〔100%FF〕我愛上樓下個女仔: 十五

我走到同樣的位置拿起上次看中那雙鞋 

然後隨便找了個店員跟他說要一雙36號 

要是買35號我怕阿寧會覺得太緊會不舒服 

他看了一下號碼後便用對講機叫另一個店員從倉把鞋拿出來 



「先生，又係你呀？」把鞋拿給我的是上次那個店員 

「係呀...」 

「你對36呀，你慢慢揀，我做嘢先」 

說完他便又回到鞋倉 

我把鞋盒打開，確認一下是36號便帶同那雙鞋去付錢 

「等我收錢吖」那個上次的店員走到收銀機前對一個女店員說 

他把barcode 掃描一次後不知在電腦按甚麼 



「終於知女朋友幾多號鞋喇？」他對我說 

「係呀...不過唔係送比女朋友...」 

「哦，多謝你699吖」他好像又沒把我的說話聽進耳 

我付了錢，他找續1元和用膠袋把鞋袋起 

「咁希望你送完對鞋之後個女仔會成為你女朋友啦」他一邊把袋子交給我一邊說 

但我買鞋的目的可不是「溝女」呀... 

我拿過袋子後只對他微笑一下便走了

我把鞋放到我哥車子的車尾箱，接著再空手回家 

我怕把鞋拿回家被家人發現會以為我正在和不知道誰在交往 

「咁夜嘅？」我媽問 

「今日忙，留咗飯比我呀可？」 

「有呀，怕你未食飯吖嘛」她一邊看著一台獨大的節目一邊答我 

「咁我沖個涼先喇」我走回房間 

把背包除下，錢包和電話等放到電腦桌上 

接著便拿更換的衣服拿出來放到肩上 

則走出房門電話就響起來 

「十一點幾喇，仲未落嚟嘅？」不用說都知是誰打來 

「我啱啱先返到屋企咋...」 

「咁晏？搞咩嚟呀？」 

「我一陣落去先話你聽啦，我沖涼食飯就落嚟喇」 

「咁你慢慢啦，唔急喎」然後她沒說甚麼便掛了電話 

這樣的行為是指她生氣了還是純粹普通地掛電話？ 

我不知道但又不想猜測，只想盡快洗個澡來洗走疲勞

我一邊洗澡一邊想著要說甚麼來送那雙鞋給阿寧才不會令她誤會 

最後決定還是照直說希望她能考好才買來用作鼓勵她 

洗好澡把頭擦乾以後準備吃飯 

這時我爸則好回來，而且身上都是汗水 

「阿哥呢？佢唔係同你一齊跑步咩？」我問 

「佢唔知要拎咩，所以今日冇同我跑呀」 

說完我爸便急忙拿了衣服去洗澡 

我也急忙地吃完便回到房間拿電話、錢包和鑰匙 

我乘搭升降機到了地下才打電話給阿寧 

「喂，捨得落嚟未呀...」她說 

「呢句而家係我要講呀」 

「吓？」 

「記唔記得個公園呀？」 

「點會唔記得呀...」 

「去公園吖，我喺嗰到等你」 

因為停車場和公園只有一街之隔 

所以我拿到鞋才走過去公園應該比阿寧還快

「落去做咩呀？」她好像覺得我很可疑 

「總之你落嚟就啱架喇」 

「懶神秘」說完她又掛了電話 

不知道這樣她會不會下來 

要是不來的話恐怕要自己坐著吃風了 

當我到了停車場的時候，才發現我哥的車子不見了 

我以為自己記錯樓層，所以上了一層又下了一層 

但是車子還是憑空消失了... 

於是我便打電話給我哥 

「喂？」電話另一邊傳來我哥的聲音 

「你架車唔見咗呀...」 

「你講緊乜嘢呀？」 

「車呀，車，car」 

「點會唔見呀，我而家仲揸緊」 

「咁你開緊車又聽到電話嘅？」 

「有藍芽呢樣嘢架嘛醒目仔」 

「咁...咁你揸架車去邊呀？」 

「我托個朋友訂咗箱紅酒，佢叫我而家去拎咋嘛」 

「咁你開走架車又唔同我講？」

「阿細佬呀，聽講架車好似係我架喎...」我哥說 

「咁...咁而家點算呀？」 

「咩點算呀？你而家急住用車咩？」 

「唔係呀，唉算喇，講你都唔明」 

「你唔講我又點...」我掛了電話 

接著便慢慢地走到公園，幸好阿寧還未到 

我坐在韆鞦那邊等她 

我看著手機在想有可以找甚麼理由解釋叫她下來的原因 

然後便有人拍了拍我的肩膀 

我抬頭一看發現是通宵當值那看更 

「方生，做咩坐喺到嘅？」他問 

「等人啫...」 

「哦...你好似好悶悶不樂咁嘅？」 

「好大獲，不過唔知點同你解釋」 

「哦，咁你慢慢坐喇，我要返去準備交更」他準備離去 

「唔好行住」 

「咩事呀？」他轉回來看著我 

「冇，我見好似識你咁耐，都唔知你叫咩名，好奇想問吓啫」 

「哦，你叫我旺仔得喇」

這時阿寧正好想到看到我們 

旺仔指著我們兩個，然後點了點頭 

「咁我走先喇方生」他說完便加速離去 

我本來想向他解釋不是他想的那樣，但是他已經一縷煙的走了 

「方哥哥，你又話同佢唔熟嘅？」阿寧問 

「係呀...」 

「咁你兩個又會喺到傾計嘅？」 

「咁啱撞到啫，佢咪拗水吹囉」 

「哦...係呢，你叫我落嚟做咩呀？」 

糟了，忘記了我在想藉口 

「冇...想搵你陪我食個老麥啫...」 

「你唔係啱啱先食完飯沖完涼咩？」 

「食...食杯雪糕都得掛」 

「唓，你嗰次又話食雪糕幼稚？」她站了走開 

「去邊呀？」 

「M記吖嘛」她回頭對我說 

我也急忙的站起來跟著她

到了老麥，我點了個蘋果批，因為我還是對雪糕興趣不大 

阿寧點了個雙層的新地，而且這次還由她付錢 

「乜咁破費呀？」我說 

「少少錢啫，不過你要還架喎」 

「點還呀？」 

「請我食餐好嘢囉」 

螢幕的數字到了我們後便拿餐，我只是把食物拿走 

「做咩呀你？」她問 

「邊行返去邊食囉」我把手上的新地遞給她 

一路上我都對鞋的事隻字不提，也在想怎樣把鞋送給她 

「不如今晚唔補一日囉？」我問 

「點解呀？」 

「因為返工好攰，而家已經開始有啲眼訓」 

「做補習老師做到仲懶過學生都有嘅？」 

「唔緊要啦，反正聽日我地去圖書館」 

「係喎，你唔講都唔記得添，你想幾點喺圖書館等呀？」 

「中午打後？」 

「駛唔駛訓到咁晏呀...」

「咁你想幾點吖？」我一邊輸入密碼一邊問 

「十點囉，啱啱好人地開館時間」 

「咁你都決定咗你仲問我...」我拉開大閘讓她進去 

「嘻嘻」 

我們走進去後便看到旺仔 

阿寧吃著新地等升降機，而我則看著旺仔 

他對我「戚」了一下眉，還舉起了姆指 

我很想走過去跟他解釋，但正好升降機到了，我被阿寧拉了進去 

這天晚上我睡不著覺，在想著鞋和向旺仔解釋的事情 

當我入睡後我隱約聽到有人把東西放到我的電腦桌上 

但是我沒起來看是誰迷迷糊糊的又昏睡過去 

「如果想開心為甚麼...」我接了電話 

「喂？」我一副還未睡醒的口吻 

「你仲訓緊呀？我出門口喇」說話的是阿寧 

我看一看時間，原來已是九時四十五 

「唔緊要啦，你咪去住自己溫先囉」 

「咁冇時間觀念架...」 

「唔記得set鬧鐘啫，一陣我出門口再打比你啦」 

「哦，快啲喎」她不知第幾次掛我電話了

我在床上坐了起來，眼睛還未能完全張開 

我看到電腦桌上多了一件物件，然後又倒在床上看著天花板 

突然我才意識到電腦桌上是那雙鞋的袋子 

我急忙把袋子拿到床上確認一下，還好是完整無缺 

我哥正好經過我的房門，我便站下床和走到外面把他叫停 

「你又知我搵緊對鞋嘅？」我問 

他穿好了鞋，好像要外出 

「你尋晚打哂電話又唔講咩事，靜係講架車，傻嘅都估到啦」 

「你冇理由咁醒架喎...」 

「係我放紅酒喺車尾箱嗰陣先知咋，男人老狗著女裝鞋，仲要擺個袋喺我車尾」 

「又嗰係我著...」 

「求其啦，你買比邊條女都唔關我事架啦」 

「緊係啦，又唔係你著」 

「阿寧吖嘛，尋晚旺仔爆咗你出嚟，話你好似同緊個女仔拍拖」 

果然我擔心的事發生了... 

「冇呀，我同佢冇嘢架...」 

「我唔知你啦，走喇，同老媽子講我今晚唔返嚟食」接著他便打開門走到外面 

然後又聽到房間裡的電話響起 

我急忙接聽，阿寧催促我快點 

我騙她說準備出門，但實際上連牙也還未刷

我火速地刷牙洗臉後便換衣服出門了 

阿寧傳了一張照片給我，是她坐的位置的號碼 

我到了自修室發現已經坐了不少學生 

找了一會兒才找到她，因為她坐的位置太隱蔽 

「咁耐架？」她把放在旁邊椅子的袋拿起 

「唔識路吖嘛...以前點會咁得閒去圖書館」 

「咁開始啦」 

「竟然今日唔傾吓計先開始？」 

「因為我地傾得太大聲會忽人鬧架」 

「哦...」 

所以在自修室大部分時間都是在聊天，沒說閒話 

到了中午我肚餓了所以叫她去吃飯 

於是我們拿了東西便走到外面 

「呼，喺入面好似透唔到氣咁」我鬆了一口氣 

「有冇咁誇張呀...」 

「我地去食咩呀？」 

「你決定啦」 

「吓，我冇乜主見...一係食麵囉」 

「咁行囉」她推著我走

我們到了附近一間麵店 

我點了雲吞麵後她還在看餐牌，我便叫伙記先下單 

我看著阿寧，她好像有精心打扮過的樣子，而且還化了淡妝 

「做咩成個咸濕佬咁望住我呀？」她注意到我的目光 

「冇...冇嘢呀，嗌得喇可？」 

「嗯」 

我在她點東西時拿電話出來看新聞 

「我一陣最多補到五點左右就走喇」她把手擋住我的手機 

「你有嘢做呀？」 

「係呀，我老豆返咗嚟香港呀，所以今晚一齊出街食飯」 

「哦...點解你阿爸好似成日中港兩地走嘅？佢做邊行架？」 

「我阿爸同你阿爸係同事喎，你唔知咩？」 

難怪他們的關係好像很好...還一起旅行... 

但我和阿寧認識的契機卻又不是因為他們... 

說起來，我們兩人之間經歷了不少的事 

我知道了她是怎樣看待我 

但她給我的感覺只是女生，更多的可能只是兄妹關係 

是我把界線劃得太清楚嗎？