(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 100

Chapter 100
 
晚上八時正，我到達了仍未竣工的東涌醫院天台，微稀的街燈只能令我依稀辨別出天台的環境，一人西服煌然地居中而站，那個滿佈小孔的白色面具正與我對峙，這是對方以開膛手傑克的身份與我正式第一次見面。
 
獨自面對背負多條人命的變態殺人犯，我惴惴不安，我顫聲道：「媽…媽子呢？」
 
傑克扔下面具，然後一腳把面具踩成粉碎，道：「依個面具已經無作用，因為已經唔需要再掩飾啲咩！」
 
面具下的面孔是我的好朋友達輝，只不過那雙瞳仁現在綻放出黑漆漆的詭異光芒。
 




當殺人兇手在你面前露出真貌，那表示他已決意要殺了你。
 
「邢英帥，唔係，依一世我嘅角色係你細佬喎！我係咪應該叫你一聲哥哥？」
 
「媽子呢？你將佢點啊？」
 
「碟呢？我要嗰隻碟呢？」
 
我戒慎恐懼地從背包掏出光碟。
 




「拋過嚟畀我！」
 
我心跳加速，手心冒汗，只因我手上那隻光碟並不是那隻幻之第六作，但我根本遍尋不獲對方想要的東西，時間迫切下，我只好魚目混珠。
 
「我要先知道媽子係邊到？佢有冇事？」
 
「佢仲未死？」
 
這個答案未能滿足我，我勃然大怒：「就算你係傑克又好、阿俊又好、達輝又好，嗰個都係妳阿媽，你點可以咁對佢！」
 




傑克聞言，激動道：「一日最衰都係你，點解所有人都企晒係你嗰邊？我有咩比唔上你啊！點解係都揀你唔揀我？」
 
傑克瞧著我手上的光碟搖頭，然後怒道：「你手上嗰隻根本就唔係我要嘅嗰隻碟！」
 
我連忙辯道：「我唔係唔想畀你？而係我根本搵唔到嗰隻碟啊！」
 
「你玩我？」傑克大喝一聲以驚人的速度撲向我。
 
我們扭打作一團，孔武有力的傑克輕易將我制服，他左手握著明晃晃的手術刀抵住我頸項，他對著我獰笑：「殺咗你，我再慢慢搵隻碟，同你講我一早就睇你唔順眼，你條廢柴居然同我係連體嬰，係進行分割手術時，我地互相交換咗一部分靈魂，所以你會突然之間『睇到』我做緊嘅嘢、以前嘅記憶、我一啲嘅諗法，而我寄居係你身體上嘅一部分靈魂可以係一啲情況下操控你，原本嚟到依個平行世界，我諗住慢慢搵一個好啲嘅身份，好似林先生咁，當我打算轉身為佢嘅時候，你個好細佬邢英俊見你畀人當做殺人犯，於是佢以羅達輝嘅身份去殺咗楊萎停去幫你洗脫嫌疑。」
 
「你利用達輝去殺咗連淑珊？」
 
「唔單止佢，連同之前兩隻臭雞亦都係我利用羅達輝去殺，我控制你嚟醫院，除咗要搵一個人令自己製造當時嘅不在場證據，亦都係要取回返係你身上屬於我嘅靈魂，我先可以行動，而就係因為殺楊萎停嗰陣時，我畀施姑娘發現咗依個秘密，所以我要殺埋佢。」
 
想到阿俊為了幫我洗脫嫌疑而殺人，他雖然恨我，但他亦當我是兄弟。




 
這一刻身為哥哥的我只希望對弟弟說一番話，我道：「阿俊，我知道你憎我搶走晒你所有嘢，係你殺晒我之後，你將所有罪行推落我身上，你做返我嘅角色，去照顧媽子、同田中，我知道你一定會做得畀我好架！」
 
傑克聞言漆黑的瞳仁漸漸變回正常，他淌著淚，以正常的聲音道：「哥，點解你要嚟啊？傑克真係會殺咗你架！」
 
此時，一陣腳步聲由遠至近傳來，一群警員魚貫走進天台，其中一名警員喊道：「羅達輝，你涉嫌多宗謀殺案，依家正式拘捕你，你快啲放低武器同人質投降。」
 
那把蒼老沙啞的聲音再度響起，獰笑道：「邢英俊，你又畀人呃咗喇！你仲唔殺咗依位騙子。」
 
我沒有找警察，沒有報警，我只是把事情告訴了…對，報警的一定是Jude。

正當我打算申辯的時候，銀光一閃，傑克以左手握著右手的手腕，那把沙啞的聲音響起，吼道：「邢英俊，你做咩？」
 
阿俊的聲音響起，道：「傑克，我唔會再畀你利用架喇！我地一齊接受制裁啦！」
 




阿俊的身體不斷作出異常的舞動，情況就好似一些靈異電影裡，被鬼上身的角色奮力去與入侵身體的鬼魂角力，阿俊道：「阿哥，快啲走啊！」
 
警員們被阿俊的行為弄得摸不著頭腦，但他們見阿俊向外走遠，其中兩名警員連忙上前來把我拉回去他們那方。
 
那把蒼老的聲音響起道：「邢英俊，你要背叛我？你以為我無咗你唔得啊？你想死，我成全你。」
 
阿俊突然甩出一把手術刀，手術刀正中一名警員的手腕，警員痛極大喊，一眾警員不再警告，連忙開槍射擊。
 
呯、呯、呯！
 
我喊道：「唔好啊！」
 
身中多槍的阿俊砰然倒下，我掙脫拉著我的警員，走到混身是血的阿俊面前，抱著他、淌著淚喚道：「阿俊！阿俊！」
 
這一刻他並不是什麼冷血兇殘、惡名昭彰的開膛手傑克，他只是我的孿生弟弟邢英俊，我看到他出氣多入氣少的模樣，已知道他…是活不成的。









以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl