能擁有你嗎？哪怕只有一天: 七 接近

之後既日子，我同何逸霖愈來愈親密，佢好中意整我塊面，好中意無啦啦係度打下我，曾經聽人講，男仔係好中意成日哈自己中意既女仔，因為想吸引佢注意。

上堂個時，佢問我住邊，我先醒起原來我地一直都唔知對方住邊，原來我地只係相差兩個地鐵站，係大家住既地方一直有條海濱長廊連接住。到後來，我先記得我地細個可能已經見過，因為細個我就係住係佢棟樓既對面。傾傾下，原來佢好中意夜晚去海濱跑步，跑去我屋企個邊，由個日開始，我就由唔做運動，開始為左佢，每日去海濱跑步，為左只係同佢偶遇。

有日我上堂問何逸霖

我：你覺得我長頭髮好睇啲定短頭髮好睇啲？我想剪短頭髮。

霖：其實我覺得短頭髮會襯你多啲。





就係因為佢呢一句，係之後既禮拜日我真係去左剪短我留左三年既長髮。到左禮拜一返學，個個都問我點解剪短頭髮，我就話好熱，想剪短，其實我剪短頭髮有兩個原因。一， 係想剪左以前同林維軒既回憶。二，我其實係因為何逸霖，我從來無同人講過，係因為佢。

自從我剪短左頭髮之後，何逸霖就更加中意整我，好中意成日摷亂我個頭。佢成日上上下堂會鏈住我塊面兩邊，佢成日都話我咁樣好得意，而其實每次聽到，我口就講話厭棄，心入面其實好開心。

我：你唔好咁整我好無呀？瞓覺會流口水嫁。

霖：唔緊要啦，你個懶瞓豬點瞓都會流口水嫁啦，不過你咁既樣真係好得意。

佢就成日咁樣整住我塊面，周圍同你講我好得意，其實個下真係好心動。呢一年，因為有TSA既關係，學校要我地補課，中英數全級分成四組，我同佢係全班數學最好既兩個，因為我係全班第二名，我就只有數學呢一科同佢同組，所以每次我都好期待上數學，偏偏呢一科既補課係最少既。





係最後一堂，個老師無返，而我地全班就緊係自由活動啦，我同Andy傾傾下計，突然有人係後面抱起左我，我都未黎得切反應，全班就係度起哄。

我：你做咩呀？放我落黎呀。

霖：原來你都幾重嫁喎，諗住抱下你睇左你幾重，死肥婆。

之後幾日不斷落大雨，而何逸霖每次落大雨都會請假唔返，原因唔想擔遮太麻煩，佢就係好怕麻煩既一個人。

我呢幾日都係同小欣放學，而小欣就好中意攞我部機黎玩。





小欣：不如你問下何逸霖做咩唔返學啦。

我：唔好啦，咁麻煩，佢唔中意人騷擾佢嫁。

小欣：唉，我幫你問喇。

小欣就攞左我部機問佢點解唔返，突然小欣係輸入欄打左一句'好掛住你'。

我：痴線嫁，唔好sd岀去呀。

小欣：無所謂啦，可能佢都掛住你呢。

小欣就㩒左傳送，咁岩佢就到站喇。

小欣：我走喇byebye。





我心諗：你就真係走得輕鬆，我望住部機真係唔知點算。

何逸霖'輸入中'

霖：唔好咁掛住我啦，聽日就有得見嫁喇。

其實我真係唔知點面對佢，我真係好尷尬。點知到之後個日考試，佢偏偏就係坐係我隔離，我地一見到面，大家都好尷尬，你眼望我眼咁。到考完一份卷之後，佢終於同我講野。

霖：有無多支鉛芯筆？

我：有呀，比你。

霖：係喎，你琴日做咩無啦啦話掛住我？





其實我個下呆左，我估唔到佢會問我。

我：小欣攞左我部機打嫁，講下笑。

何逸霖無講到任何野，笑左一笑，其實我地大家都已經感覺到大家既感覺。之後大家又變返原本咁，有傾有講，只係大家心入面都多左一份溫暖。