《真實實景生存遊戲》繼VR後最真實之遊戲體驗: 同伴？

我興奮咁向前跑入森林，感覺跑步速度比起現實快好多好多，好快我就入到森林入面。

「前面有火光嘅？應該有其他玩家！」我心諗

我行向前面嘅地方，見到一個身材高大嘅身影。

我:「Hi!!你好呀，請問...」佢打斷左我嘅問題。

佢:「我叫呀文，玩左差唔多兩個鐘，頭先揾到水源同成功生火，而家升左1Lv,點叫你？」





「我叫呀俊！多多指教！ 係呢，呀文你仲有冇見到其他玩家？多啲人玩開心啲！」

呀文：「冇，其他人應該係其他地方開始，你有咩物資？有冇食物？」

「冇呀，我啱啱先入黎，一齊揾野食？」
呀文答應後，我地就一齊周圍揾其他物資同食物。
我地行左去一個湖，淺水嘅地方好明顯有啲魚遊下遊下，現實中嘅我麻麻地食魚，不過打機就冇所謂啦。我地好容易就用手捉到幾條魚。

擭得物品-生魚 背包彈岀提示
「哇！咁專業嘅！下下有提示？」




呀文：「之後冇架喇，玩玩下就冇，因為你仲係1Lv，我頭先執到火石嗰時都有，而家捉到魚都冇提示喇。」
「原來係咁，咁我地一齊返去個火到燒魚食啦喂，好肚餓呀！」
呀文：「ok」
我心入面總係覺得呀文好冷酷，唔知可唔可靠呢？不過新手都要睇下其他玩家點玩先，雖然佢只係高我1Lv...