分。
 
我轉入山林道時，差點與三名ＭＫ撞在一起。
 
我們對望了一眼，我便從三人間穿過，四個身影互相交錯間，我卻佇立原地，只因三人的對話吸引了我的注意。




 
「喂！Tommy，我地咁樣做係咪真係無事架？會唔會上身架。」
 
「唏！蛇仔明，你驚嘅話，頭先就唔好嚟啦，攪完先嚟驚，有撚用咩！」
 
「驚春咩，我地用迷姦水溝Ｋ畀條囡食，食到佢痴痴呆呆，邊到認到我地啊！」
 
「阿斌，你講得啱，條囡神智唔清醒，醒返實斷片，更何況條囡係架妹，我睇報紙話，日本啲囡畀人老強完，有七成嚟囡都唔會報警架。」
 
「嘿嘿，啲架妹不嬲天生淫蕩，妳睇吓幾多囡去拍ＡＶ，就知咩事！頭先條囡幾好喔，真係想返轉頭砌多鑊。」
 
我身體不能動彈，如墜冰窖，我再次回憶起那個夢，三名戴起傑森面具的禽獸，在我面前侵犯田中，而我只能無能為力地看著田中被欺負。







以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl