(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 87

Chapter ８７
 
 
我聞得那名連環殺人犯傑克信徒居然與田中一樣來自另一個平行世界，不禁擔心田中的安危，問道：「佢會唔會嚟搵田中？會唔會打算嚟再殺多次田中？」
 
「操你媽，與其擔心依啲小事，你不如擔心一啲更加嚴重嘅事。」
 
「依家嗰變態佬隨時會搵到嚟，佢嚟到依個世界已經殺咗四個人，佢一定打算再殺多田中一次，仲有咩事比依一件事仲緊要，唔通世界末日啊？」
 
「操你媽，正正就係世界末日，唔屬於依個世界嘅佢嚟到我地依一個世界，打亂咗原本依個世界嘅命數，佢嘅出現會令我地處身嘅依個世界存在住更多不可測嘅變數，甚至會將我地嘅世界推向滅亡。」




 
我聞言大怒，道：「你條仆街，你講乜撚嘢啊？田中只係一個好善良嘅女仔，佢又唔係嗰個殺人魔，佢點會導致世界末日。」
 
曹尼瑪無視我的憤怒，逕自道：「操你媽，維港出現一群藍鯨、廣東道有成千上萬嘅蝙蝠、仲有尖咀落雪，依啲咁反常嘅現象，會無端端出現？」
 
「穿鑿附會？依啲嘢咁啱得咁橋嘖，就算你將依啲嘢老屈田中，咁依啲嘢都係無傷大雅，唔會死人。」
 
「咁南沙群島、釣魚台、獨島嘅主權爭議，南北韓嘅衝突，依啲國與國之間嘅紛爭，只要其中一個國家沉唔住氣，發射咗一支導彈，引起嘅連鎖效應足以令依個世界滅亡。」
 
我罵道：「荒謬、無稽、低能、白痴，你神神化化係人面前除褲屙屎，我都忍你，你依家係到妖言惑眾，你再亂嗡廿四，我就同你提早開年。」




 
曹尼瑪瞧了我一眼，轉向田中道：「如果妳唔想世界末日，係邊度嚟就返去屬於妳嘅地方。」
 
我怒道：「你叫田中返去佢嗰個世界，但係佢係嗰個世界已經死咗，你要佢返去未即係叫佢去死。」
 
「無錯！」
 
聽到這裡，我再也沉不住氣，失去理智的我一腳重重踹中曹尼瑪的胸口，罵道：「痴線佬，你鳩嗡都有個限度，你去死啦！」
 
曹尼瑪撞向那堆滿載他的『研究成果』的盒子，弄得「周身屎」，他跌坐在地上，喊道：「妳叫田中美佐，我知妳知道我講乜架，如果妳唔想依個世界因為妳滅亡，妳就要返去屬於妳嘅世界，至於點返去？我相信妳已經知道離開嘅方法。」




 
我拉住精神恍惚的田中邊走邊數落道：「田中，妳唔好聽條傻佬嘅說話，佢索茄索上腦，係到鳩嗡，無料扮四條、欺世盜名、沽名釣譽，聽朝返工，我要屌鳩Kelvin，居然點我嚟聽個痴線佬亂講。」
 
我們乘車離去時，我看到田中仍舊呆呆出神，我握著她的手，柔聲道：「田中，我唔理妳係田中美佐又好、申韻淳又好；妳係依個世界嘅人又好，係來自另一個平行世界都好，我都係咁愛妳，以前係、依家係、將來都係，我地會一直幸福快樂，妳唔好亂諗嘢，走去做傻事，妳唔會令依個世界末日，但係妳就會令我世界末日，因為妳就係我嘅全世界。」
 
田中聞言現出笑靨，擁著我，緊緊地擁著我。
 
先前與曹尼瑪的對話是以廣東話來說的，而且他的說話內容極複雜，連我這地道的香港人也不能完全明白曹尼瑪的話，相信田中也只是對曹尼瑪的話一知半解，一切也只是我的多心，田中剛才的失神只是被曹尼瑪的瘋態嚇壞，並非她被對方的說話影響。



以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl