一次無心嘅表白，竟然令到佢同咗我一齊: 第三十九章

係阿靜食埋藥之後，我又推咗阿靜返房瞓。

「食完又瞓瞓醒就食，豬咩而家！」阿靜抗議道。

「邊個叫你病啫！」

「唔得呀，我肥咗好多呀！」阿靜邊講邊將肚啲肉用手擠出嚟。

其實各位女性，如果你係地球人呢，咁你嘅肚係會有幾樣嘢構成個立體架，皮同骨之間除咗脂肪係仲有肉架好冇？如果24吋腰同我講好肥，咁請問係咪已經化成一堆白骨嘅死屍先夠瘦同靚呢？



「邊係呢，肥咗咪仲好，永遠留係我身邊！」

「我先唔要呀！真係肥咗好多呀，唔信度下啦！」

我又真係拎咗把尺出嚟幫阿靜度…

「24.5咋喎…咁都叫肥？咁我拎得去人道毁滅啦！」

「足足肥咗0.5吋呀！！！」頂你下次參加完饑饉三十先度啦！



「唉，你病呀，乖啦，最多陪你瞓啦…」

「你話架！」最後真係連我都要入返暖爐入面…

但頭先嘅阿靜已經令到我集中唔到精神瞓覺，好悲哀咁打開眼瞓咗兩粒鐘。而家攬住佢，feel到佢個肚對上冇哂阻隔就更加難怪我思考系統充血吖…

而家著住黑色衫嘅阿靜就更加突顯出魔鬼散發出嘅魅力，而我就只可以更加努力去訓練定力…

大概過咗半個鐘，我偷偷地離開咗張床，走埋去電腦前，光明正大咁打…信長。



不過世事有時真係好神奇，正常一場信長平均一粒鐘完場，我打咗兩粒鐘…而阿靜亦都瞓醒咗。佢行出嚟見到我打緊機喎陣，我驚嚇程度幾乎同俾阿媽見到我打飛機一樣…

但阿靜乜聲都冇出，行咗埋嚟，打橫咁坐咁上我大髀，然後再雙手捉住我左手手臂，背脊就挨咗落右手，坐姿有啲似坐緊過山車咁。其實稍為有打過下機嘅人都知，左手控鍵盤，右手控滑鼠，再配合返咁上下靈活先打到機架啦，但阿靜咁做真係仲慘過唔俾我打…加上呢隻魔鬼依然都仲係得件黑色裇衫，仲打機嘅都真係唔係男人嚟啦。

於是我冒住俾啲隊友屌哂祖宗十八代嘅危險，將阿靜抱入房（唔排除阿靜中途啲手手腳腳同個頭都撞返十幾廿下啦）。

我將阿靜拋落張床，然後再爬上張床，騎住佢話：「做咩咁曳阻住我呀！」

阿靜用把好嬌嗲嘅聲線話：「你想點呀！」

劇情去到呢到，如果仲係乜都唔做，唔好話讀者屌鳩我啦，阿強都同我斷絕關係啦！我將個頭慢慢伸向阿靜，先係一輪熱吻，然後雙手不安分咁由條小蠻腰伸去解開件衫…解哂所有鈕之後，阿靜白晢嘅玉體一覽無遺咁映入我眼簾。

而阿靜可能因為第一次俾人睇哂全相嘅關係，雙手下意識遮住私人部位，但咁樣嘅動作反而更加誘惑。我雙眼貪婪咁掃視阿靜全身，呼吸都變得急速。

「望完未啫衰人！」



於是我個頭就繼續同阿靜熱吻，隻手就係阿靜身上遊走。

係經過一輪前戲，準備探索人類起源嘅最終奧秘嗰陣，我遇到一個好重大嘅問題…

搵唔到點入……

「呢到？」「唔係呀…」「呢到？」「上啲…」「呢到？」「落啲…」「呢到？」「唔知呀…」「呢到？」「呢到…後面嚟架…」

如是者，我搵咗5分鐘至50分鐘不等，最後放棄咗…

「傻瓜！！！！」

挑，我廢時你痛咋麻！你估我真係搵唔到咩！挑！



係張床玩到成身汗嘅我哋，一齊去咗沖涼。不過係浴室入面，我真係好乖，剩係幫阿靜搽沐浴露…

「衰人！啲沐浴露剩係搽一個位架咋咩！！」阿靜講呢句嗰陣我的確係搽緊佢個胸部，之但係沖涼吖麻，梗係要沖乾淨啲啦，係咪先！

沖完之後，阿靜著返佢自己原本嘅衫，之後我送咗佢返屋企。經過成日嘅休息，阿靜睇落已經冇乜事，至少唔似得朝早咁講句嘢都漏口咁款，所以話，做運動出身汗真係易好返好多架！

《離別後最難帶走嘅，係身體上嘅回憶……》