能擁有你嗎？哪怕只有一天: 十 背叛

我有比人靈敏好多倍既第六感，只要係圍繞近排身邊既人同事，我就好易會係夢境中夢到事情之後既經過，包括林維軒聖誕既事，亦係我夢境岀現過，而最後成真。而最近我亦有個預感，自從凌詩話幫我之後，我就感覺到佢同何逸霖既關係似乎非比尋常，我曾經夢過幾次佢地兩個拍拖既畫面，我好想話比自己知呢一切都唔係真，但係感覺卻愈來愈清晰。

我忍受唔住自己既不安感，我去問凌詩。

我：你係咪中意左何逸霖？

詩：傻啦，點會呀，佢係你中意嫁，不過佢都係唔太願提起你既野。

我：真係唔會？你唔好呃我喎。





我係呢一刻我選擇信凌詩，而我呢一個信任，係我呢一世人最後悔既一個信任，我失去左兩個對我好重要既人。係之後既禮拜，我有一種好奇怪既感覺，身邊既同學不斷對我指指點點咁，好似係度討論緊我咁，好似有啲野只有我唔知。而凌詩最近放學就成日急急腳咁走，佢亦都以唔同既籍口黎引開我去唔同我地方，我感覺到佢有野隱瞞，而我既第六感話我知，係同何逸霖有關，我大概估到係咩事。

我：你係咪同我何逸霖一齊？答我。

詩：你聽我講，我係驚你嬲驚你唔開心先無同你講。

我：你認為你同我坦白會嬲啲，定係係人地口中聽返一樣只有我唔知既野嬲啲呀？

詩：對唔住。





我：對唔住有用咩？你真係覺得對我唔住既你會同佢一齊咩？你會為左我同佢分手咩？既然你既心目中，你會情願犧牲友情黎換取一段你認為值得既愛情，你會後悔，到時唔好返黎搵我。

就係咁，我同凌詩不歡而散，因為何逸霖，你既岀現毀左我原有既生活，只要同你有關既，我永遠都會因此而受傷。不過我始終同你唔係啲咩關係，連前度都不如既一個人，憑咩黎管你既私生活。

祝你地幸福既說話，唔洗旨意我會講，我唔會講得岀口，我無咁大方。睇住佢地po既每一張親密合照，我不禁冷笑了，得到一個佢，付出既代價，失去既野往往比你想像既更多。