〔100%FF〕我愛上樓下個女仔: 四

「你醒咗就搵返我啦」１０：２６ 

「做咩呀？」我回覆她 

「睇吓你死得未啫」 

「咁惡毒嘅你…」 

「點呀，醉醒咗覺唔覺頭暈呀？」 



「而家冇乜嘢囉」 

「咁就好喇」 

「咁，當我還返個人情比你啦，不過你仲差我一個人情」 

「邊到嚟兩個呀？」 

「我幫你無償補習喎」 



「又唔係我話要補習嘅」 

「唔理，照入你數」 

「乜你份人咁嘅」 

和她聊了一會兒，我便到了樓下吃飯 

整天都無所事事的，吃過飯回家後只好再睡覺打發時間 



當我睡得正熟時，我的電話響起 

原來已經睡到七時了，而打電話的人是阿寧 

「喂？做咩呀大小姐？」我說 

「乜你唔喺屋企咩？」她反問我

「喺呀，做咩呀？」 

「咁又唔開門嘅」 

「等等」 

我打開家門後，原來阿寧站在門口 



「大佬，等咗好耐喇」 

「Sorry，訓著咗，搵我做咩呀？」 

「落去食飯囉」 

「點解搵埋我嘅？」 

「唔係呀？你同我屋企人去哂旅行喎」 

我媽在離開之前那天好像有說過阿寧的爸爸出埠回來 

所以他們兩家人是一起去 



「唔記得咗啫」我解釋 

「咁行得未呀大少？」她問我 

「等陣，等我換埋衫先，你入嚟坐吓」 

當我換好衣服出來後，發現她正在看電視櫃上面我的照片 

「好得意呢？」我問 

「你嚟架？」她好像十分驚訝 

「睇唔出呀？話哂都十幾年」 

「你呢個時候我應該出咗世啦」



我看看那張照片，是我爸和阿寧爸還有我們兩兄弟去釣魚 

那個時侯我應該八歲了 

對了，既然我都見過阿寧父母，怎麼會最近才認識阿寧呢？ 

「係喎，你其實以前有冇見過我？」 

「有，點會冇見過你」 

「咁點解…我又未見過你咁嘅？」 

假設我小學的時候，和她上幼稚園的時間不一樣，那當然未見過她 



又例如我中學的時候，即使和她下課時間也許不一樣，那麼上課時間都應該見過吧… 

吃過飯時我們一直討論這話題,她一直說她坐升降機時，放學時或其他場合見過我，但我都毫無印象 

於是吃過飯後我便到她家看一下她的相簿 

「嘩你以前同而家差咁遠嘅？」我萬分驚訝 

原來阿寧中學以前是一個肥妹，後來減肥才變成現在這樣 

「點解個個都係咁講架…」看來不只是我一個人看過她的陳年舊照 

「咁真係差好遠吖嘛」我完全沒想到照片中的人是現在坐我旁邊的人 

當我看過照片後我好像對她有點印象了，但以前未正式打過招呼 

雖然我和很多高登仔一樣，都不太喜歡「肥婆」 

但是的確很多女生瘦下來後都變得十分漂亮，坐我旁邊的就是活生生的例子 

「以前小學成日比人話我肥，之後青春期開始自尊心強咗，小六升中一就瘦咗落嚟，好多人睇過我以前啲相都覺得好震驚」阿寧說

「咁當中一定包括我啦」 

「點止呀，你直頭係最大反應嗰個啦」 

「咁你男朋友睇過呢啲相未呀？」 

「假設你有啲黑歷史呀，你會唔會想比你女朋友知吖？」 

「會呀，大家坦誠相對有咩唔好呀？」 

「你會咋，我唔會呀」 

「第時你同佢結婚咪又係要比佢知」 

「咁…咁到時先算啦」 

她放起相簿，不讓我繼續看 

這樣一來，除了醉酒那一次外，我又捉到她的另一個把柄了 

「係喎，既然你都落咗嚟，順便教埋我做功課吖」她說 

「你真係駛人唔駛本架喎…」 

「做得我補習老師，係辛苦少少架喇」 

雖然說是教她做功課，但更多的其實是和她在閒聊 

每次都是這樣，我真的開始有點擔心她快要面對的考試 

第二天早上我再次上班，因為昨天沒上班，所以有點擔心工作堆積了待我處理 

這天除了待在辦公室外，還要到荃灣的客戶的公司談合作，這是我第一次離開新公司和客戶開會 

但交通方面是個問題，因為我和Mary都沒車牌，所以即使有公司車輛都沒有辦法開，看來除了電單車牌照，我還要多考個車牌了

話說我的電話也有點壞了，正好也想換新的，所以星期六下班時便到了又一城 

當我準備回家進了地鐵站下扶手電梯後時，正好看到一個熟悉的身影 

我馬上跑過去拉住那個人的手臂，因為我認出來她阿晴 

她轉過身的時候看見是我感到十分驚訝 

「Eric…點解你會喺到嘅？」她問 

「頭先去咗買手機囉，你…收工喇？」 

「嗯…係呀」 

自從那天之後她再沒找過我，而且面對面對望著的我們也十分尷尬 

「上次件事，對唔係呀，提起咗啲傷心事」我首先開口 

「唔緊要，係我太情緒化啫」 

其實那天沒有說誰對誰錯，那件事也不是對錯的問題吧 

「你好返啲未呀，仲有冇唔舒服呀」 

雖然我知道那天她為了離開才編藉口，但我卻不打算拆穿她 

「返去食咗藥，好返好多喇」 

「咁…咁就好喇」我找不到話題接下去 

「我趕住返屋企，屋企人等緊我出去食飯」 

「哦，咁好啦，咁再聯絡啦」 

阿晴應該又是在找藉口離開吧 

唉，我真傻，無緣無故就去拉住她

自認識阿寧後快兩個月了，而補習的進度卻比烏龜還要慢 

所以我下定決心在晚上一定要教她數學而不能再和她聊天了 

我和她各自吃完飯後我就到她家補習 

「你幾時考校內試呀？」我問 

「下兩個星期一囉」 

「咁快？你又冇提過嘅？」 

「我唔記得咗講啫」 

「咁唔得喎，咁我地要快啲開始認真溫書先得喇」 

「唔緊要啦，反正我考咁多年都係天才波」 

「咩唔緊要呀，你又唔好好地溫書，就算你校內試可以考天才波，你咁嘅態度落去就算到咗DSE你都唔會認真架啦」 

「你突然咁惡做咩喎」阿寧看到我這個樣子好像有點吃驚 

「對唔住呀，激動咗少少」我可能是因為剛剛碰見阿晴後心情有點變差 

但是這卻讓一向不專心的阿寧認真的開始做起數學來 

她似乎是怕了我，連說話都開始變得恭敬起來而不像平日的她 

在這尷尬的氣氛中我幫補到了十二時半，總算是追回一點進度 

她送我出門口時也沒有說再見，那就說明了她覺得今天的我十分陌生 

唉，沒想到一天之內竟然會和兩個女生接觸而又搞得尷尷尬尬的 

看來我真的要練習一下如何和女生相處 

要不然身邊應該再沒有女生朋友了

在凌晨三時我正熟睡著，我的家人終於回到家中 

這樣一來便不用每天晚上都跟阿寧吃茶記，可以吃一些住家飯了 

我的家人在將行李的東西拿出來，雖然很嘈吵 

但是我翌日要早起考電單車的路試，所以也沒出客廳迎接他們 

由於是第一次正式路試而不是練習，所以我一直都戰戰兢兢的 

考完後回家的路上，我一直掙扎著要不要和阿寧阿晴道歉 

結果還是下定決心打電話給她們 

「喂？」電話另一邊傳來女生的聲音 

「喂，阿晴呀？」我先打給阿晴 

「嗯…做咩呀」 

「對唔住呀，我知嗰日講咗啲嘢勾起你啲傷心事」同樣的說話在昨天也大概說過一次「不過我真係因為你講先知道麥欣欣啲事咋」 

「唔緊要啦，不知者不罪，我原諒你」我聽出來她有點哽咽 

「你肯原諒我就夠喇」 

接著靜了幾秒，我們兩人都沒有說話 

「咁…作為補償，你下星期日帶我去迪士尼啦」她說 

「哦好呀，咁詳細嘅你再同我講啦」 

「好吖」 

「嗯，bybye」 

總算是搞定了一個，還有另一句對不起

接著我致電給阿寧，但是卻轉駁到留言信箱了 

「阿寧，對唔住呀，尋日我嘅語氣係重咗少少，因為有啲私事影響到我心情，不過我真係希望你可以認真聽吓，唔係成日玩玩吓咁，始終文憑試得一次，除非你重讀啦，所以我係真心為你好，希望你原諒我啦」 

我不直接whatsapp而打電話是因為覺得有些事情用嘴巴說出來比較好 

但面對面說又有點尷尬，而且既然有留言信箱了也不用開whatsapp來錄音 

過了一會兒，她才whatsapp給我 

「做乜突然講啲咁嘅嘢呀？」 

「良心發現囉」我跟她開一下玩笑 

「不過你尋日鬧我都鬧得啱嘅」 

「咁你知道就要比啲心機考好個校內試啦」 

「咁就要靠你多啲幫我補習喇」 

「除咗返工時間隨時得閒」 

「你話架，下次打電話叫你落嚟教我要隨傳隨到呀」 

「嗯」我以簡單直接的一個「嗯」來終結這話題 

終於我跟兩個女生的關係都恢復正常了 

而且電單車那方面我也趁這天去買了，給了訂金 

而且我是聽取了阿寧的意見買那款電單車 

公司的一宗頗大交易也在昨天下班前搞定了 

現在的我可以說是事事順利了吧

奈何現實並不如此 

我誇下海口對阿寧說隨時都能幫她補習 

結果星期一到五的晚上我都被她「奪命追魂call」下去幫她補習 

害我每天晚上都要一點才能回家睡覺 

有一天怎至回到家吃過飯後就要下去，忘記了洗澡 

「大佬呀，我話隨時啫，唔係日日架」我對她抱怨 

「對唔住囉，不過你都想我考好佢架？」 

「係啫，都唔駛一至五都幫你補下話，今日星期六就話啫」 

「唔緊要啦，你唔會介意嘅，嘻嘻」 

「唉，真係冇你扶」 

「咁你聽日都得閒架可？」 

「聽日唔得喎，已經約咗人」 

「咁就啱喇，我都約咗人」 

「同阿俊去邊呀？」 

「唔話比你聽喎」 

「唓，好恨知咩」 

「咁你又問」 

雖然我在幫阿寧補習，但是我的心已經到了迪士尼 

補到兩點後我才回家，為防翌日會遲到我還特意調較多幾個鬧鐘

「嘩，呢到同東京迪士尼有啲唔同喎」我記得日本那個比香港還小 

「政府比咁多錢落去如果都同日本一樣咁就…」 

「行囉」她在我未說完便拉著我的手進去 

阿晴表情就像小孩一樣興奮 

這是她第一次拖著我的手，那是說她已經放低往事了嗎？ 

星期天的強國人特別多，導致每個機動遊戲都要排好久 

幸好有些是在室內排隊的，有空調的地方簡直是天堂 

而且那個小小世界更是極樂天堂，雖然每個人偶看起來都十分詭異 

另外那些騙大陸遊客的食物貴得離譜，要不是阿晴說肚子餓我才不會買 

終於來到關閉前不久，樂團內預告會放煙花 

而阿晴則拉我坐一次旋轉木馬 

「今日好多謝你帶我嚟玩呀」 

「你開心就夠喇」正好機器開動了，音樂蓋過我的聲音 

「你講緊咩呀？」她大聲了點說 

「冇嘢喇」我大叫 

最後我們兩人就站到城堡前看煙花 

看著她的笑容，就讓我想到中學時大家一起玩一起笑的時候 

當時她的笑容就和這剎那一樣真摰，我很幸運能和她渡過這些時光 

即使以後我沒和她一起，我也應該要心存感激了

在離開迪士尼後，因為我們只吃了中午那一頓，所以便回到旺角吃飯 

幸好回到市區已經算很晚，很多餐廳的人都不是很多 

所以我們去那間餐廳連位都不用等便能進去了 

「迪士尼去過喇，咁下次去邊到好呀？」阿晴問 

「去埋另一個主題樂園囉」 

我是說香港另一個最多強國人聚集的地方 

「都好喎，咁幾時去呀？」 

「不如唔好星期日啦，你見今日咁多人」 

「吓，但係我怕你唔得閒喎」 

「我搵一日請假陪你去玩咪得囉」 

「係咪真架？」 

「係呀我請到假再約你囉」 

「咁勾手指尾囉」 

我和她勾過手指，就代表我會遵守承諾 

雖然我平常也是一個不太說謊的人 

這個星期天的氣氛和上個星期天不同 

我們兩人和樂融融的在聊天，而且我一直都在提醒自己不要說到以前的事 

因為我怕她又再次想起麥欣欣 

雖然這件事我一直不說，但未來可能還會面對

「我返嚟喇」 

我打開門後說，但是家中卻一個人都沒有，而且還關了燈 

我看一下手錶，原來送阿晴坐地鐵前在月台一直聊天聊了一段時間 

結果回到家已經是十二時半，那就代表家人都睡了吧 

我打算不開燈，悄悄地走回房間 

突然我爸拿著一個點了蠟燭的蛋糕從自己房間走了出來 

接著我背後則傳來生日歌的歌聲 

這時我才想起這天是我的生日 

「吹蠟燭啦」我媽說 

我吹了一口氣將蠟燭吹滅，然後家中便打開了燈 

在我的眼睛適應了光線後，我看看身後的人 

是德頌和一個我未見過的女生，應該是她女朋友mimi 

還有阿寧她們一家人 

我哥強行將生日帽戴到我頭上，然後叫我分蛋糕給大家 

在大家慶祝過後，便開始各自聊起天來 

我和我哥跟德頌和她女朋友聊天 

「條女係咪好正先」德頌趁他的女伴上洗手間時跟我們炫耀 

「Hi，直情係一流啦」我哥說 

因為德頌以前常來我家玩電玩，所以我們一家人都認識他

他也常常自稱是我媽的第三個小孩，哄得我媽十分高興 

在那女生回來後，他們便將對話內容十百八十度轉變 

繼續他女伴離開前的話題，因為我看到這情況忍不住笑 

所以便藉口說拿飲料離開案發現場，以防他們被拆穿 

正好到冰箱附近時看到冰箱打開了，而且有人跪下來拿東西 

所以我便偷偷看一下是誰，原來是阿寧，於是我便決定捉弄她一下 

我把冰箱的門悄悄關上來夾住她 

接著便對她說「有賊呀，捉賊呀」 

她抬頭一看，發現是我 

「小學雞」她對我說 

「哈哈，比小學雞玩到」我反駁她 

我把門拉開，好讓她出來 

她站了起來後拋了一罐可樂給我 

「接到喎，幾勁喎」她稱讚我 

「緊係，以前個個都叫我學界林源三」是未出過場的林源三 

結果當我把可樂打開時，裡面的可樂噴了出來 

「嘻嘻，本來想拎過去比你，點知你自投羅網」 

我用衣袖擦去臉上的可樂，原來我還是棋差一著呀 

「你先係小學雞囉好冇」我對她說

「哈哈，比小學雞玩到」她原封不動的把整句還給我 

「又話今日要出街嘅？」 

「呃你啫，唔係嘅話呢個驚喜點會成功呀」 

「咁你又知我生日嘅？」 

「呢樣又唔係我安排架喎，係我地屋企人旅行嗰陣搞架喎」 

「咁即係德頌都係佢地叫架啦」 

「哦，原來嗰個哥哥叫德頌呀？上次你醉酒咪佢放低你比我架囉」 

「我緊係知啦，佢陪我飲架嘛」 

「係喎，你好似冇同我講點解你嗰次飲到咁醉喎」 

「係咩，哦」 

「咁就算？唔講架？」 

「講，不過下次講」 

既然我和阿晴都和好了，那麼那件事當作沒發生過不就好了嗎 

雖然我努力地不想記起，但當我想到下次我跟阿晴表白時 

她再用同樣的說話來拒絕我的話我應該如何應對 

算了，還是先看看情況，待我確定好她的心意後才跟她表白吧 

我一直這樣的自己安慰，但是我一直幻想著以後真的發生了該怎樣 

畢竟過了快十年她還一直記著 

要她忘記應該是一件很難的事