(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 77

Chapter  77
 
星期天，田中邀約了媽子品茗，這次有一點特別，就是申生申太也會出席，接田中出院那次不算，我們的雙方家長終於作出了首次的正式會面，我的心情猶如見證中英雙方簽訂聯合聲明那樣既緊張又期盼，媽子對我說：「阿帥，美佐屋企人係上流社會，一靜間我地唔可以失禮人。」
 
我想到ＣＣＴＶＢ那些連續劇的情節，出身草根嘅窮小子連同家族成員拜會富家小姐的家人，內容定必是不歡而散，希望這些老土的劇情不要降臨在我身上。
 
我叮囑道：「媽子，我驚一陣間妳會發脾氣咋！」
 
「唏，你當媽子咁唔識大體嘅咩！」媽子瞧了我一眼：「人地有錢有地位，只得美佐一粒女，當然會緊張啲，我明白，而且美佐平時咁尊敬我，就算佢屋企人點過分，我都會忍，我都唔想因為我，而令我無得飲依杯新袍茶，同埋令你無咗一個咁好嘅老婆仔。」
 




我聞言大吃一驚，警告道：「咩新袍茶？老婆仔啊？媽子靜間妳唔好係申生申太面前亂講嘢啊！」
 
「得啦！媽子有分數，你顧掂自己先啦！」
 
我們等了十分鐘，申家三口子終於到達，申生道：「唔好意思，我地遲咗。」
 
「唏！咪咁客氣啦親家，我地遲早都係一家人啦！」媽子一臉興奮道。
 
申生申太聞言略現錯愕之色，我先以責怪的目光瞪了媽子一眼，再轉向申生申太道：「申生申太，我媽子好鍾意講笑架，你地唔好見怪，申生，我記得你鍾意飲龍井，襯熱飲喔！」
 




媽子解釋道：「我嘅意思係你地啲大忙人，每秒幾十萬上落，我地等下無所謂。」
 
申生強笑道：「都肚餓，不如我地叫嘢食先。」
 
總括而言，這次聚會並沒有不歡而散的場面、申生和申太亦沒有讓我們難堪，沒有電視劇集中那些上等人刻薄的尖酸嘴臉，反之申生申太非常欣賞媽子一個女人去撫養我和弟弟這對連體嬰，當申太聽到弟弟在分離手術中逝世，還反過來安慰媽子。
 
申生道：「阿帥，你媽子對你幾好，你要好好對佢。」
 
媽子乘勝追擊，嘆道：「我就無咩望，只係希望阿帥同美佐早日成家立室，三年抱兩咁。」
 




申太道：「佢地兩個仲細過，等佢地大過啲，有咗事業基礎先，再講其他嘢。」
 
媽子得勢不饒人，道：「嗱！申太，妳依啲大人物講過嘅嘢要算數，妳話當佢地大過啲，事業穩定啲就結婚。」
 
媽子的語言取巧，令曾與多位商賈交手的申太一時之間也難以應付。
 
申生笑道：「邢太，我地唔好畀壓力啲後生，啲後生佢地有自己嘅諗法，依啲嘢佢地揸主意啦，我地唔好畀咁多意見。」
 
桌底下，我緊握田中的柔荑，我們相視一笑，看來申生申太已經開始接受我和田中在一起，最難那一關已經解決，只要我繼續努力，我和田中定必有一個完滿的結局。
 
前方的最大障礙已經移除，延伸至最後終點的是一條平坦的康莊大道。
 
身為田中的未來夫君，我覺得我們應該更加了解，我應該分享她內心最深處的秘密，我有責任照顧她，與她一起面對夢魘與陰霾，我道：「田中，我約咗靜間一齊見曹博士，佢係香港第一智者，一定可以令妳好番。」
 
一直笑意盈盈的田中，立時色變，拒絕道：「我…唔…去。」




 
「吓！點解啊？曹博士依啲高人好難約架，唔好扭計啦！去見吓無壞架，咪當去見吓蘇文峰，聽吓佢講咩都好啊！」我哄道。
 
「我…唔…去。」田中甩開我的手。
 
「田中，妳有病，妳要睇醫生，妳睇過咁多醫生，佢地都醫唔好妳，又解釋唔到妳點解失憶，依家有個專業人士係到，我地去搵佢，等佢畀啲專業意見我地都好喔！」我繼續勸道。
 
「我…唔…去，我…無…病。」田中搖著頭堅拒。
 
「田中，我唔想妳成世都發惡夢，畀依個陰影纏住妳一世，有啲問題我地唔可以逃避，要面對，我係為妳好，妳畀我幫妳，有咩嘢，我地兩個人一齊去面對喔！」
 
媽子見我們吵得面紅耳赤，勸道：「唔好鬧交，心平氣和。」
 
田中漲紅著臉，道：「人…人…都…有…秘…密，你…唔…可…以…迫…人。」
 




話畢田中拂袖而去，我呆立原地，我從未見過田中這樣憤怒，她總是和顏悅色的，為什麼她會突然變成這樣？
 
在我怔仲的時候，田中已經走遠，我知道田中要走的話，我是絕對追不到她，但我還是選擇去追。
 
她急速橫越了一條大馬路，我連忙隨她身影追去，我只顧追趕她，並沒有留意路面情況，當我聽到一連串響安聲，循聲看去，一輛輕型貨車已駛至我面前。



以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl