一次無心嘅表白，竟然令到佢同咗我一齊: 第三十章

=14px下晝4點半，係太子地鐵站嘅月台到，有條死毒撚坐咗係到，不停掃視附近嘅異性生物（多數係學生妹）。呢條死毒撚唔洗問都知係我啦，我哋原本約咗4點半係太子等，但係十分鐘前收到佢sms話有啲事做，要遲啲，於是我唯有坐低下啲小妹妹。

=14px不過一睇就睇咗兩粒鐘……期間有兩段說話梅花間竹係我耳邊重複。

「往油麻地列車現在到達，請先讓車上乘客落車……」

「往荃灣列車現在到達，請先讓車上乘客落車……」

仲要因為開始係繁忙時間，所以真係平均每45秒就重複一次，攪到嗰晚我幾乎發夢都聽到啲餘音係耳邊……



由於我自懂性開始已經接受唔少女性對我嘅遲到訓練，所以三、四十分鐘絕對唔係問題。問題係我足足等咗2粒鐘阿靜先出現。

我強忍住怒氣問：「做咩咁遲嘅？你唔係4點放咩？」

「sorry呀我俾啲同學捉咗去食嘢呀……」

「屌，sorry大撚哂呀？你唔撚識講你約咗我架？你咁撚大個人冇腦架，唔撚識say no嘅！」當然現實嘅我邊夠膽將呢番說話講出口吖……

「食咁耐架……你下次話有事走先吖麻……」毒撚永遠都係諗就凶狠……



「係啦係啦，sorry啦！咁我哋而家去邊呀？」阿靜用把好嬌嗲嘅聲線say sorry。

我相信大部分男性都唔會受得住女人嘅嗲功，而且女人嗲功嘅效度係同外貌成正比，所以……我已經唔記得咗原來我已經呆等咗2粒鐘……

「不如去奧海城行下吖。」

「你話事啦！」

不過所謂嘅行下，真係齋行，連window shopping都唔係。



阿靜行咗陣之後話：「記唔記得之前咪同你講過我以前同過啲fd去過條石橋，行出去海中心好好玩嘅？」

「你而家想去？」

「係呀，行咯。」

見到我轉身去地鐵站方向，阿靜即刻扯返我返轉頭：「做咩呀，呢邊呀。」佢指向一棟棟私人住宅嘅方向。

唔係入人哋啲私人地方咁激呀……

同阿靜出咗幾次街，終於有一次係佢帶路。其實男人都幾鍾意女仔做主動架，刺激好多架！我指去一啲未去過嘅地方，由女仔帶路，一無所知嘅感覺刺激好多呀！

行咗大約十幾分鐘，終於去到阿靜所講嘅「石橋」。點知原來只係防波堤，一望之下真係有種中伏嘅感覺……

「不如行上去咯！」



雖然「石橋」上有好多人，但望住石與石之間嘅空隙，總係覺得我一唔小心就會跌落個海到，中途仲可能有俾啲石鑿爆頭骨嘅危險……

「唔好啦，你著裙呀，咁危險，下次先啦！」

「好啦。」

於是我哋只係由海輝道公（花）園行到去油麻地避風塘，就咁睇好似係兩個地方，但事實上只要由個公（花）園向右轉就已經地方名都改埋。如果講詳細啲，就係2013年，大角咀冷血仔殺雙親碎屍嘅其中一個棄屍現場。亦都係因為呢單案攪到我同阿靜其中一個最值得記念嘅地方都唔敢再去……

沿途所見嘅花槽邊都有唔少情侶，互相依偎而坐。行到差唔多，我哋都坐咗係石櫈到，一邊欣賞住一望無際嘅海景，一邊享受住難得冇強國人噪音騷擾嘅寧靜，一邊感受住秋風嘅輕撫……

坐咗一陣，我哋不自覺咁又擁吻起上嚟。一個路人都冇嘅海邊，一對相愛嘅情侶係到擁吻，此情此境原本係好浪漫。

但當擁吻嘅對象係一條毒撚同個靚女嗰陣……我自己都覺得係我強吻緊呢位小姐……



就係我哋熱吻途中，一場雨打斷咗我哋……

《愛你，係想你可以每分每秒都陪伴在旁，困難再多都可以共你攜手跨過……》

][/url][/img][/url]