(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 73

Chapter 73
 
我們坐下來歇息，一邊欣賞香港最大水塘萬宜水庫的景色，一邊吃著眾美女準備的食物，想不到Mandy所製的馬豆糕和紅豆糕無論賣相與味道也相當不俗，我們不禁給了她一個讚，但當然怎也比不上田中所弄的便當；Jude不斷問道：「點啊！啲雞翼得唔得。」
 
我們面面相覷，阿雄硬著頭皮道：「依隻怪味雞幾特別！」
 
「咩怪味雞，係瑞士雞翼嚟架！」Jude澄清道。
 
如果不是Jude說這是瑞士雞翼，相信我們怎麼猜也猜不出這酸酸苦苦的雞翼是瑞士雞翼。
 




Jude見我們沉默不語，得知自己的作品味道麻麻，她轉向田中道：「田中，我真係要向妳請教烹調心得。」
 
可能我們真的不識貨，Kelvin一口氣把乏人問津的怪味雞翼掃清，道：「ＯＫ啊！都唔係咁差嘖！」
 
如果田中煮出此等怪味雞翼，相信我的立場也會與Kelvin一樣，把食物一筆勾消。
 
田中帶結子去洗手，其他人到處拍照，大舊向我道：「我諗我要放棄小莉！」
 
我見大舊臉上只是有一絲惋惜，拍了拍他的肩膀，安慰道：「天涯何處無荒草，唔緊要架，一個人有一個人嘅好處，不過我估唔到你會咁豁達，表面睇落好似無乜嘢咁。」
 




「其實小莉唔係咁啱我，我認清自己，我有更好嘅選擇。」
 
「吓，原來你另有目標。」我問道：「嗰個係邊個嚟架？我識唔識架？」
 
「我發覺我鍾意嗰個係結子。」
 
大舊的話令我震驚，儘管我聽得清楚明白，仍不禁再多問一片：「咩話？你講多次？」
 
他神情肅穆道：「我唔係講笑，我講真架！」
 




「但係結子今年先得五歲！」
 
大舊進一步補充道：「就係咁先好，佢今年五歲，思想好純潔，未被依個社會茶毒污染，由依個時候開始同佢培養感情，女仔一般嚟講會較為念舊同長情，由依家依一刻追求佢，到佢十六歲嗰時，我就差唔多四十歲，我地就結婚，我相信結子大過咗，一定好似田中咁靚女，依段時間我係唔會畀任何狗公埋佢身，令佢保留處子之身直到同我洞房，而且佢家境都唔錯，我投資十一年時間，都相當值得，我覺得自己好似楊過咁，為一個鍾意嘅女仔，等十幾年。」
 
大舊，你只不過係一條思想齷齪嘅雞蟲，居然攞我偶像同你相提並論。
 
我忍不住點醒大舊，道：「大舊，你唔好ＦＦ啦！你無鏡都屙篤尿照下自己個死樣，結子點會鍾意你依啲雞蟲。」
 
「哼！你唔駛潑我冷水，睇下點。」
 
田中與結子回來，大舊問道：「結子，你鍾唔鍾意大舊哥哥？」
 
結子以那對黑白分明的大眼睛瞪著大舊，然後點頭道：「鍾意！」
 
大舊聞言，笑道：「咁將來，結子做大舊哥哥嘅老婆仔好唔好？」




 
結子點頭道：「好，不過我已經做咗周永希同馬建新嘅老婆。」
 
大舊驚道：「邊個係周永希同馬建新？」
 
「我啲同學。」
 
大舊如釋重負，吁了一口氣：「咁結子妳鍾意我多啲，定係佢地多啲？」
 
結子斜歪著頭地想了想，指著大舊道：「你。」
 
大舊聞言滿臉喜色，耀武揚威地瞥了我一眼，我拍額，心想：「大舊啊！大舊，我真係唔夠你嚟喇，你係咪弱智架，三十歲人腦旬都未生埋，童言無忌，一位五歲細路女嘅說話你居然當真。」
 
我們飽餐一頓，繼續行程，我們經過了浪茄灣、西灣、鹹田灣，到了大浪灣的時候，大舊陪結子堆了一會兒沙，而我們則隨意拍了些照片。
 




結子喊累，大舊揹她，原本一副溫馨的畫面，經大舊之前的真情剖白後，我覺得大舊的行為舉止非常邪惡，又令人嘔心。
 
我道：「結子，不如我揹妳。」
 
結子鬧彆扭道：「唔制，我要大舊哥哥揹，大舊哥哥係我老公。」
 
大舊聞言立時喜滋滋，我指著大舊，森然道：「雞蟲，我鄭重警告你唔好諗多咗，你有咩行差踏錯，我會大義滅親架。」
 
結子天真無邪地問道：「大舊哥哥，咩叫雞蟲？」
 
大舊聞言神色有些尷尬，他先白了我一眼，再一臉溫柔向結子解釋：「結子，妳有冇聽過冬蟲草？」
 
結子點頭，大舊續道：「冬蟲草貴嘢嚟架嘛，雞蟲都一樣。」
 
結子恍然大悟點頭：「哦！咁我以後叫你做雞蟲。」




 
大舊色變道：「唔可以！」
 
「點解啊？」
 
大舊一臉溫柔道：「妳可以叫我做大舊哥哥，又或者老公豬。」
 
結子捂住嘴巴格格笑，未幾她叫道：「老公豬。」
 
大舊大樂，我不禁搖頭，我再看不下去了。
 
我們經過了蚺蛇灣、赤徑口、高塘口、南峰灣，最後到了西貢西郊野公園。
 
我們來到這裡已經是黃昏，太陽快要下山、天色將暗，小莉建議：「不如我地睇埋星星先走，依度夜晚會有好多星星，好靚架。」
 




大舊道：「吓，依度夜晚好多蚊架，咬親結子點算？」
 
結子道：「唔緊要，我有野紅茄，唔怕畀蚊咬。」
 
於是我們決定在這裡等待入夜看星星，經過了一天的顛簸折騰，我們都感到肚餓，我們拿出餘下的物資一同分享。
 
飽餐一頓後，我不懷好意向田中笑道：「嘿嘿，田中，其實我有一樣嘢想同妳做好耐，難得嚟到郊野公園，依個更加係一個好適合嘅地方，依樣嘢我同自己講過只可以同我最深愛嘅人做，以前一直想同阿鳳做，但係最後都無做，不過好彩無同佢做，將我嘅第一次留番畀妳，我相信依樣嘢，妳都無同其他人做過，咁依家我地一齊去做。」
 
眾女聞言立時臉紅耳熱，小莉不屑道：「邢英帥，我一直以為你同其他同事唔同，點知原來你都係一樣，我鄙視你。」
 
Jude搖頭道：「阿帥，我知情侶間情到濃時，會忍唔住做出一啲嘢，但係你都唔好揀依啲公眾地方，犯法架；就算你真係想咁做，都唔好當住咁多人面前講出嚟，田中係女仔嚟架，你睇佢依家幾尷尬。」
 
我牽著霞燒玉頰的田中，道：「我知我咁樣做唔係幾好，違反道德之餘仲犯法添，不過我真係好想咁做，你地唔駛講多嘢，如果畀人發現我會負責任。」
 
我轉向田中道：「田中，我地除咗件外套先，靜間會方便啲，同埋靜間做做下會好熱架。」
 
大舊捂住結子的耳朵，譁然道：「嘩，你條友啲對話越嚟越露骨。」
 
結子見我與田中走遠，嚷道：「田中姐姐，妳要去邊？我又要去。」
 
我回頭道：「唔得啊！結子，我地做依啲嘢，小朋友唔可以做，好危險架。」



以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl