(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 86

Chapter ８６
 
田中一臉難堪地以左手握著右手心，不容再讓那『秘密』曝露人前。
 
我怔怔地瞧著田中，難怪她一直不讓任何人碰她的右手，原來是這樣；她的右手不是比正常人多了什麼，而是比正常人缺失了一些東西，她的右手手心光滑如鏡，並沒有常人應有的掌紋。
 
曹尼瑪逕自道：「係超級市場裡面，每一件貨品，都有一個條碼貼紙，以示嗰件貨物係屬於超級市場；係我地嘅世界，每一個人都有屬於依個世界嘅標籤，就係我地嘅掌紋，依個女仔右手無掌紋，就已經證明咗佢唔屬於依個世界。」
 
曹尼瑪續道：「至於佢點解喺另一個平行世界嚟到我地依個世界，就正正可以用我嗰條牛河理論嚟解釋，我嘅理論係地球其實係一個具生命嘅有機體，佢會對人類同其他生物作出一個反饋嘅機制，啲人話地球係一個死物，依啲人都白痴，一個可以孕育出生命嘅地方，居然話係一個死物；操你媽，又講遠咗，當一啲重要嘅生物或者名人就死嘅時候，地球為咗保護佢地，就會自我複製出另一個同本體有啲出入嘅世界，而係二零一一年十月二十日係一個好重要嘅日子，你知唔知嗰日發生咗咩世界大事？」
 




田中右手手心沒有掌紋及曹尼瑪的牛河理論一直困擾著我，我頭昏腦脹道：「嗰日咪我牛一囉。」
 
「操你媽，你有無睇報紙架？利比亞狂人卡達菲就係嗰日死咗，卡達菲嘅死觸發咗地球自我複製嘅機制，而當地球自我複製嘅嗰段期間正好喺太陽黑子最活躍嘅時期，強烈嘅宇宙射線破開咗原本世界同其中一個平行世界嘅界線，所以條囡話北海道有渡渡鳥、東京迪士尼有恐龍，唔係佢發神經、佢亦無講大話，只係佢來自一個北海道有渡渡鳥、東京迪士尼有恐龍嘅平行世界。」
 
曹尼瑪的牛河理論既複雜又天馬行空，我一時間未能完全消化，但他的說法直到現在仍然有一個破綻，我道：「你講嚟講去，都未解釋到點解田中同申韻淳有相同嘅指紋。」
 
「操你媽，好簡單嘖，你講過隻光碟內容，佢係畀一個同你一模一樣樣嘅人殺死咗，正正係只有靈魂先可以從另一個平行世界穿越去另一個平行世界，另一個平行世界叫做田中美佐嘅女仔穿越到我地依個平行世界，搵到一個同佢樣貌同各方面都好似嘅人寄居，所以佢就有申韻淳嘅指紋同記憶，簡單啲講佢係另一個平行世界叫做田中美佐嘅女仔嘅靈魂寄居係依個世界叫做一個申韻淳嘅女仔身上，雖然以或然率嚟講，發生依件事嘅可能性只有兆億分之一，但大過零就有機會發生架啦，成個宇宙嘅起源都係一個極低嘅或然率而成。」
 
我瞧了瞧田中，再瞧向曹尼瑪，曹尼瑪的話雖然匪夷所思，但是他卻能自圓其說，令我不禁開始相信他的說法，我道：「咁嗰個傑克信徒同依件事有無關係？」
 




「我相信唔單止條囡係另一個平行世界嚟到，嗰個傑克信徒都一樣係另一個平行世界嚟到我地依個世界，你話當嗰個傑克信徒每次行兇，你都會夢見一啲嘢，我相信你唔係兇手，嗰名叫楊萎亭同嗰件『來自地獄來的信』已經解釋咗你唔係兇手，不過你同兇手之間存在住一啲聯繫，所以每次傑克信徒殺人嘅時候，你都會『見到』一啲嘢。」
 
「嗰個傑克信徒依家寄居係邊個身上？」
 
「操你媽，我知道係邊個一早捉佢返嚟研究啦！」




以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝




https://www.facebook.com/vc907907?ref=hl