Chapter 88
 
「佢係嚟自另外一個平行世界。」
 
「依個女仔右手無掌紋,就已經證明咗佢唔屬於依個世界。」
 
「唔屬於依個世界嘅佢嚟到我地依一個世界,打亂咗原本依個世界嘅命數,佢嘅出現會令我地處身嘅依個世界存在住更多不可測嘅變數,甚至會將我地嘅世界推向滅亡。」
 
「如果唔想世界末日,妳係邊度嚟就返去屬於妳嘅地方。」
 




曹尼瑪的話不斷在我的耳邊迴盪,曹尼瑪神神化化的表現,理智告訴我不應該去相信;但我又禁不住承認他那天方夜譚的想法正好把這些不可能的線與點堆合成一個很接近真相的畫面。
 
我感到很煩惱,我希望有人可以給予我一些建議,第一個在我腦海浮現的臉孔是大舊,但我想到那位思想齷齪的雞蟲並不能對我提供任何有意義的建議;之後阿雄、小莉、圭司和Kelvin的臉容一一浮現,但統統被我否決,最後我想到Jude,還記得當初自卑的我沒有向田中表達我真正的感受,也是Jude把我罵醒,這次我遇到超出我所能承受的事情,我希望Jude也像上次那樣給予我一些意見。
 
我撥了Jude的電話號碼,我聽了兩片我不願讓你一個人的副歌,阿信才住口,我道:「喂,阿姐啊!」
 
電話另一邊有點異樣,傳來了兩把濃厚的呼吸聲,片晌才聽到Jude的聲音,道:「嗄、嗄,喂,阿帥啊?咩事啊?」
 
「阿姐,我同田中啱啱見咗曹尼瑪,佢話…」
 




Jude突然發出嚶嚀一聲,嗔道:「喂啊!唔好攪住,傾緊電話架。」
 
我嚇了一跳,未幾Kelvin的聲音響起,道:「老婆,都咁夜咯,唔好傾公事,依家係私人時間。」
 
從Jude與Kelvin的對話,我知道兩人正在做愛做的事;Peter朱講過阻住人扑嘢,死後會畀人燒春袋。
 
「阿姐,唔好意思,咁夜仲打電話嚟煩住妳,其實都無乜緊要事,遲啲先再講,掰掰。」
 
五分鐘後,手機響起,我接聽,彼端響起Jude的聲音:「喂,阿帥,仲乜打嚟又收線,我依家得閒啊,咩事?」
 




想到Kelvin極速在五分鐘內完事,我不禁莞爾了片刻,但很快沈鬱再度把我打敗,我道:「阿姐,其實田中已經死咗!」
 
Jude被我驚人的說話唬得啞口無言,好一會才道:「咩話?田中死咗?」
 
「佢係另一個平行世界已經被殺,佢嘅靈魂寄居係我地依個世界一位叫申韻淳嘅女仔身上。」
 
「阿帥,究竟係你High大咗,定我發緊夢,點解我唔明你講咩?」
 
於是我原原本本把見曹尼瑪的經過如實相告。
 
我話畢,Jude再度沈默,電話彼端傳來Kelvin的亢奮聲:「真不愧為香港第一智者,佢嘅解釋先可以將一切解釋。田中居然係另一個平行世界嘅人。」
 
Jude的聲音再度響起:「阿帥,我聽到依個消息,我好震驚,我無能力去質疑曹尼瑪嘅說話,佢係依方面嘅權威,但係我唔相信依個世界會因為田中嘅存在而世界末日,我對你嘅建議係戀愛只係你地兩個人之間嘅事,唔需要理會其他人;唔需要諗太多,你地只係需要諗你地係咪真係愛對方就夠。每一對情侶,佢地嘅路都唔係平坦,總係會有波折嘅,或者你地嘅波折係比別人多,但係只要你地真係真正愛對方就唔好放棄。」
 
真不愧為Jude,佢嘅說話令到我認清咗問題所在,我打電話嚟係無錯。




 
「仲有啊!阿帥,我驚田中個傻妹會亂諗嘢,嗰個曹尼瑪話世界會因為佢而滅亡,依句說話邊個聽到都唔好受,你要多啲陪佢、開解佢。」
 
「嗯,我會架喇。」
 
「好喇!無乜嘢就早啲抖,總之你多啲陪佢啦!」
 
「阿姐啊!」
 
「嗯,咩事?仲有嘢諗唔通?」
 
「多謝妳!」
 
「傻仔嚟嘅!你就係傻仔,田中就係傻妹,總之你地兩個打風都打唔甩架,你地結婚嗰時,我要做伴娘架。」
 




「吓?阿姐,但係妳已經結咗婚咯,唔可以做伴娘,只可以做姊妹。」
 
「哼,都好啊!」
 
每當我墜進五里霧時,Jude總會贈我金石良言。我花了不少時間開解田中,而田中眉宇之間的鬱結也漸解。


以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl