能擁有你嗎？哪怕只有一天: 一 相遇

我叫林允𤋮，一個普通中學生，唯一唔普通就係發育比人過盛左小小咁囉，就係因為咁我一入呢間學校就成為左焦點咁。就係中三個一年，遇到佢，我呢生最難忘既一個人，係永遠唔會忘記既一個人。

中三，係我唯一一年唔係讀精英班，就係為左係中學生涯留一個美好回憶，但開學既一日發現呢班啲人我好似唔多識嫁喎。

就係我觀察緊呢班既時候，有個人坐左係我隔離個位。

Andy: 呢個咪大波𤋮？唔係話自己讀書好叻嫁咩，做咩係呢班既哈哈哈

無錯，大波熙係我由中一到而家既花名，由來唔洗解釋啦。呢個Andy係我之前精英班識既一個男仔，算係同我最熟既一個異性，把口都幾賤下，不過份人幾好玩，幾守得秘密，亦唔會發脾氣，任玩唔嬲。





我: Andy哥你係咪笑緊自己吖，你好似都係呢班嫁喎。

你串我，我串你就係我地之間既相處方式，同佢仲傾得埋過啲女人，但係奇怪在我地從來唔會對大家有任何感覺，呢啲可能就係所謂既男女純友誼掛。

而坐我後面既，估都估唔到就係個個令我一世都記得既人。