(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 76

Chapter  76
 
一日，在公司裡，我碰上圭司，我向他表示很擔心田中的情形，我道：「嗰日你都有眼睇，田中遇上嗰件事後，精神一直恍恍惚惚、悶悶不樂咁。」
 
「伯母都有同我提起架，話依幾日阿淳成日發惡夢架。」圭司道。
 
「世伯伯母同阿淳睇咗好多個心理醫生同精神科醫生都無用架。」
 
我不希望田中整輩子都活在這個心理陰影當中，我希望她能夠開懷快樂；我希望更加了解她，除了與她分享快樂，也一起面對她的痛苦，但連專業人士也沒有辨法，我能夠做到什麼呢？
 




一把聲音響起：「其實我覺得有一個人可以幫到你地。」
 
我循聲看去，發現甚少與我說話的Kelvin站在我們身後，我道：「Kelvin，你企咗係到幾耐啊？」
 
Kelvin撥弄一頭欷歔的頭髮，道：「你地嘅談話內容我大致都聽到，其實當初我聽Jude轉述田中嘅事，我都覺得成件事都好奇怪，表面睇係一位失憶少女，突然再出現，但係好多嘢根本係解釋唔到。」
 
我沒有理會Kelvin所提出嘅疑惑，追問道：「Kelvin，你話有一個人可以幫到我，嗰個係咩人？」
 
「你地知唔知道邊個係香港第一智者？」
 




我搖了搖頭。
 
圭司搶著道：「你講嗰個係咪中巴混血、同巴西球星尼馬同宗、暢銷書『點解Ｍ記無乾炒牛河』嗰位曹尼瑪博士架。」
 
Kelvin一臉興奮道：「你都有睇個本巨著，依本以究觀嘅科學理論、歷史背景去講述日常生活面對嘅瑣事，依本集合咗數學嘅孿生質數猜想、哥德巴赫猜想、量子力學嘅黑體輻射及光電效應，再匯集市場學古典制約先去印證崖山之後再無中國依句話，再一步一步去講述西方工業革命嘅影響，資本主義、社會主義、法西斯主義同共產主義對後世現今社會嘅衝擊，最後才應對歸元嘅問題－點解Ｍ記無乾炒牛河。」
 
圭司被Kelvin的神情感染，道：「係架！曹博士真係學究天人架，聽人講點解Ｍ記無乾炒牛河只係三部曲嘅第一部，第二部曲－點解老人雞無羊腩煲下個月會出架，有人相信曹博士嘅瘋狂三部曲可以比得上托爾金嘅魔戒三部曲、巴金嘅激情三部曲同金庸嘅射雕三部曲。」
 
我沒有想到Kelvin所說的能夠解開疑團、可以幫助田中的人會是此人，在我的印象中那位曹尼瑪博士有著一個如同鹹煎餅一樣的髮形，穿上那套隔著電視也會嗅到霉味的西服，否定所有鬼神迷信學說、一切事物也能夠作出合理解釋的那個人。
 




我沒有看過這什麼可以媲美眾文學大師的「點解Ｍ記無牛河」，亦沒有興趣看，一個極無聊的問題，需要一位在學術界打拼數十年的教授運用這麼多知識理論以一本書的內容去回答，亦是因為這原因我沒有信心那位曹博士可以為田中的問題提供解決方法。
 
我道：「吓！嗰個曹博士，神神化化咁，得唔得架？」
 
Kelvin勸道：「曹博士真係有料到架，佢依啲高人嘅行事作風當然唔係我地依啲凡人可以猜度，橫豎睇咗咁多醫生都無用，不如去問吓佢嘅意見都無壞喔！」
 
「就算我去搵佢，但係佢依啲專業人士點會接見我依啲小市民喎？」我道。
 
「依層你又唔駛擔心，我係佢以前啲學生，有啲交情，可以幫你問吓，而且曹博士又對啲稀奇古怪嘅事有濃厚興趣，相信佢會接見你。」Kelvin道。
 
我考慮了一會，道：「咁你又講得啱，見吓又無壞。」
 
「咁我幫你打電話約曹博士。」
 
我並沒有對那位香港第一智者有著什麼期望，只是抱著一試無妨的心態。




 
未幾，我收到Kelvin電話：「阿帥，你真係好彩，我將田中嘅情形同曹博士講咗，佢聽咗之後，想你地今個星期日去佢屋企面談。」


以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl