能擁有你嗎？哪怕只有一天: 三 互相幫忙

開左學都成三個月喇，我地班主任miss ho就突然話調位喇。

Miss ho:你地班人實在太嘈喇，唔得再咁坐喇，聽日你地就跟新座位表坐啦，係咁先。

果然係全校岀哂名既煩膠老師第一名，全班聽到真係不禁心入面幾廿百句粗口加白眼無限個。

我:聽日就無得同我坐喇，有無唔捨得先？無我呢個可愛動人既女仔坐你附近，係咪好傷心呢？

何逸霖:下，我係咪聽錯呀？可愛動人邊個呀？你唔係講緊你呀？你中文有待改善喎，個醜字都唔識寫既。





我心諗:依家我好差咩，其實我真係幾唔捨得呢個位既。

而我地學校逢星期二下就唔洗上堂，有個叫做活動課既野，總知就係又唔同組嫁啦，而我就係長跑隊既，依家諗返都覺on9，之前因爲中意個個男仔係呢組，自願就調左去呢度，依係呢組我一個frd都無，又要每個星期行去附近個球場跑，真係攰到死。好彩咁岩後來發現有個同班既男仔，佢就叫做林維軒，何逸霖個死黨。

林維軒:你都係長跑隊嫁？之前唔見你既？

我:係呀，我今年先調黎，原來你都係嫁。

其實我都算識佢既，f1同過班不過無乜幾句咁，個樣係就係呆左啲，不過份人係幾好既，好識照顧人，不過後來先發覺佢都幾中意身體接觸下。由個日開始，我就每個禮拜二食完飯就會見佢同我一齊去長跑隊，而我地都愈來愈frd，我亦都開始對佢有啲感覺。





雖然調左位，不過我同何逸霖都依然有傾計既，原因就係有求於大家，就係幫大家追自己個frd。何逸霖一直都好想追我個frd小欣，小欣係一個矮矮地qq地既一個女仔，好多男仔都追過佢，不過佢都幾難追到手嫁，聽講何逸霖f1已經追過小欣，不過小欣同我講當時見佢成個on9仔咁緊係唔受啦，不過f3既何逸朗就好似個時好多男仔既頭髮咁---菇頭。

而我就開始對林維軒有好感，於是我同何逸霖就開始我地既大計，我就係小欣面前提何逸霖多啲，佢就係林維軒面前提我多啲，無幾耐，我地緊係雙方都成功左啦，而我地就係好相反既兩對情侶，何逸霖就係同全世界講小欣係佢女朋友個種，林維軒就係中意地下情個種，其實我好想公開我地既關係，不過佢係學校都好避忌，直到有一日比人地見到我地一齊放學就比全班傳開左喇。

到拍左一個禮拜左右，小欣突然發現何逸霖仲有同佢前度聯絡，佢就同我講

小欣:何逸霖竟然仲有同小寧聯絡，佢當我呢個女朋友死嫁，佢九成仲中意佢啦。

小寧就係陳曉寧，何逸霖前度，f2一齊過，後來何逸霖就比佢飛左喇。佢仲有個frd叫做尹雨儀，呢個亦都係我同小欣既共同仇人。





我:唔會掛，我都發現呢排林維軒同尹雨儀玩得好埋，佢地真係當我地女朋友無到喎。

小欣:不如我地邊個分左手，另一個都同自己男朋友分手啦，共同進退。

其實我聽到個下都呆左一下，不過到最後我都係應承左小欣。

點知呢個就係無得挽回既決定。