《真實實景生存遊戲》繼VR後最真實之遊戲體驗: 神秘玩家嘅襲擊

我地好快就食哂頭先捉返黎嘅魚，未有計劃嘅我地就開始傾下計。

「呀文，頭先我太心急，乜都冇睇就入左Game，呢個世界有冇乜要注意？」

文「下！？乜都唔知？死左都唔知咩事，同你講，係呢個世界入面死左，就返唔到現實世界，唔好以為食下魚揾下玩家吹水就當自己玩緊生存遊戲。」

「下？咁大鑊？咁我地...」說話未完，我地俾三個未結識嘅玩家包圍，佢地眼神不懷好意。

神秘玩家異口同聲：「喂！你兩個交哂啲物資岀黎，否則我地就岀手！」





即係打劫？ 我心諗

文：「我都係新手，唔會俾任何野你地，如果要搶，我地只好岀手！」

三人冇俾呀文嘅説話動搖，擺岀戰鬥格跑向我同呀文。

「PVP模式開始」頭頂又岀現提示。

三人開始岀拳，我情急之下只好向住佢地亂咁岀拳。





竟然，我一次打中三人，佢地一次過倒地，估唔到我輕輕一拳就收哂佢地皮...
留意返佢地三個，有兩個係3Lv玩家，有一個係4Lv玩家。

「頭先戰鬥嗰時留意到，估唔到你1Lv戰鬥力就已經係C+級！比我仲高幾級」呀文驚訝地說道

「下？原來有分啲咁嘅野？生存遊戲咋喎？攞命咩？佢地三個會點架？」

「其實戰鬥力有分E,D-,D,D+如此類推，最高去到S級，我只係D級，仲有，佢地只係暈左，15分鐘後就會醒返，唔洗擔心，呢刻起我地正式合作！」呀文伸手岀黎示意握手

「好！多多指教！」我都伸手表示友好。雖然而家算係多個朋友，但係呀文好似比我想像中知更多野，不過無論如何多個自己友好過多個麻煩友。





「我地攞走嗰三條友嘅物資，快啲離開呢度」呀文說道
火石、木頭、水樽、低級回復植物、破損的木劍 我地攞哂呢啲物資之後就決定離開呢度。

「等級提升+2+3+4 等級4」頭上等級連跳幾下，當唐嚇左我一跳
呀文亦都同時升級到4Lv

之後我地就正式開始進入森林深處，各種危險等住我地，遊戲而家先真正開始。