能擁有你嗎？哪怕只有一天: 九 你的陌生令我變得放任

成個暑假我地一句野都無講過，無whatsapp無見面，大家消失係對方既生活，唔係，應該係話我消失左係佢既生活，佢依然深深係我腦海度。到中四開學前，返學校攞選科表個日，我終於見到佢一面，我從來無問過佢揀科既野，我最後既一個希望，如果我同佢揀既科完全唔同，我地之後既三年就唔會再有任何交集，因為揀既科代表左我地未來既三年會唔會同班。結果，如我所料。

我：你讀咩科？

霖：物理，Econ。你呢？

我：唔話你知，不過同你唔同啦。

霖：加油啦你。





我：嗯，你都係。

我再諗唔到有咩可以再同佢講，呢個結果呼之欲出，我地點都唔會再有同班既機會，連選修科都無重疊，天都注定我地變成陌路人。其實本來我揀既係econ，就係交表前一日我改左，其實我好後悔當初做左呢一個選擇，就係自己改變左自己既命運。再見喇，何逸霖。


開左學之後，何逸霖係我既隔離班，佢既選修科會去我既課室上，雖然見到面唔會打招呼，一次我返課室攞野，比我發現到，佢選修上堂坐既係我個位，我呆左一呆，望左佢一眼，佢無任何表情，只係企左起身等我攞完野。於是之後個日我就特登係自己張枱度寫左兩句歌詞，希望佢會見到會明。

"我好想你 好想你 就深藏在心"

"像普通舊朋友，還是你依然會心疼我？"





但當落堂既時候，我係課室岀面望入去發現，佢已經唔再係坐係我個位，究竟係點解？何逸霖，你真係咁唔想同關於我既一切扯上關係咩？你接近我既目的真係只係為扑野咩？

係中四呢一年，我同左凌詩一班，而佢亦都知道左我中意何逸霖，我將我地發生過既所有野講晒比佢知，凌詩叫我不如問清楚佢啦。

於是我whatsapp何逸霖。

我：我有啲野想問你

霖：咩?





我：其實你有無中意過我？

霖：我都唔知。

我：咁樣算係點？你之前做既野又點解釋？

霖：衝動左，對唔住。

我：對唔住大哂？

霖：咁你想我點？


我真係唔識點答，你可以當咩事都無，一句對唔住就算，而我就繼續on9咁覺得你會變返以前既你，我亦係度呃自己你係中意我既，其實答案已經好明顯啦，只係我自己唔肯去接受。凌詩見到我咁樣，就話幫我同佢傾清楚。





我比左何逸霖電話號碼佢，佢地本來都唔識大家，甚至何逸霖講過話其實唔多中意凌詩，其實凌詩幫我同佢講究竟係咪正確既選擇呢？我唔再諗咁多，只要係可以令佢回心轉意既方法，我咩都會去試。

不過自從上次之後，我徹底地放任自己，毫無底線地玩，我既價值觀亦開始變得不知所謂，我會同一大班男仔飲酒，其實明知自己根本唔飲得，亦唔中意飲，但係其實只係想用酒精黎麻醉自己，無諗過我不但無飲醉，更令你係我腦海度愈來愈清晰。

我開始對於自己既身體，毫無掩飾地係其他人面前表露無遺，我既初吻係玩既時候無左，我亦試過係沙灘除哂上身既衫比人睇，我亦試過比唔同既男仔揸過摸過錫過，因為我覺得遲早都要比人破處既女仔，扮乜撚野矜持。呢個林允熙，係人地眼中連雞都不如啦，只要係做到既，有咩係玩唔起，我開始對愛情呢樣野失去信心，我認為所有男人溝女咪又係為左扑野。其實我知道我有一日可能會玩到身邊人都唔想再理我，但係我只係知道唯有作賤自己，我先覺得我可以脫離到你既陰影。