拳頭伸出一刻我已經後悔,但一切已經太遲。

「你打我?你為咗啲女打我?」Keith 盛怒地站起來,手在抺走口角的鮮血。

我不知道我何時開始變得這麼暴戾,雖然心感後悔,但自尊心令我錯失了修補關係的良機。

走過去照料 Keith 的,竟然是 Vicky。

「阿 Roy 你做乜打人呀?佢係你細佬嚟㗎!」Vicky 責備道。



果然,她們是有一腿的。

「妳唔好信佢呀!佢成日扮曬嘢想呃蝦條咋!」我衝口而出。

「馮若海!」不知何時她知道我的全名,「你當我係乜嘢呀?你咁樣好唔尊重我囉!」跟著她向著 Keith 説,「我哋唔好理佢,我同你番入房唞吓先!」

説罷她便陪同著 Keith 走入房間,甫走入房前,我好像看到 Keith 向我展示出勝利者的笑容。

「對唔住呀!害到你咁...」Suki 走過來安慰我。



「唉... 邊關你事吖!」我無奈地應道,「係有心人裝冇心人啫。」

「阿 Roy 哥,你都唔想留吓度㗎啦,不如陪我哋出去搵 Johnson 先啦!」Coco 乘機提議道。

我回頭看著 Suki,她想了一下後説,「都 ok 嘅,我會喺度睇住 Vicky,你放心!不過你都要小心啲...」

「你哋比十分鐘我!」我對 Coco 她們説道,然後拖著 Suki 的手走進其中一個房間。

我把房間的門關上,「可唔可以話比我知,你同 Keith 發生咗咩事?」



原來剛才 Keith 向她提出了分手,原因和他跟我説的一樣。Suki 當然不能接受,並向他説明 Vicky 對他根本沒有意思。

但 Keith 沒有理會,堅持分手的決定,她感到傷心欲絕,不斷哭泣。

她知道結果都已成定局,收拾心情後便與 Keith 步出大堂。

Suki 説完後再次眼泛淚光,我於是把她擁在懷中。

懷中的她好像哭得更厲害,我輕拍她後背以讓她哭出所有不快。

一會兒後,她的心情好像平服了一點,於是我開口説道,「喊咗出嚟係咪好啲?」

「唔...」Suki 點頭説道,「多謝你!」

「唔洗多謝,我講過會保護你家嘛!」我不慎把心裏話説了出來。



「我上次問你,你都冇應承我,咁而家係咪應承咗㗎喇?」Suki 鬼馬地問。

「係喇係喇,應承妳喇!」我答道。

「好嘢!」她好像小孩般叫著,之後突然又認真起來問道,「不過,其實你鐘意我哋邊個多啲?」

突如其來的問題,真的令我想不到答案,她們各有各的吸引力。之前我覺得 Vicky 的性格比較好,但與 Suki 相處過後,我對她的印像也不差。現在的我,真的很想不負責任的説 - why not both?

「你唔答我,即係鐘意 Vicky 多啲啦!你放心,我會留喺度幫手昅實佢哋嘅!到時我會幫你搶番你個女神番嚟㗎喇!」Suki 酸溜溜地説道。

「妳唔好咁講啦,比啲時間我,好唔好?」我安撫著她説。

「好喇,要出發喇!記住一定要萬事小心,搵唔倒就唔好勉強。」她説罷便是一吻。



「唔... 我一定會小心!」我説罷便與 Suki 離開房間。

大堂的 Coco 等人已經準備好,Suki 亦醒目地幫我回到房間拿出我的背囊來。我整理及分配一下切肉刀及鐵通等武器,以及簡單的糧水,便準備好出發。

「我哋首先由 Coco 揸車喺附近兜吓,然後再入一入烏溪沙嗰邊搵我一啲失散嘅朋友,最後返新港城搵,順便收集物資...」我大致説出我的計劃。

一切準備就緒。

「好,出發!」我大聲叫著,但沒有引來"她"的關注。

我再次把門打開,乘著升降機往地下。

門口外面站著一隻喪屍,看他的衣著,應該就是昨晚睡在這裡的那一個。

不同的是,現在是喪屍擁有優勢的大白天,如果我們不能在它求援前一撃即殺,後果不堪設想。



莫非我們要放棄這個行動嗎?但我真的不想就這樣放棄。

我看著喪屍背向我們,漫無目的地站著,於是我便盤算著下一步的行動。

和 Coco 她們簡介一下我的計劃後,我便慢慢地走出大門,腳步放輕,移近喪屍。

五步,四步,三步...

正準備往其後腦重擊,冷不防它突然回過頭來。

我改為拿著鐵通向直插,以阻止它的嘶叫,Coco 她們亦依計向七人車狂奔,但很快便被四周的喪屍留意到...
已有 0 人追稿