能擁有你嗎？哪怕只有一天: 二 認識

到左開學既第三日，已經係正式上堂，突然上上下堂，我感覺到有人篤我背脊，自然反應就緊係擰轉去後面啦，而佢就開口同我講左第一句野，就係呢句，開始左我地既關係。

佢: 你點解咁大既？你好中意飲木瓜奶嫁？

我心諗: 呢條友係咩料，我同你三九唔識七，問我呢啲係咪痴線嫁

於是我就串左佢一句: 第一句就問我呢啲你都幾直接喎，另外我想同你講我唔食木瓜亦唔飲牛奶，我全家女人都係大既，呢個答案你滿意未？解答到你問題未？

佢: 果然同我之前見到既林允熙一樣，都係咁冷淡。





我: 我好似唔識你嫁喎，你點知我性格係點。

佢: 我叫何逸霖，我之前已經成日係學校見到你，成日見你黑面咁，所以咪諗住識下你，睇下你係咪真係咁冷淡。

我: 原來你就係何逸霖，我仲以為係我地級邊個傻仔黎。

就係咁，我同佢識左，慢慢愈來愈熟，上堂傾到忘哂型咁，而我亦都唔知道，到最後我竟然會咁中意眼前呢個人。